Judith Estrada-Larino

Magpapatupad ng tigil operasyon sa biyahe ng MRT 3 sa apat na weekend mula Hulyo hanggang Setyembre.

Ito’y ayon sa DOTr MRT 3 ay para mapabilis ang rail replacement sa buong linya ng MRT 3 na nakatakdang matapos sa Setyembre.

Ipinabatid ng pamunuan ng MRT 3 na suspendido ang operasyon nila sa July 4-5, August 8-9, August 22-23 at September 12-13 para sa rail replacement works sa southbound at northbound tracks kabilang ang turn out tracks na nasa North Avenue at Taft Avenue Stations.

Sinabi ng MRT 3 na maitataas na sa hanggang 60 kilometers per hour ang takbo ng mga tren kapag nakumpleto na ang pagpapalit ng riles ng buong linya ng MRT 3.

Mas ligtas para sa mga commuter ang traditional jeepney kumpara sa modern jeep sa gitna na rin ng coronavirus disease 2019 (COVID-19) pandemic.

Binigyang diin ito ng IBON foundation matapos tukuyin ang ilang pag aaral sa ibayong dagat.

Kabilang sa mga ito ang pagaral ng medical researchers at pnhysicists mula sa University of Amsterdam na nagsasabing ang droplets mula sa ubo na may dala ng virus particles ay nananatili sa hangin sa isang enclosed spaces lalo na sa mga walang sapat na ventilation o hangin sa mga kuwarto at gusali.

Bukod pa ito ayon sa IBON foundation ng findings naman ng chinese academy of science kung saan nakasaad na ang airborne transmission ay mahalagang daanan ng infection sa mga kulob o indoor environments gayundin ang babala ng international association of public transport na ang public transport systems ay maituturing na high risk environments dahil sa confined space at limitadong ventilation at ang payo naman ng European Center for Disease Prevention and Control na ang tamang ventilation sa mga pampublikong transportasyon sa lahat ng oras at paggamit ng bintana para makapasok ang sariwang hangin.

Kinontra naman ito ng gobyerno sa pagsasabing mas lalong hindi ligtas sa loob ng traditional jeepney dahil sa internal design nito.

Subalit inihayag ni Presidential Spokesman Harry Roque na maaari pa namang maikunsider ang traditional jeepney sakaling kulangin ang public transport.

Bawal pa ring mag operate ang traditional jeepney sa ilalim ng general community quarantine (GCQ) dahil hindi umano na o obserba ang physical distancing sa limitadong espasyo kung saan ang mga pasahero ay nakaupo nang nakaharap sa isa’t isa.

Mabuting magsagawa muna ng dry run ang Department of Education (DepEd)  bago ang aktuwal na pagdaraos ng online classes sa Agosto.

Ayon ito kay Senador Francis Tolentino para makita na rin ng DepEd ang mga pagkukulang at problema na maaaring maranasan kapag nagbukas na ang klase

Inihalimbawa ni Tolentino ang automated elections na bago ginamit sa aktuwal na halalan ay nagsagawa ng mga dry run at pilot areas nuon ang Comelec.

Wala aniya itong pagkakaiba sa gagawing sistema ng DepEd dahil tulad ng automated elections gagamit din ng internet access ang ipatutupad na distance learning ng DepEd.

Sinabi ni Tolentino na kung maagang magagawa ang dry run mas magkakaruon ng sapat na panahon ang DepEd na i-assess kung pupuwede ba ang distance learning sa buong bansa.

Inihayag pa ni Tolentino na mahalagang factor ang internet access sa harap ng katotohanan na hindi pa nailalatag ang maayos na infrastructure sa telecommunications bukod sa maraming mga lugar sa bansa ang hanggang ngayon ay walang sapat na serbisyo ng kuryente. —ulat ni Cely Ortega-Bueno (Patrol 19)

Dapat pang tulungan ng gobyerno ang mga maliliit na online sellers o online entrepinoys sa pamamagitan nang pagbibigay ng dagdag na puhunan at iba pang tulong pinansyal para mapalago ang kanilang negosyo.

Ayon ito kay Senador Sherwin Gatchalian sa halip na patawan ng buwis ang online sellers.

Dapat aniyang isama ang online sellers sa micro financing program ng small busness corporation na isang gobernment owned and controlled corporation na nasa ilalim ng Department of Trade and Industry (DTI).

Sinabi ni Gatchalian na may P1-B pondo ang small business corporation para matulungan ang mga maliliit na negosyo o micro and small businesses kayat wrong timing at insensitive ang plano ng BIR na buwisan ang online sellers. —ulat ni Cely Ortega-Bueno (Patrol 19)

Tumatanggi si House Speaker Alan Peter Cayetano na pagusapan ang term sharing nila ni Marinduque Congressman Lord Allan Velasco.

Sinabi ni Cayetano na hindi ito ang tamang panahon para pag usapan ang pagbabagong mangyayari sa speakership post dahil nasa gitna pa ng coronavirus disease 2019 (COVID-19) pandemic ang bansa.

Sa ngayon aniya ay maituturing na nasa wartime ngayon ang Kongreso dahil sa COVID-19 pandemic kasunod na rin nang patuloy na paghahanda nila para sa transition na mangyayari.

Ayon pa kay Cayetano patuloy naman ang pakikipag usap nila sa supporters ni Velasco sa pagnanais na minimal lamang ang pagbabago sa transition na gagawin lalo na sa chairmanship sa mga komite.

Iginiit ni Cayetano na marami nang significant achievement ang 18th congress at nais nilang ipagpatuloy ito kahit sa gitna ng krisis dulot ng pandemya.

Magugunitang sa kasunduang inayos ng Pangulong Rodrigo Duterte nuong 2016 , si Cayetano ang napiling maupo bilang house speaker hanggang sa darating na Oktubre at si Velasco naman ang siyang papalit hanggang sa matapos ang 18th congress.

Inamin ng Malakaniyang na nakaaalarma na ang bilang ng naitatalang karahasan laban sa mga kababaihan at kabataan sa gitna na rin ng coronavirus disease 2019 (COVID-19) pandemic.

Sinabi ni Presidential Spokesman Harry Roque na ito ang dahilan kayat naglagay ng hotline number ang DSWD at PNP para tumanggap ng mga sumbong ng mga biktima ng karahasan.

Ayon sa report ng Pangulong Rodrigo Duterte sa Kongreso nasa 4,206 napung kaso na nang pang a abuso laban sa mga kababaihan at kabataan ang naitala sa buong bansa mula nang ipatupad ang enhanced community quarantine (ECQ) nuong Marso dahil sa COVID-19.

Sa nasabing bilang  2,183 ang naitalang krimen laban sa mga kababaihan habang 2,077 p naman sa mga kabataan.

Nangako ang Palasyo na ipatutupad ng pangulo ang batas para mabigyan ng hustisya ang mga biktima ng karahasan.