Judith Estrada-Larino

Dismayado ang Commission on Human Rights (CHR) sa arestoguinaldo Christmas prank ng PNP sa Cebu City noong Disyembre 15 at ng LTO nitong  Disyembre 13.

Ayon kay CHR Spokesperson Atty. Jacqueline De Guia isang law enforcement process ang pagsisilbi ng arrest warrant at hindi dapat ginagawang katatawan lamang.

Sinabi ni De Guia na posibleng palalain ng nasabing hakbangin ang pag-aalala ng mga indibidwal na may pagdududa sa mga tagapagpatupad ng batas.

Posible rin aniyang mas maka stress pa ito sa sinomang dumaranas ng anxiety dahil sa nagpapatuloy na pandemya.

Kaugnay nito nanawagan ang CHR sa liderato ng PNP na umaksyon at magpatupad ng mas sensitibong approach ngayong holiday season.

Ang arestoguinado ay isang fake arrest kung saan dadakpin ang mga umano’y suspek at dadalhin sa loob ng sasakyan subalit sa dulo ay so sorpresahin ng mga regalo.

Premature na masabing mas mataas ang tsansang mahawahan ng COVID-19 ang mga kabataang nag-aaral mula sa kanilang bahay.

Ayon ito kay Dr. Anna Ong-Lim, miyembro ng DOH technical advisory group matapos ihayag ni Education Secretary Leonor Briones na ang mga eskuwelahan ang mayroong pinakamababang banta ng COVID-19 infection.

Sinabi ni Lim na malinaw na mas malaki ang banta ng pagkahawa kapag ang indibidwal ay nae-expose sa publiko base na rin sa isang bagong pag-aaral sa Amerika kung saan mas nakatulong sa pagbawas ng COVID-19 cases ang pagsasara ng ilang institusyon tulad ng mga eskuwelahan.

81 recruitment agency ang napuwersang magsara dahil sa COVID-19 pandemic.

Ayon kay POEA Administrator Bernard Olalia ang mga nasabing nagsarang ahensya ay nagre-recruit ng mga land based Overseas Filipino Workers.

Labing 3 aniya rito ang main branch ng private recruitment agencies sa land based.

Sinabi ni olalia na wala namang report hinggil sa mga apektadong manning agencies para sa mga seamen.

Pinayagan ng POEA ang mga apektadong manpower agency na bawiin ang bahagi ng kanilang 1-M escrow deposit sa ilalim ng ilang kondisyon at automatic extension ng kanilang lisensya.

Nakumpiska ng mga otoridad ang P54-M na halaga ng shabu sa Muntinlupa City na ibinalot sa mga kulay pulang tea bag na tila panregalo ngayong kapaskuhan.

Dinakip ng mga tauhan ng PDEA-NCR sa tunasan, Muntinlupa sina Renzy Viscarra at Red Viscarra matapos makumpirmang hawak na ng mga ito ang mga markadong pera sa isinagawang buy bust operations.

Ang tinatayang 8K kilo ng shabu ay nakatakda umanong ibagsak sa iba’t ibang bahagi ng Metro Manila.

Sinabi ni PDEA-NCR Regional Director Adrian Alvarinio na iniayon sa holiday season ang packaging ng nasabing shabu

Sa follow up operation nadakip sa Pasay City ang 2 lalaking tatanggap sana ng mga naka-christmas packaging na shabu.

Bukod sa shabu nabawi rin ng PDEA ang 30 tableta ng ecstacy na umano’y mataas ang demand ngayon holiday season.

Hawak na ng Malakaniyang ang kopya ng panukalang mahigit P4.56-T national budget para sa susunod na taon.

Matapos mapasakamay ang panukalang 2021 budget uubra na ito nang ma-review ng Pangulong Rodrigo Duterte.

Ang education sector batay na rin sa konstitusyon ang nakakuha ng pinakamataas na pondo sa P708.2-B at sinundan ng dpwh sa P694. 8-B.

Nasa P287.47-B naman ang pondo ng health sector kung saan kabilang ang P72.5-B para sa COVID-19 vaccines.

Una nang inihayag ng Pangulong Duterte na gagamitin nito ang kanilang line item veto power kung kinakailangan at posibleng malagdaan niya ang 2021 national budget bago magpasko.

Una na ring pinalawig ng mga mambabatas ang validity ng 2020 general appropriations act hanggang Disyembre 31, 2021.

Pinalawig din hanggang Hunyo 30, 2021 naman ang validity ng mga pondo sa ilalim ng bayanihan to recover as one act.

Patuloy ang pagsirit ng kaso ng COVID-19 sa bansa na ngayo’y pumapalo na sa 456,562 matapos maitala ang 2, 122 na mga bagong kaso ng nasabing virus.

Ito ang kauna-unahang pagkakataong nakapagtala ng mahigit 2k kaso ng COVID-19 ang bansa matapos ang sunod-sunod na labing araw na nasa halos 1k lamang ang arawang kaso ng nasabing virus.

Ayon sa Department Of Health Quezon City ang nakapagtala ng pinakamataas na kaso ng COVID-19 na nasa 160, sumunod ang Rizal – 105, Bulacan – 91, Makati City – 83 At Davao City – 79.

Samantala 778 pang pasyente ang naka-recover sa nasabing sakit kaya’t umakyat na sa 420, 666 ang total recoveries at 25 ang mga bagong nasawi kung saan nasa 8, 875 na ang death toll.

Sa 27, 021 active cases na sumasailalim sa gamutan o quarantine  84%  ang mild, 8% ang asymptomatic, 2.5% ang severe at 5.1% ang critical condition.

Inamin ng DOST ang posibilidad na makapasok sa bansa ang COVID-19 vaccine ng partnership ng Galameya research Institute ng Russia at Astrazeneca ng United Kingdom.

Ayon kay DOST Undersecretary Rowena Guevara kung mas malakas ang nasabing bakuna at katanggap-tanggap naman ang clinical trials nito maaari na itong i-review ng FDA at i-kunsider na magamit na sa Pilipinas.

Sinabi ni Guevara na posibleng magkaroon ng kumbinasyon ng salawang bakuna dahil pareho ang teknolohiyang ginamit ng Russia at UK institutions sa vaccine development.

Inatras na ng Astrazeneca ang application nito para sa clinical trial ng COVID-19 vaccine sa bansa samantalang nasa proseso pa rin ng negosasyon at pagpirma ng confidentiality disclosure agreement.

Noong nakalipas na buwan sinabi ng UK pharmaceutical company na 91% effective ang kanilang bakuna at ang developed vaccine naman ng Russian institution ay 95%  umanong epektibo matapos ang phase 3 trials hinggil dito.

Patay ang 2 hinihinalang holdaper matapos maka- engkuwentro ang mga pulis sa Sauyo road sa Quezon City.

Natyempuhan ng mga tauhan ng QCPD special operations units, ang mga suspek na nang hold-up ng isang taxi driver

Ayon sa kuwento ng driver ng Charles may taxi na may plakang UVH 765 pinara siya ng mga suspek sa Batasan hills ala-1 ng madaling araw subalit pagdating nila sa Fairview General hospital , nagdeklara ng hold-up ang mga suspek, pinababa siya ng taxi na kaagad ding tinangay ng mga ito.

Nakapagsumbong naman sa pulis ang driver at nakita ang taxi sa Sauyo road bago pinara ng mga otoridad subalit pinaputukan sila ng mga suspek.

Gumanti naman ng putok ang mga otoridad na ikinasawi ng 2 suspek.