May go signal na ang mga mass gatherings sa mga lugar na nasa ilalim ng modified general community quarantine (MGCQ) subalit para lamang sa religious purposes.
Sinabi ni Presidential Spokesman Harry Roque na papayagan lamang ang 50% lamang ng capacity ng lugar na pagdarausan ng mass gathering.
Nangangahulugan ito na sa mga lugar na naa MGCQ lamang puwedeng magdaos muli ng mga misa na dadaluhan ng mga ito subalit limitado lamang sa 50% capacity ng simbahan ang papayagang makapasok.
Tinaningan ng Pangulong Rodrigo Duterte hanggang sa Hunyo 9 ang mga opisyal ng gobyerno para ibigay na ang nararapat na cash assistance sa health workers na tinamaan ng coronavirus disease 2019 (COVID-19).
Sa ilalim ng Bayanihan to Heal as One Act (BAHO) ang pamilya ng mga nasawing health workers dahil sa COVID-19 ay dapat tumanggap ng P1-M habang P100,000 naman ang dapat ibigay sa sa kada isang health worker na nagkasakit dahil sa nasabing virus.
Sinabi ni Presidential Spokesman Harry Roque na ibinaba ng pangulo ang Hunyo 9 deadline matapos makarating sa malakaniyang na hindi pa naibibigay ang nasabing cash assistance.
Ipinabatid naman ng Department of Health (DOH) na pino-proseso na ang pamamahagi ng P1-M na death benefit para sa mga nasawing health workers na ang mga pamilya ay nakausap na ng mga otoridad at pinagsusumite na lamang mga kinakailangang dokumento.
Halos 84% ng mga Pilipino ang naniniwalang malaki ang naitulong o sagot kontra coronavirus disease 2019 (COVID-19) transmission ang pagkakasa ng lockdown.
Ayon ito sa isinagawang survey ng Social Weather Station (SWS) mula May 4 hanggang 10 kung saan lumalabas ding 15% ang naniniwalang ang stay at home measures dahil sa COVID-19 ay pasakip sa mga tao at ang isang porsyento naman ay naniniwalang mahalaga ang nasabing hakbangin para ma protektahan ang mga ito subalit pabigat din ito sa mga tao.
Ayon sa SWS nasa 84% ng mga nasa Metro Manila, Balance Luzon at Visayas ang mga naniniwalang may positibong epekto ang lockdown policy kumpara sa 81% sa Mindanao.
Samantala mahigit 80% ng mga Pilipino ang aprubado ang stay at home measure sa mga lugar na nasa ilalim ng enhanced community quarantine (ECQ) sa 84% at general community quarantine (GCQ) sa 83%.
Pinakamataas na bilang ng mga pumabor sa stay at home protocol ay mga college graduates na nasa 88% at sinundan ng high school graduates sa 83%.
Ang nasabing SWS survey ay isinagawa gamit ang mobile phone at computer assisted telephone interviewing ng mahigit 4,000 working age Pinoys na may edad 15 pataas sa buong bansa.
Itinanggi ng Philippine Amusement and Gaming Corporation (Pagcor) ang mga umanoy illegal clinics para sa mga empleyado ng Philippine Offshore Gaming Operator POGO) na hinihinalang may coronavirus disease 2019 (COVID-19).
Ayon kay Margarita Gutierrez, tagapagsalita ng Accredited Service Providers Association (APSAP) ng Pagcor ang mga lehitimong pogo service providers ay mayruong company clinics na pinapayagan at nag o operate batay sa mga batas sa bansa sa loob din ng kanilang opisina.
Sinabi ni Gutierrez na ang mga company clinics na ito ng POGO operators ay kumpleto sa mga kinakailangang safeguards at health protocols laban sa COVID-19.
Kasabay nito ipinabatid ni Gutierrez na ang POGO industry ay hindi lamang limitado sa Chinese nationals at sa katunayan ay mas marami pang mula sa Europa.
Nagsimula nang mag aral hinggil sa mga virus ang Department of Science and Technology (DOST) bilang paghahanda sa pagtatayo ng Virology Institute sa bansa sa gitna ng coronavirus disease 2019 (COVID-19) pandemic.
Ipinabatid ni DOST ) Secretary Fortunato Dela Peña, na isinulong na nila ang pagtatayo ng nasabing institute.
Ang mga pag aaral aniya nila hinggil sa viruses ay hindi lamang para sa COVID-19 kundi sa iba pang virus.
Una nang ipinanukala ni Senador Panfilo Lacson ang pagbuo ng Virology Science and Technology Institute of the Philippines (VIP) sa ilalim ng DOST sa gitna na rin ng nararanasang global health crisis.
Sinalubong ng mahabang pila ng mga magpapa rehistro ang pagbubukas muli ng operasyon ng mga tanggapan ng Land Transportation Office (LTO) kahapon.
Sa LTO head office sa Quezon City marami na ang nakapila bago pa man sumikat ang araw at napilitan ang mga itong mag physical distancing dahil sa coronavirus disease 2019 (COVID-19).
Dahil dito ilan sa mga nakapila na ay sinabihang bumalik na lamang sa ibang araw.
Kabilang sa mga dumagsa sa central office ng lto ay mga magpapa rehistro ng kanilang mga bagong biling motorsiklo.
Pinayuhan ng lto ang publiko na mag avail na lamang ng online appointment sa Facebook page nito para hindi na pumila pa.
39 ang nadagdag sa bilang ng mga Pilipino sa ibang bansa na gumaling mula sa ng coronavirus disease 2019 (COVID-19).
Ayon ito sa Department of Foreign Affairs (DFA) kayat pumapalo na sa 2,205 ang OVERSEAS Pinoys na naka recover na sa nakakahawang sakit.
Pumapalo naman sa 5,259 mga kumpirmadong positibo sa COVID-19 na Pinoy mula sa 49 na bansa at rehiyon kung saan 2,700 ay patuloy na nagpapagamot sa ibat ibang ospital.
Samantala pito ang pinakahuling bilang ng mga Pilipinong nasawi sa COVID-19 kayat nasa 354 na ang kabuuang death toll.
Pinakamarami pa ring naitalang conformed COVID-19 positive na Overseas Pinoys ay sa bahagi ng Middle East/Africa – 3, 274 , Europe -834 cases, Americas – 656 cases at Asia Pacific Region – 495
Samantala walang Pilipinong infected ng COVID-19 sa India na nakapagtala ng pinakamataas na bilang ng kaso sa Asya.
Sinabi ni Ambassador Ramon Bagatsing, Jr. Na ang mga Pilipino sa India ay hindi naman talaga lumalabas, hindi pala ikot at sumusunod sa mga patakaran na ipinag u utos ng indian government.
Handa na ang Department of Science and Technology (DOST) sa pagbubukas ng bagong school year sa Agosto.
Ipinabatid ni Department of Science and Technology (DOST) Secretary Fortunato Dela Peña na handa na ang campuses ng Philippine Science High School sakaling magpasya ang gobyerno na ibalik ang face to face classes o ipatupad ang distance learning.
Handa na aniya sa anumang uri ng pag aaral sa gitna na rin nang patuloy na paghahanda ng mga guro ng learning materials at kinu kunsulta na rin ang mga magulang.
Ayon kay Dela Peña magiging kada batch ang physical classes para matiyak na masusunod ang physical distancing at malimitahan sa labing limang estudyante ang papasukin kada klase.
Sakaling ipatupad ang distance learning sinabi ni Dela Peña na maglalabas ng online at printed materials ang pisay system para sa mga estudyante nito at mareresolba ang problema sa gagamiting computer o laptop bagamat magbibigay sila ng mga ito sa ilang estudyante nga lamang.
Binatikos ng local airlines ang anila’y hindi malinaw na guidelines ng ilang local government units kaugnay sa resumption ng domestic flights.
Ayon kay Roberto Lim, Vice Chairman ng Air Carriers Association of the Philippines (ACAP) sinasabi ng ilang city government na kahit nasa ilalim sila ng general community quarantine ayaw pa rin nila ng mga pasahero sa kanilang nasasakupang airports.
Dahil dito n anawagan si Lim sa airport authorities tulad ng Mactan Cebu International Airport Authority, CAAP at Clark International Airport na linawin ang isyung ito para naman makapag balik operasyon na rin sa bansa ang air carriers na handa na mula nang isailalim sa gcq ang metro manila nitong Lunes, Hunyo 1.
Wala nang ibibigay na hazard pay sa mga gurong pisikal na babalik sa kanilang trabaho sa mga lugar na nasa ilalim ng general community quarantine (GCQ).
Ayon kay Department of Education (DepEd) Undersecretary Annalyn Sevilla ang hazard pay sa ilalim ng Administrative Order 26 ay para lamang sa mga nasa enhanced community quarantine (ECQ) at hindi na otorisadong ibigay sa mga guro sa mga nasa GCQ areas.
Sa halip na pagbabayad ng hazard pay ipinabatid ni Sevilla na pina plantsa na nila ang alternative working arrangement para malimita ang pagta trabaho sa labas ng mga guro.
Sa ilalim nito aniya ay hindi kailangang mag report ng anim hanggang walong oras ang mga gurp dahil skeleton workforce lang naman ang kailangan at talagang may dahilan ang pinapapunta o pinagre report ng pisikal.