Judith Estrada-Larino

Lusot na sa ikatlo at huling pagbasa sa Kamara ang House Bill 6920 o The COVID-19 Unemployment Reduction Economic Stimulus (CURES) act of 2020.

Nakasaad sa nasabing panukala ang paglalaan ng P1.5-T  para mapondohan ang mga infrastructure projects sa health, education, agriculture at local roads/infrastructure livelihood sectors.

Kabilang sa infrastructure projects ang pagtatayo ng barangay health centers, municipal at city hospitals, digital equipment para sa coronavirus disease 2019 (COVID-19)   esting, telemedicine services para sa post harvest facilities, trading centers at farm to market roads.

Makakatulong din ang nasabing panukala sa implementasyon ng balik probinsiya program na layong ma decongest ang Metro Manila.

Mahigit 200 bus ang papayagang mag-operate sa mga bagong ruta sa ilalim nang pag-iral ng community quarantine.

Ipinabatid ni Department of Transportation (DOTr) Assistant Secretary Goddess Hope Libiran na ang 220 bus units ay ide-deploy sa mga bagong ruta.

Kabilang dito ang Monumento pa Balagtas, Bulacan na nasa 116 bus units EDSA, Quezon Avenue pa Montalban, Rizal – 30 bus units at 74 bus units sa Paranaque Integrated Terminal Exchange (PITX) – Ninoy Aquino International Airport (NAIA) loop.

Ang dagdag na mga bus ay para matulungan ang mga pasaherong nahihirapang sumakay dahil sa limitadong public transportation.

Tuluyan nang nalusaw ang low pressure area (LPA) na binabantayan ng PAGASA sa loob ng Philippine Area of Responsibility.

Gayunman sinabi ng pagasa na mayruon pa ring namamataang kaulapan sa timog silangang bahagi ng bansa na kanilang binabantayan pa rin.

Samantala  napalawig pa sa Luzon ang ridge of high pressure habang apektado naman nang umiiral na easterlies ang nalalabing bahagi ng bansa.

Dahil dito hanggang ngayong araw na ito, biyernes ay asahan pa rin ang mainit at maalinsangang panahon sa bansa.

Sinabi ng PAGASA na walang inaasahang bago sa bansa sa mga susunod na araw.

Umapela ang Manila International Airport Authority (MIAA) sa mga locally stranded individuals (LSI)’s na umaasang makakabalik sa kanilang mga probinsya na huwag magtungo ng Ninoy Aquino International Airport  (NAIA) hanggat walang kumpirmadong flights.

Sinabi ni MIAA General Manager Ed Monreal na nagulat sila sa pagdagsa ng LSI’s na grupo grupo at nanatili hanggang magdamag sa NAIA  sa pag asang makakakuha ng walk in flight bookings.

Ayon kay Monreal nakausap nila ang lSI’s na nagkuwento na isang lider nila ang nagsabi sa kanilang matungo na sa NAIA 2 dahil mayruon nang flight na magdadala sa kanila sa kanilang mga lalawigan sa Visayas at Mindanao.

Tumatanggi aniyang umalis ng Terminal 2 ang mga naturang LSI’s na nagsabing hihintayin na lamang nila kung kailangan magkakaruon ng flight.

Nangangamba si Monreal sa kalusugan ng mga naturang LSI’s kapag tumagal pa ang mga ito sa labas ng airport.

Halos 10,000 enrolees pa ang inaasahan ng National Housing Authority (NHA) para sa Balik Probinsya Program.

Ito ayon kay NHA General Manager Marcelino Escalada, Jr. siya ring executive director ng Balik Probinsya, Balik Pag asa Program (BP2)  ay dahil uubra anng pangasiwaan ng mga barangay ang manual applications ng mga hindi nakapag register online.

Sinabi ni Escalada na ang manual applications ay dadagdag sa halos walumpung libo katao mula sa National Capital Region (NCR) na nakapag rehistro na online para maka avail sa nasabing programa.

Bukod sa mga barangay ipinabatid ni Escaladan na tinututukan din nila ang pagtatayo ng BP2 desks sa mga tanggapan ng member departments para mapangasiwaan ang applications.

Kabilang dito ang DILG, DSWD, Department of Agriculture, DAR, DTI, DOLE, DOH, DICT, DOF, DBM, DPWH, DOTr, DOT, Department of Human Settlements and Urban Development, DENR at Department of Education.