Judith Estrada-Larino

Magkakasa ng pinaikling oras ng biyahe ang LRT-1 bukas, ika-24 at ika-31 ng Disyembre.

Ayon sa Light Rail Manila Corporation (LRMC), alas-4:30 ng madaling araw hanggang alas-8 ng gabi ang operasyon ng LRT-1 bukas para sa north at southbound.

Sa ika-31 ng Disyembre naman, alas-4:30 ng madaling araw ang simula ng biyahe ng LRT-1 hanggang alas-7 ng gabi.

Mananatili namang sarado, until further notice, ang Roosevelt Station ng LRT-1 dahil sa patuloy na pagtatayo ng common station o unified grand central station na mag-uugnay sa LRT-1, MRT-3 at MRT-7.

Samantala, shortened operating hours din ang ipatutupad ng LRT-2 kung saan sa ika-24 ng Disyembre ay alas-8 ng gabi ang last commercial train galing Cubao at Recto.

Sa ika-31 ng Disyembre naman, aalis ng alas-7:30 ng gabi ang huling biyahe ng tren galing Cubao at Recto.

Ayon sa pamunuan ng LRT-2, layon ng hakbangin na mabigyan ng pagkakataon ang kanilang mga tauhang makauwi ng maaga para magdiwang ng Pasko at Bagong Taon kasama ang pamilya.

Regular operating hours naman ang iiral sa iba pang holiday tulad ng mismong araw ng Pasko, Rizal Day, ika-30 ng Disyembre, at ika-1 ng Enero, 2021, Bagong Taon.

Here’s the latest #LRT1 schedule!Please take note of the special operating hours for Dec 24 (Christmas Eve) & Dec 31 (NYE)

LRT-1 will continue to serve passengers on Dec25 (Xmas Day), Dec30 (Rizal Day) & Jan 1, 2021 (New Year) following the regular weekends/holiday schedule. pic.twitter.com/6MD3cKRzNS

— Light Rail Manila Corporation (@officialLRT1) December 22, 2020

Lumawak pa ang international alarm dahil sa umano’y bagong variant ng coronavirus sa United Kingdom.

Kasunod na rin ito ng pagdami ng mga bansang nagdedeklara ng travel ban sa UK dahil sa takot sa bagong coronavirus strain.

Tumaas pa ang alarma matapos ang report na mga biyahero mula sa South Africa ay bawal muna magtungo sa ilang bansa dahil din sa bagong variant ng virus na nadiskubre ring iba sa UK.

Una nang nag report ang mga bansang Australia, Italy, Netherlands at Denmark hinggil sa bagong strain din ng coronavirus.

Ibinabala naman ng kilalang virologist mula sa Rega Institute for Medical Research sa Belgium na si Marc Van Ranst na malalaman din ng marami pang bansa ang pagkakaroon nila ng mga bagong strain ng coronavirus disease 2019 (COVID-19).

Sesentro lang sa cold chain storage at logistics ang papel ng militar sa pagsisimula ng pamamahagi ng coronavirus disease 2019 (COVID-19) vaccine sa bansa.

Nilinaw ito ng Department of Health (DOH) sa gitna ng mga negosasyon ng gobyerno sa vaccine developers para magkaroon ng suplay ang Pilipinas sa susunod na taon.

Ayon kay Health Undersecretary Maria Rosario Vergeire, pinulong na ni Vaccine Czar Carlito Galvez Jr. ang technical groups kaugnay sa bakuna at naglatag ng mga mapa ang militar na mayroon ding cold storage na nasa 2°C to 8°C na maaaring magamit ng DOH.

Magagamit din aniya ang militar pag nangailangan ng dagdag tao na maaaring sanayin para sa logistics at warehousing.

Bukod sa mga pasilidad, sinabi ni Vergeire na nagpresenta rin ang militar na i-deploy ang mga tauhan mula sa Human Resources for Health para tumulong sa magiging distribusyon ng bakuna.

Binigyang diin ng experts na mahalaga ang cold chain storage upang matiyak na mananatiling epektibo ang mga bakuna hanggang maiturok ito sa mga tao.

Mahigpit na nakikipag-ugnayan ang World Health Organization (WHO) sa mga opisyal ng United Kingdom dahil sa pagkalat ng bagong uri ng coronavirus.

Sinabi ng WHO na mabilis na kumalat ang nasabing uri ng coronavirus na nakita rin sa Netherlands, Denmark at Australia.

Una nang naghigpit ang ilang bansa sa Europa sa pagpapapasok ng flights at trains mula sa UK.

Inamin ni British Prime Minister Boris Johnson na mas mabilis ng 70% ang paghawa ng bagong uri ng coronavirus kumpara sa naunang klase ng coronavirus disease 2019 (COVID-19).

Magaganap mamayang alas-6:02 ng gabi ang pinakamahabang gabi ng taong ito.

Ito ang tinaguriang Winter Solstice na nangyayari kapag ang araw ay nasa pinakamalayo sa katimugang bahagi ng equator o nangangahulugang nakumpleto na nito ang isa pang taunang pag-ikot nito sa mundo.

Sa northern hemisphere, ang nasabing kaganapan ay hudyat ng pagsisimula ng Winter; samantalang sa southern hemisphere, kung saan naroon ang Australia at New Zealand ay hudyat naman ito ng pagsisimula ng Summer.

Nakatakdang magpalabas ng advisory ang Inter-Agency Task Force for the Management of Emerging Infectious Diseases (IATF-EID) kaugnay ng tamang paggamit ng face shield sa mga pampublikong lugar.

Ayon kay Presidential Spokesperson Harry Roque, inatasan na ang mga pamunuan ng Department of Health, Department of Trade and Industry Department of Labor and Employment at iba pang mga kinauukulang ahensya na mag-isyu ng consolidated public advisory ukol dito.

Matatandaang ipinag-utos ng IATF na gawin nang mandatory ang pagsusuot ng face shield sa lahat ng mga lalabas ng bahay bunsod ng patuloy na pagtaas ng kaso ng COVID-19 sa bansa.