Judith Estrada-Larino

Kinumpirma ni Philippine Ambassador to U.S. Jose Babes Romualdez na ang hindi nakumpletong mga dokumento sa ilalim ng Confidentiality Disclosure Agreement (CDA) ang naging dahilan sa nabulilyasong suplay ng coronavirus disease 2019 (COVID-19) vaccine sa bansa ng Pfizer.

Sinabi sa DWIZ ni Romualdez na matagal na naghintay ang Pfizer sa CDA na dapat ay napirmahan kaagad para siguradong naka secure ng 10-million dose ng Pfizer vaccine ang Pilipinas.

Ipinagmalaki ni Romualdez na ang Pfizer vaccine ang maituturing na pinaka-epektibong bakuna kontra COVID-19.

Gayunman, ipinabatid ni Romualdez na hindi naman ito malaking problema dahil ilang buwan lamang made-delay ang suplay ng Pfizer vaccine sa bansa dahil mayroon nang nakakuha sa slot ng Pilipinas.

Mayroon pa naman aniyang dalawa pang bakuna na maaaring kunan ng suplay ng bansa.

Yes we can get vaccine from Pfizer pero delay lang,” ani Romualdez. —sa panayam ng Santos at Lima sa 882

Nilagdaan na ni House Speaker Lord Allan Velasco ang final cop ng panukalang 2021 national budget para sa susunod na taon bago pa man isumite sa Pangulong Rodrigo Duterte.

Makikita sa ibinahaging litrato ni House Committee on Appropriations Chair Eric Yap sa kanyang Instagram account ang pagpapapirma ng kongresista sa 2021 budget bill kay Velasco.

Bukod sa lagda ni Velasco, kailangan din ng pirma ni Senate President Vicente Sotto III bago maiakyat ang budget bill sa opisina ng Pangulong Rodrigo Duterte.

Nauna nang sinabi ni Velasco na ang 2021 national budget ay ang single most powerful too para matugunan ang coronavirus disease 2019 (COVID-19) pandemic at matulungan ang mga Pilipino at ang ekonomiya na makabangon sa epekto nito.

Nakapaloob sa pinal na bersyon ng 2021 budget bill ang P72.5-bilyong regular at unprogrammed funds para sa COVID-19 vaccine procurement, storage at distribution sa 2021.

Nasa P23-bilyon din ang na realign na pondo para sa rehabilitasyon naman ng mga komunidad na apektado ng mga malalakas na bagyo sa mga nakalipas na mga buwan.

Pagdating sa alokasyon kada sektor, ang education sector ang siyang nakatanggap pa rin ng pinakamalaking pondo sa susunod na taon na nagkakahalaga ng mahigit P70-bilyon.

Sinunduan ito ng Department of Public Works and Highways (DPWH) na may halos P700-bilyon.

Bumilis ng 20% ang biyahe sa kahabaan ng EDSA sa muling pagpapatupad kahapon ng 9 na oras na truck ban sa Metro Manila.

Ayon ito kay MMDA Edsa Traffic Chief Colonel Bong Nebrija base na rin sa naging obserbasyon nila sa biyahe mula North Avenue hanggang Magallanes sa magkabilang direksyon.

Ipinabatid ni Nebrija na 25  truck driver ang nahuli nila na pinagmulta nila ng 2k at irerekomenda nila sa ito ang suspensyon ng lisensya ng isang taon kapag 3 beses na nahuli ang isang truck driver na lumabag sa loob ng 3 beses.

Ibinalik ang truck ban sa umaga at gabi dahil sa kahilingan ng Metro Manila Council na naniniwalang gagaan ang daloy ng trapiko ngayong kapaskuhan kapag may partikular na oras na ipagbabawal ang pag-biyahe ng mga truck.

Muling bumaba sa 1,000 ang kumpirmadong kaso ng COVID-19 sa bansa.

Ito ayon sa Department of Health (DOH) ay matapos pumalo sa 450,733 ang confirmed cases ng COVID-19 matapos madagdagan ng 1, 339 na mga bagong kaso ng virus.

Nakapagtala ng pinakamataas na bagong kaso ng COVID-19 ang Quezon City sa 147, sumunod ang Davao City – 124, Rizal – 65, Laguna- 50 at lungsod ng Maynila -49.

Umakyat naman sa 418,723 ang total recoveries matapos maitala ang 41 bagong gumaling sa COVID-19.

Nasa 8, 757 na ang death toll nang madagdag ang 24 na mga bagong nasawi sa naturang impeksyon.

Samantala naitala sa 23, 253 ang aktibong kaso na sumasailalim sa gamutan o naka-quarantine kung saan 85.1% ang mild, 5.7% ang asymptomatic, 5.9% ang critical, 3% ang severe at .32% ang moderate.

Ini-eexport na ng gobyerno ang terrorist activities nito.

Ito, ayon sa National Democratic Front of the Philippines (NDFP), ay ginagawa ng gobyerno sa pamamagitan ng National Task Force to End Local Communist Armed Conflict (NTF-ELCAC).

Sinabi ng NDFP International Information Office na pina-plano ng administrasyon ang pagtatayo ng NTF-ELCAC calls sa North America at Europe para i-monitor ang galaw at i-red tag ang mga progresibong grupo na nakikisimpatya sa NDFP, foreign solidarity friends at entities, mga personalidad na kontra sa Duterte administration kasama ang mga opisyal ng NDFP at bumubuo sa peace panel nito.

Nagbabala ang NDFP sa posibilidad na maging target ng neutralization at assassination ng Duterte administration ang mga nasabing indibidwal.

Ipinaalala ng NDFP na si National Security Adviser Hermogenes Esperon, vice chair ng NTF-ELCAC at umano’y may kumpas sa task force ay bahagi noon ng top level military officers na nagtatago bilang diplomats ay ipinadala ng dating pangulong Ferdinand Marcos sa Amerika, ayon sa US Defense Intelligence Agency para imonitor at mag-operate laban sa mga oposisyon dito tulad ng mga aktibistang sina Silme Domingo at Gene Viernes na kalaunan ay tinambangan din.

Nakumpleto na ng limang pasyente ang clinical trials ng Japanese anti-flu drug na Avigan.

Ang mga nasabing pasyente, ayon kay Health Undersecretary Maria Rosario Vergeire, ay kabilang sa 16 na nakalistang sumasailalim sa nasabing Avigan trial bagamat dalawa ay umatras na sa kalagitnaan ng clinical trial.

Tuluy-tuloy naman aniya ang recruitment ng mga pasyenteng pupuwedeng sumailalim sa Avigan trial.

Ilan sa mga ospital na lumalahok sa Avigan trials ang philippine General Hospital, Quirino Memorial Medical Center, Dr. Jose Rodriguez Hospital at Sta. Ana Hospital.

Nagsagawa ng operasyon ang Metropolitan Manila Development Authority (MMDA) sa unang araw ng muling pagpapairal ng truck ban sa mga pangunahing lansangan sa Metro Manila.

Ayon sa MMDA, 24-oras na iiral ang truck ban sa kahabaan ng EDSA mula sa Magallanes hanggang sa North Avenue habang alas-6 ng umaga hanggang alas-10 ng umaga at alas-5 ng hapon hanggang alas-10 ng gabi ang truck ban sa iba pang pangunahing lansangan.

Sinabi ni MMDA EDSA traffic head Bong Nebrija na maging ang mga closed van lamang ay kailangang parahin ng MMDA upang tingnan ang mga dokumento nito at alamin ang loading capacity nito.

Kahit kasi closed van lamang ay hindi dapat lumampas sa 4,500 kilograms ang kanilang loading capacity.