Tinambangan ng mga hindi nakilalang suspek ang isang testigo sa Maguindanao massacre kaninang umaga sa Tantangan, South Cotabato.
Ayon kay Atty. Nena Santos, abogado ng mga biktima ng Maguindanao massacre si Mohammad Sangki ay sakay ng kaniyang sasakyan nang pagbabarilin at masuwerteng nasugatan lamang ito kasama ang kaniyang bodyguard.
Sinabi ni Santos na si Sangki ay nasugatan nang bumangga ang sasakyan nito habang pinagbabaril kung saan nakaganti naman ng putok ang kaniyang bodyguard at tinamaan ang isa sa mga suspek.
Tinutugis na ng mga otoridad ang mga suspek sa nasabing pananambang.