Judith Estrada-Larino

Bumuhos ang pagkilala sa napaslang na hukom ng manila RTC noong Miyerkules.

Sa kanyang tweet ipinaabot ni Supreme Court Associate Justice Marvic Leonen ang pakikiramay sa pamilya, mga kaibigan at staff ni Judge Maria Theresa Abadilla na binaril ng kanyang clerk of court na si Atty. Amador Rebato, Jr.

Nakiisa aniya siya sa pagkundena sa nasabing krimen lalo pat isa si Abadilla sa itinuturing na shining lights sa hudikatura.

Nagbigay din ng tribute sa pinaslang na hukom ang law school sorority nitong UP Portia na kinilala ang anito’y hindi mapapantayang commitment ni Abadilla sa rule of law at devotion sa pagbibigay ng hustisya para sa lahat.

Binigyang diin ng UP porti na hanggang sa araw ng kamatayan ni Abadilla ay sinuong nito ang bagyo para lamang matiyak ang mabilis na paggagawad ng hustisya.

Nagpaabot naman ng pakikiramay ang Integrated Bar of the Philippines (IBP) sa pamilya nina Abadilla at rebato kasabay ang pangakong patuloy na tutulong sa mga abogado para maibsan ang stress ng mga ito at mapaunlad ang kanilang personal security.

Una nang nakiramay sa pamilya ni Abadilla sina Chief Justice Diosdado Peralta at Retired Chief Justice Lucas Bersamin kasunod ang kautusan ng punong mahistrado na mapaigting ang seguridad sa mga korte matapos ang nasabing insidente.

4  na bagyo pa ang inaasahang papasok sa Philippine Area of Responsibility (PAR) bago matapos ang taong ito.

Ayon ito sa pagasa matapos hagupitin ng magkakasunod na malalakas na bagyong Quinta, Rolly at Ulysses ang bansa nitong mga nakalipas na linggo.

Sinasabing ang lakas ng bagyong Ulysses ay katumbas ng bagyong Ondoy na nanalasa sa Pilipinas noong 2009 at itinuturing na ika-2 pinaka mapaminsalang bagyo na pumasok sa bansa matapos mag-iwan ng mahigit 700 nasawi at bilyon- bilyong danyos partikular sa agrikultura.

Unti-unti nang kinukumpuni ng Meralco ang mga nasirang linya ng kuryente matapos bumayo ang bagyong ulysses partikular sa Metro Manila magdamag kahapon.

Ayon kay meralco spokesman Joe Zaldarriaga halos 4-M customers nila ang nawalan ng supply ng kuryente sa gitna nang pananalasa ng bagyong Ulysses at mahigit kalahati ito na nito o nasa 2.5 -M ang naibalik na nila ang power supply matapos kumalma ng bagyong Ulysses.

Tiniyak ni Zaldarriaga ang unti-unting pag aayos ng mga linya ng kuryente habang gumaganda ang panahon bagamat medyo matatagalan aniya ang pagbabalik ng power supply sa mga binahang lugar.

Mahigpit na tinututukan ni PNP Chief Debold Sinas ang rescue operations ng Police Disaster Response Units(PDRU) sa mga lugar na lubog sa tubig baha sa Luzon dahil sa bagyong Ulysses.

Mahigit 800 indibidwal ang una nang na rescue ng Police Disaster Response Units mula sa mga lugar na lubog sa baha sa Luzon dahil sa typhoon Ulysses.

Batay sa isinumite report ng PNP command center sa camp crame  mahigit 300K  katao ang nananatili sa mahigit 13K evacuation centers sa iba’t ibang rehiyon.

Bago pa man mag landfall ang bagyo inalerto na ni sinas ang pnp units para ihanda ang preposition disaster response personnel, equipment at resources.

Libo- libong pulis ang idineploy sa disaster response operations para umalalay sa mga apektadong residente.

Nasa mahigit 20k pulis naman mula sa reactionary standby support force search and rescue units ang nakahanda para sa rapid deployment habang apat na raang pulis ang magbibigay ng tulong at seguridad sa evacuation centers.

Sa situation reports mula sa PCC nasa 411 ang bahang lugar, 519 ang walang kuryente at 104 ang walang telecommunication service.

Halos 2K sasakyan naman ang stranded sa mahigit 100 kalsada na hindi pa maaaring daanan dahil sa baha 96 inter island ang nananatiling stranded sa mga pantalan at halos 80 pasahero ng pitong kanseladong flights ang stranded sa paliparan.

Nagsagawa ng aerial inspection ang Pangulong Rodrigo Duterte kahapon ng hapon matapos bahagyang kumalma ang bagyong Ulysses.

Kasama si senador Bong Go nag-ikot ang Pangulo sakay ng helicopter sa Marikina at lalawigan ng Rizal kung saan nalubog sa baha ang maraming kabahayan matapos magdamag na bayuhin ng bagyong Ulysses ang Metro Manila at mga karatig na lugar.

Ayon kay Go, ipinag-utos na ng Pangulong Duterte sa AFP at PNP na i-deploy ang lahat ng available rescue equipment upang mailigtas ang iba pang na trap sa loob ng kanilang bahay.

Una nang inihayag ng Pangulo na nais niyang lumangoy matapos makita ang mga residenteng na trap sa bubong ng bahay nila dahil sa matinding bahang dulot ng bagyong Ulysses.

Subalit pinigilan aniya siya ng PSG at sinabihan siyang bantayan na lang ang kaniyang sarili.

Inihambing ng PAGASA ang Bagyong Ulysses sa bagyong Ondoy na tumama sa bansa noong September 2009 kung saan mahigit 4 na raan katao ang nasawi.

Ayon kay Benison Estareja  weather forecaster ng PAGASA bagamat ina-assess pa nila mas maraming ulan ang naranasan sa bagyong Ulysses kumpara sa Ondoy.

Sa kanilang 24 hour monitoring  ipinabatid ni Estareja na Tanay, Rizal ang tumanggap ng pinakamaraming ulan na dala ng bagyong Ulysses na umaabot sa 356 mm sumunod ang Daet, Camarines Sur na nasa 271 mm ,Infanta, Quezon na nasa 255 mm at Casiguran, Aurora – 238 mm

Sa Metro Manila  naitala ng PAGASA science garden sa Quezon City sa 153 mm ang ibinuhos na ulan ng bagyong ulysses kumpara sa 455 mm na rainfall nuong bagyong Ondoy.

3 beses na nag landfall ang bagyong Ulysses bago ito pumasok sa Central Luzon at ang nasabing bagyo ay ika-21 bagyo na pumasok sa bansa ngayong taon.

Umaasa ang 80% ng mga Pilipino na mailalatag na ang bakuna at gamot kontra covid 19 sa susunod na isang taon.

Batay ito sa isinagawang survey ng Social Weather Station sa mahigit isanlibong respondents mula september 17 hanggang 20 kung saan 17 % naman ang naniniwalang hindi pa mailalarga ang bakuna kontra COVID-19.

Lumalabas din sa survey na 80% ng respondents ang naniniwalang magiging available na ang bakuna kontra COVID-19 sa susunod na 12 buwan habang 17% din ang nagsabing hindi pa sila umaasang magkakaruon na ng bakuna sa loob ng isang taon.

Nasa edad 18 hanggang 24 ang pinakamataas na bilang ng mga Pinoy na umaasang magkakaroon ng bakuna at gamot sa susunod na taon.

10 sa 15 Barangay sa San Mateo, Rizal ang nalubog sa tubig baha matapos bumayo ang bagyong Ulysses.

Dahil dito mahigit 1k pamilya ang ini-evacuate matapos umabot ng hanggang bubong ang tubig baha.

Kabilang sa mga ini-evacuate ang kabaong ng ina ni Emily Centenaje na nagsabing hindi sila sigurado kung maihahatid nila ngayong araw na ito sa huling hantungan ang kaniyang ina.

Nasorpresa naman ang mga otoridad sa biglaang pagtaas ng tubig sa San Mateo river na ang critical level ay 20 meters subalit umabot na ito sa 28 meters kahapon ng umaga.

Sinabi ni San Mateo Acting Mayor Jose Rafel Diaz na duda silang galing sa ibang lugar o kabundukan ang nasabing tubig nagdulot ng flashflood sa loob lamang ng 2 oras.

Hindi na muna aniya nila papayagang makabalik sa kani kanilang mga bahay ang mga ini-evacuate hanggat hindi pa ligtas.

Samantala umaaapela ring masagip mula sa kanilang mga bubungan ang maraming residente ng bayan ng Rodriguez.

Kabilang dito ang mga residente ng estrella Heights Subdivision na nalubog sa tubig baha gayundin sa Dela Costa Homes sa Barangay Burgos at maging sa 1k2 sa barangay San Jose.

Ayon sa mga otoridad sa Rodriguez mahigit 2k walong daang pamilya ang ini-evacuate mula sa 8 barangay subalit wala namang naiulat na nasawi o nawawala .

Kanya-kanyang diskarte ang mga residente ng Bocaue sa Bulacan para makapag-evacuate matapos abutin ng mataas na tubig baha dulot ng bagyong Ulysses.

Gumamit ng lumang refrigerator ang mga residente ng Barangay turo para makapag evacuate mula sa kanilang mga bahay na pinasok ng hanggang leeg na tubig baha.

Isang rope ang itinali mula sa kanilang mga bahay para mayruong mahaakan ang mga residente habang nasa loob ng lumang refrigerators.

Ayon sa mga residente mas malala ang bagyong Ulysses kaysa Ondoy.

Bukod sa paglilinis sa mga daan binigyang priority ng NLEX management para madaanan na ang bocaue toll plaza.

Lumabas din sa isang video ang bahang-bahang Bocaue crossing samantalang naging ilog naman ang ilang portion ng Mcarthur highway sa ilang bahagi ng Bocaue.

Samantala nagmistulang rumaragasang ilog ang national highway ng maasim sa bayan ng San Ildefonso dahil sa matinding buhos ng ulan dala ng bagyong Ulysses.

Hindi na madaanan ang nasabing highway dahil sa malalim na baha bukod pa sa nagtumbahang poste ng kuryente.

Sinabi ni San Ildefonso Mayor Carla Tan na umabot na sa bubong ang tubig baha sa ilang bahay.

Kaagad naman aniya nilang ni rescue ang mga residente sa kasagsagan ng pananalasa ng bagyong Ulysses.