Judith Estrada-Larino

Dapat na sagot ng employer o i-reimburse na lang nito ang dagdag gastusin ng mga manggagawang naka-work from home (WFH).

Ayon ito kay Department of Labor and Employment (DOLE) Assistant Secretary Dominique Tutay kasunod ng mga natatanggap nilang reklamo mula sa business process outsourcing (BPO) sector.

Sinabi ni tutay na sa BPO industry kadalasang sagot ng employer ang bayad sa kuryente, internet connection at maging laptop na ginagamit ng mga empleyadong naka work from home.

Ipinabatid ni tutay na natalakay na nila ang isyu sa e industry at handa naman itong tugunan ang mga reklamo.

 sa ilalim ng telecommuting act ang work arrangement ay hindi bababa sa minimum labor standards na itinatakda ng batas.

Ang employer at mga empleyado ay dapat sumunod at magabayan ng kapwa pinagkasunduang polisiya o telecommuting agreement partikular sa specific provisions tulad ng paggamit at halaga ng equipment.

Bibida ang mga frontliner sa paggunita ng ika-449 na anibersaryo ng lungsod ng Maynila bukas, June 24.

Sa gitna na rin ito nang inilatag na programa at mga aktibidad ng pamahalaang lungsod ng maynila sa pangunguna ng Department of Tourism, Culture and Arts of Manila (DTCAM).

Sinabi ni DTCAM Director Charlie Dungo na karamihan sa programa ay idaraos online partikular ang tribute sa frontliners na gaganapin ng alas sais y medya ng gabi bukas.

Tiniyak din ng DTCAM ang mahigpit na pagpapatupad ng mga gabay ng IATF hinggil sa physical distancing at limitadong bilang ng mga bisita para sa mga programang tulad nang pag-aalay ng bulaklak.

Ipinagpaliban ng Kamara ang pagdinig sana ngayong araw na ito sa prangkisa ng ABS-CBN.

Sa halip ipinabatid ng house committee on legislative franchises na inilipat ang pagdinig sa Lunes, June 29 para mabigyan ng sapat na panahon ang pagsusumite ng mga dokumentong kailangan hinggil sa usapin.

Ngayong linggo sana sisimulan ng joint panels ang interpellations sa posibilidad na paglabag ng ABS-CBN sa terms ng kanilang dating prangkisa.

Partikular na tatalakayin ang usapin sa pagbebenta ng TV plus boxes subalit gamit ang free to air signal na ibinigay sa kanila ng libre sa pamamagitan ng kanilang dating prangkisa.

Pinag-aaralan kung isasailalim sa 14 day lockdown ang senado matapos magpositibo sa rapid test ang ilang empleyado nito.

Sinabi ni Senate President Vicente Sotto III na bahala na ang senate secretariat na tutukan kung magla-lockdown dahil ito ang higit na nakakaalam ng sitwasyon sa mataas na kapulungan.

Samantala ipinabatid ni Senator Panfilo Lacson na dalawa hanggang apat na empleyado ng senado ang nag positibo sa coronavirus disease 2019 (COVID-19) test kaya’t kinailangan muli nilang mag-disinfect para na rin matiyak ang proteksyon ng mga pumapasok na mga empleyado ng senado.

Sa ngayon ay nasa skeletal force ang operasyon ng senado kung saan tig dalawang araw ang schedule ng pasok kada linggo at work from home ang mga senate employees.

Suspendido muna ang nakaugalian nang basaan sa San Juan sa pagdiriwang ng kanilang kapistahan bukas, June 24.

Sinabi ni San Juan Mayor Francis Zamora na dahil sa coronavirus disease 2019 (COVID-19) pandemic magiging taimtim ang pagdiriwang ng fiesta nila na may temang basbasan sa makabagong San Juan.

Matapos ang pagbabasbas sa float ng imahe ni San Juan Bautista sa city hall ay ililibot ang imahe sa lungsod.

Mayroon na ring mga pari na kasama sa parada na magbabasbas sa mga residente na pinapayuhang manatili na lamang sa harap o bakuran ng kani kanilang mga bahay para mabasbasan

Mahigpit din ang bilin ng local government hinggil sa pagsunod sa social distancing protocols at magsuot ng face mask.

Isang misa pa rin ang idaraos sa St. John the Baptist Church na naka livestream para mapanood ng mga residente.