Nakalaya na at nakapiling ng kanilang pamilya nitong Pasko ang 33 preso sa New Bilibid Prisons.
Ayon sa Bureau of Corrections (BuCor), 18 PDLs (persons deprived of liberty) ang napalaya sa mismong araw ng Pasko na kinabibilangan ng limang PDLd na napawalang-sala at 13 ang natapos ang sentensya.
Nasa 15 PDLs ang nakalaya din matapos mapagkalooban ng parole noong ika-26 ng Disyembre.
Sinabi ni BuCor Director General Gerald Bantag na maituturing itong best gift sa mga PDL ngayong Christmas season.
Humakot ng awards sa Metro Manila Film Festival (MMFF) Awards Night ang pelikulang “Fan Girl”.
Kabilang sa mga nakuhang awards ng “Fan Girl”sa isinagawang gabi ng parangal online, ang Best Picture Award habang ang mga bida sa pelikulang sina Paulo Avelino at Charlize Dizon ay waging Best Actor at Best Actress.
Nakuha ni Antonette Jadaone ang Best Director Award para pa rin sa pelikulang “Fan Girl”, gayundin ang Best Screenplay, Best Sound, Best Editing at Best Cinematography Awards.
Tinalakay sa pelikula ang pagiging obsess ng isang fan sa kanyang iniidolong artista.
Humakot din ng award ang pelikulang Magikland kabilang ang Best Visual Effects, Best Production Design at Best Musical Score, samantalang Best Supporting Actress naman si Shaina Magdayao para sa pelikulang “Tagpuan” at Best Supporting Actor naman si Michael De Mesa para sa pelikulang “Isa Pang Bahaghar”i.
Lumarga na muli ang mga pampasaherong bus mula at patungong Baguio City.
Ayon sa Baguio City Public Information Office, tatlong bus ng Victory Liner sa Cubao terminal nito ang nagbiyahe pa-Baguio City, alas-5 ng madaling araw, alas-10 ng umaga at alas-3 ng hapon, simula ngayong araw na ito.
Alas -8 ng umaga, ala-1 ng hapon at alas-5 ng hapon, araw-araw, ang mga itinakdang biyahe ng Victory Liner mula Baguio City, pa-Cubao terminal.
Ang point-to-point fare ay P576.
Mahigpit namang ipinatutupad ng Victory Liner ang “no complete documents, no boarding” policy.
Kabilang sa mga kailangang dokumento para makabiyahe ang QR-coded tourist pass at negative antigen swab test result na valid 72-hours bago magbiyahe sa mga galing Cubao, pa-Baguio City, at travel authority, medical certificate at valid government issued I.D. naman sa mga magmumula ng Baguio City, pa-Cubao terminal.
Niyanig ng magnitude 6.8 na lindol ang bansang Chile, pasado alas-5 kaninang madaling araw (oras sa Pilipinas).
Ayon sa U.S. Geological Survey, ang epicenter ng lindol ay tumama sa karagatan sa layong 164 kilometers ng Valdivia.
Walang napaulat na casualty sa nasabing lindol sa Chile.
Kaugnay nito, inihayag ng PHIVOLCS na walang idudulot na tsunami ang nasabing lindol, saan mang baybaying dagat ng bansa.
Sumentro sa mga nakalipas na pagsubok at kalamidad ang Christmas message ng Pangulong Rodrigo Duterte.
Sinabi ng pangulo na napuno ng mga pagsubok ang taong 2020 dahil sa pandemya ng coronavirus disease 2019 (COVID-19) at magkakasunod na kalamidad.
Subalit dahil aniya sa pagkakaisa at pagiging matatag ng mga Pilipino ay nalampasan ang mga nasabing pagsubok.
Binigyang diin ng pangulo na ang pagsilang ni Hesukristo ngayong Pasko ay maging paalala nawa sa bawat Pilipino na palaging magkaroon ng pag-asa kahit pa sa panahon ng paghihirap.
Hangad ng pangulo ang makabuluhang selebrasyon ng Pasko sa bawat pamilyang Pilipino.
Aksidenteng nadiskubre ng mga otoridad sa isinasagawang focused military operations ng grupo ng 63rd Division Reconnaissance Company ng Armed Forces of the Philippines (AFP) sa Barangay Namat masla sa Palembang, Sultan Kudarat ang kuta ng New People’s Army.
Ipinabatid ni Lt. Gen. Corleto Vinluan, Jr., commander ng AFP Western Mindanao Command na mayroong mga barikada at bunkers sa natuklasang kuta na kayang makapag-accommodate ng halos 20 katao.
Ayon kay Col. Eduardo Gubat, commander ng 603rd Infantry Brigade, may natagpuan ding katawan ng dalawang tao na ang isa ay babae habang ang isa ay hindi na matukoy dahil naaagnas na ito.
May mga nakuha ding propaganda materials.
Sinabi ni Gubat na isasailalim sa pagsusuri ang mga nasabing labi.
Personal na binisita ni Health Secretary Francisco Duque ang ilang tianggean para matiyak na masusunod ang minimum health standard.
Kasama ni Duque ang ilang tauhan ng Department of Health (DOH) na may bitbit na metering stick na ang haba ay nasa 1-metro.
Sinabi ni Duque na mahalagang regalo ngayong kapaskuhan ang pag-iingat sa sarili na hindi mahawahan o makahawa ng anumang sakit.
Maging ang mga vendor aniya ay kinausap na niya at ipinaalala sa mga ito na bukod sa pagkuha ng temperatura ay dapat matiyak na mayroong ipinatutuad na 1-meter distance ang bawat isa.
Nagpositibo sa red tide toxins ang sample na nakuha sa mga lamang dagat mula sa 12 lugar sa bansa.
Dahil dito ipinagbawal ng BFAR ang pagkuha, pagbebenta at pagkain ng lahat ng uri ng shellfish sa honda at Puerto Princesa Bay sa Puerto Princesa City sa Palawan, katubigang bahagi ng Milagros sa Masbate, Sorsogon Bay sa Sorsgon, katubigang bahagi ng Dauis at Tagbilaran City sa Bohol Tambobo bay sa Siaton, Negros Oriental, katubigang bahagi ng Zumarraga sa Western Samar.
Bukod pa ito sa katubigang bahagi ng Calubian, Leyte at Cancabato Bay sa Tacloban City sa Leyte katubigang bahagi ng biliran islands gayundin ng Guiuan sa Eastern Samar Balite bay sa Mati City, Davao Oriental, lianga Bay at katubigang bahagi ng hinatuan sa Surigao Del Sur at Dumanquillas Bay sa Zamboanga Del Sur.
Sinabi ng BFAR na ang mga isda, pusit, hipon at alimasag ay ligtas kainin basta’t sariwa at nalinis ng mabuti at inalis ang mga lamang loob nito bago lutuin.
Ipinabatid pa ng BFAR na nag positibo rin sa red tide toxin ang katubigang bahagi ng inner malampaya sound sa Taytay, Palawan.
Idineklara namang red tide free ang katubigang bahagi ng Bataan, Daram Island, Cambatutay, Irong–Rong, Maqueda At Villareal Bay sa Western Sama Aa Cariga Bay sa Leyte.
Normal ang sitwasyon sa headquarters ng Paniqui PNP, kung saan nakakulong ang pulis-Parañaque na pumatay sa isang mag-ina sa nasabing bayan.
Ipinabatid ito sa DWIZ ni Police Lt. Col. Noriel Romboa, hepe ng Paniqui PNP sa Tarlac, kaya’t tuluy-tuloy din ang 24-oras na seguridad sa kulungan.
Kasabay nito, sinabi ni Romboa na nakausap nila si Police Senior Master Sergeant Jonel Nuezca na sobra-sobrang nagsisisi sa nagawang pagpatay sa mag-inang Sonya at Frank Anthony Gregorio. —sa panayam ng Santos at Lima sa 882
Limang ruta ang bubuksan ng Land Transportation Franchising and Regulatory Board (LTFRB) para sa 440 provincial public utility bus (PUB) na ba biyahe sa ilang probinsya simula bukas, ika-24 ng Disyembre.
Kabilang sa ruta ng provincial PUB na magbubukas bukas ang Baguio City pa Mariveles, Bataan, Baguio City pa Olongapo, Zambales, NLEX pa Baguio City, NLEX pa Laoag City, Ilocos Norte at NLEX pa Pagudpud, Ilocos Norte.
Maaaring bumiyahe ang mga roadworthy bus na mayroong valid at existing certificate of public convenience o application for extension of validity at kinakailangang nakarehistro sa personal passenger insurance policy ng bawat init sa mga rutang nakapaloob sa mc.
Bilang kapalit ng special permit ..mayruong qr code na ibibigay sa bawat operator na dapat ilagay sa short bond paper at ipaskil sa PUV.
Ang QR code ay maaaring i-download mula sa official website ng LTFRB.
Bukod sa QR code, kailangan ding sumunod ang mga pick-up at drop-off terminals ng mga naturang bus sa health at safety protocols bago payagang mag-operate ng local government units.
Muling ipinalala ng LTFRB na walang taas-pasaheng ipatutupad sa mga nasabing provincial PUB maliban na lamang kung ipag-uutos ito ng ahensya.
Kinakailangan ding sumunod ng mga PUV sa mga alituntunin ng IATF at LGUs kaugnay ng health protocols bago sila makabiyahe.