Judith Estrada-Larino

Halos 200,000  Overseas Filipino Workers (OFW)’s na nawalan ng trabaho dahil sa coronavirus disease 2019 (COVID-19) pandemic ang piniling manatili na lamang sa mga bansa kung saan sila naruon.

Ito ayon kay Department of Labor and Employmen (DOLE)  Secretary Silvestre Bello III ay dahil umaasa ang mga nasabing OFW’s na makakahanap sila ng bagong trabaho kapag humupa na ang pandemic.

Ipinabatid ni Bello na inaasahan sana nilang nasa mahigit 42,000 OFW’s  ang uuwi sa bansa sa buwang ito subalit lumalabas sa report ng labor attaches na nasa halos 17,000 lamang ang kumuha ng permits.

Ang mga OFW’s na umuwi ay maaari naman anyang kunin para mag trabaho sa ilalim ng Build, Build, Build Program ng gobyerno.

Paiigtingin ng National Capital Region Police Office (NCRPO)  ang pagbabantay ng kanilang social distancing patrols kasabay nang umiiral na general community quarantine (GCQ).

Sinabi ni NCRPO director Police Major General Debold Sinas na susuyurin nila maging ang maliliit na negosyo o establishment para tiyaking nasusunod ang physical distancing na bahagi ng quarantine protocols.

Tungkulin anila ng kanilang social distancing patrols na sawayin ang mga taong hindi sumusunod dito at maiwasang mauwi sa kumpulan ang pagbili ng mga customer ng essential goods.

Maliban dito dadagdagan din ng NCRPO ang kanilang foot patrols na tututok naman sa krimen sa paligid para hindi na tumaas pa ito sa kabila nang pagluluwag ng quarantine rules.

Ibinida ni Sinas na sa unang dalawang araw nang pagpapairal ng GCQ sa Metro Manila ay wala namang untoward incident silang naitala bagamat nakikita nila ang problema na maraming manggagawa ang wala pa ring masakyan patungo sa kanilang mga trabaho at pauwi. —ulat ni Jaymark Dagala (Patrol  9)

Umaabot na sa 201 ang mga natatanggap na reklamo ng Philippine National Police- Criminal Investigation and Detection Group (PNP-CIDG) kaugnay sa mga opisyal ng barangay na dawit sa mga anomalya sa pamamahagi ng pondo sa ilalim ng social amelioration program (SAP).

Batay sa datos ng PNP-CIDG mula Abril 1 hanggangMayo 28 ang mga nasabing reklamo ay mula sa mahigit 340 katao na nasa ibat ibang bahagi ng bansa.

Ayon kay CIDG Deputy Director Police Brigadier General Rhoderick Armamento karamihan sa kanilang natanggap na reklamo ay paghahati hati ng sap subsidy.

Kaugnay nito naaresto ng mga tauhan ni armamento ang isang barangay ex o mula sa Cabalan, Olongapo at isa naman ay barangay secretary sa bansalan, Davao Del Sur. —ulat ni Jaymark Dagala (Patrol  9)

Walang ipapataw na multa ang Philippine National Police (PNP)  sa mga napasong lisensya ng baril mula Marso 17 hanggang  Mayo 31.

Kasunod na rin ito nang ipinatupad na enhanced community quarantine (ECQ) sa Metro Manila at iba pang panig ng bansa dahil sa coronavirus disease 2019 (COVID-19) pandemic.

Ayon kay PNP Chief Archie Gamboa posibleng magbigay sila ng dalawang buwang palugit sa mga may ari ng baril para ayusin ang kanilang lisensya at permit to carry.

Ipinabatid ni Gamboa na simula Bukas, Hunyo 4  by appointment na ang pagsasaayos ng mga dokumento sa mga tanggapan sa ilalim ng PNP civil security group partikular ang FIREARMS and Explosives Office (FEO), sosia o Supervisory Office for Security  (SOSIA) and investigation agencies, Highway Patrol Group at one stop shop.

Sinabi pa ni Gamboa na para sa mga aplikanteng tutungo sa Camp Crame dapat munang lumada sa isang contact tracing form sa gate, papi-pirmahan ito sa makakausap na tauhan ng pnp at iiwan bago lumabas ng kampo para mapabilis ang contact tracing sakaling mag positibo sa COVID-19 ang aplikante at makapag ingat naman ang mga nasa loob ng kampo mula sa banta ng naturang virus. —ulat ni Jaymark Dagala (Patrol  9)

Tila kumasa na hindi si Departrment of Ttransportation (DOTr) Secretary Arthur Tugade kundi ang isang opisyal ng DOTr sa hamon ni Senador Nancy Binay na mag-commute ang kalihim sa mga panahong ito.

Ipinost ni Transportation Assistant Secretary Goddess Libiran sa Facebook ang larawan ni Tugade na nag commute o sumakay sa tren.

Nag patutsada pa si Libiran kay Binay at tinanong kung kailan ito huling nag commute.

Sinabihan ni Libiran ang senadora na hindi na kailangang hamunin si Tugade na mag commute dahil nuon pa ito ginagawa ng kalihim ng walang fanfare at media.

Mahigit 16,000 Oversease Filipino Workers  (OFW)’s ang inaasahang uuwi ng bansa ngayong buwan.

Subalit nilinaw ni Department of Labor and Employment (DOLE)  Secretary Silvestre Bello III  na 1,000  OFW’s na mula sa 16, 679 OFW’s ang nakabalik na sa bansa.

Ang natitira pa aniya sa nasabing bilang ay naghahanda na ring makauwi ng pilipinas matapos naka kumpleto ng mga dokumento tulad ng exit visa, clearance mula sa kani kanilang employers at ticket pauwi ng bansa.