Judith Estrada-Larino

Kinumpirma ng DOH ang pagkamatay ng isang delta variant case mula sa Antique.

Kasabay nito, nilinaw ni Health Secretary Maria Rosario Vergeire na COVID-19 kaso na, na-detect sa Taguig ay hindi local infection na dulot ng delta variant ng Corona Virus.

Ayon kay Vergeire, ang nasawi mula sa Antique ay 78 taong gulang na babae na walang travel history at isa sa 11 na na-detect na local cases ng delta variant.

Mayroon din aniyang partner ang nasawing babae mula sa Antique na naka-recover na mula sa COVID-19.

Sinabi ni Vergeire na isa pa sa nasawi sa delta variant ay  nagmula sa Pandacan, Maynila.

Binigyang diin ni Vergeire na tuluy-tuloy ang contact tracing at pag-aaral kung paano nahawahan ng delta variant ang local cases sa kabila ng kawalan ng travel history.

Markado na bilang terrorist organization ang National Democratic Front (NDF).

Ito ayon sa Anti Terrorism Council (ATC) ay dahil ang NDF ay integral at hindi maihihiwalay na bahagi ng CPP at NPA na una nang idineklarang terror organization ng nasabing konseho.

Ipinabatid pa ng Anti Terrorism Council na kinilala o tinukoy mismo ni CPP Founder Jose Maria Sison ang CPP NPA bilang kaalyadong organisasyon ng NDF samantalang ang may bahay nitong si Juliet De Lima-Sison ay pinangalanang Interim Chairperson ng NDF Negotiating Panel.

Noong nakalipas na Mayo ay tinaguriang terorista ng Anti Terrorism Council ang 19 na lider ng CPP NPA.

Hindi dapat isailalim sa strick lockdown o Enhanced Communit Quarantine (ECQ) ang Iloilo City hanggang sa katapusan ng buwang ito.

Ito ay ayon kay Iloilo City Mayor Jerry Trenias ay dahil anticipatory at pre-emtpive ang ECQ classification matapos mapaulat ang isang kaso ng COVID-19 delta variant sa bayan ng Pandan sa Antique na 200km lamang ang layo sa kanilang lungsod.

Bukod dito, sinabi ni Trenias na bumaba na rin ng 20% ang kaso ng COVID-19 sa kanilang lungsod nuong Hunyo.

Kailangan din aniyang balikan ang PhilHealth na hindi nagbabayad sa mga ospital sa Iloilo kaya’t hindi makapagdagdag ng mas maraming higaan dahil hindi makakuha ng dagdag na tao hangga’t walang bayad ahensya sa mga pribadong ospital.

Una nang inihayag ni Trenias na pumapalo sa halos P1-B ang utang ng PhilHealth sa mga ospital sa Iloilo City nuong Marso.

Pawang naka-recover na ang limang COVID-19 delta variant patients mula sa Cagayan De Oro City.

Gayunman, ipinabatid ni Mayor Oscar Moreno na isa pang pasyente ang nasa temporary treatment medical facility .

Sinabi ni Moreno na kaagad nilang dinala sa special facility ang mga nasabing delta patients habang pinausapan din nila ang close contacts ng mga ito na magtungo na sa isa pang pasilidad.

Pinalakas din anila ang retroactive contract tracing sa lungsod.

Naniniwala si Moreno na  na manage naman ng City government ang COVID-19 cases maging ang delta variant noong Hunyo.

Kasabay nito, inihayag ni Moreno na 70% ng kanilang constituents ang nakakuha na ng first dose ng bakuna at 30% naman ang naka-second dose na.

Successor President.

Ito ang nakikita ni Congressman Edcel Lagman ng tunay na intensyon ng Pangulong Rodrigo Duterte sa pagtakbo bilang Vice Presidente sa 2022 national elections.

Ayon kay Lagman , batid mismo ng Pangulo na walang immunity ang Bise Presidente laban sa anumang kaso kayat malinaw na panloloko ang alibi nitong makakakuha siya ng immunity kapag tumakbo sa Vice Presidential election.

Una nang inihayag ng Pangulo na panakot lamang sa kanyang kritiko ang pagtakbo bilang bise Presidente at nitong huli naman ay sinabing pinagbantaan siya ng kanyang mga kritiko na kakasuhan kaya’t tutuloy bilang Vice Presidentiable.

Tapos na ang squabble o awayan sa ruling party PDP-laban.

Ayon ito kay Atty. Melvin Matibag, Secretary General ng PDP-Laban matapos ang isinagawang national assembly ng partido noong Sabado.

Sa nasabing pagtitipon aniya ay nakaboto ang mga aktibong miyembro ng PDP-laban kung saan nahalal si Energy Secretary Alfonso Cusi bilang Pangulo ng partido.

Tapos na po ang sinasabing aligasgas o squabble kasi nagkaroon na po ng eleksyon noong Sabado na kung saan ang mga liderato at mga miyembro na maaaring makaboto kung sino ang dapat mamuno sa  PDP-Laban ay nagdesisyon na unanimously kung sino ang po ang mamumuno. Kaya lahat po ng opisyales ngayon mula sa Presidente hanggang sa Chairman ng mga committee ng PDP-Laban ay mayroon pong malinaw na mandato na nangagaling po mula sa mga liderato at miyembro ng PDP-Laban, ″ wika ni Atty Melvin Matibag sa panayam ng DWIZ.

Hindi pipigilan ng grupo ni Energy Secretary Alfonso Cusi ang idaraos na national assembly ng isang paksyon ng ruling party PDP- Laban sa pangunguna  ni Senador Koko Pimentel.

Subalit sinabi sa DWIZ ni Atty. Melvin Matibag, Secretary General ng PDP-Laban na iligal ang nasabing hakbang ng grupo ni Pimentel dahil tanging ang Chairman lamang ng partido na si Pangulong Rodrigo Duterte ang uubrang magpatawag ng national assembly.

Kung sila po ay tumuloy sa pagpupulong nila, iyan naman po ay hindi natin pipigilan, pero kung anuman po ang pagpapasyahan nila na ayon po sa liderato o anumang gagawin ng PDP-Laban, ito po ay maituturing na isang illegal sapagkat ang konstutisyon po ng ating PDP-Laban pwede lang po magpatawag ng pagpupulong kung ito ay national assembly ay ang Chairman ng partido walang iba kundi si Pangulong Duterte,″pahayag ni Matibag.

Gayunman, binigyang diin ni Matibag na wala namang magiging parusa sa grupo ni Pimentel dahil malayang magpulong ang mga miyembro ng ruling party.

Wala naman aniya siyang idea kung anong Pulong ang gagawin nina Pimentel dahil natapos na ang isinagawang national assembly ng PDP-Laban noong Sabado kung saan nahalal na Pangulo si Cusi.

Wala naman po sapagkat ang PDP-Laban po ay malayang nakakapagpulong kung anuman ang pagpupulungan nila. Subalit kung ito po ay lumabag at nakakasira sa partido sila po ay kailangan nating pagsabihan. Kung kailangan pong patawan ng karampatang parusa ay iyon po ay dadaan sa proseso, wika ni Atty. Melvin Matibag sa panayam ng DWIZ.

Walang komento si Dr. Ted Herbosa, Medical Expert sa National Task Force against COVID-19 sa rekomendasyon ng OCTA research group na ibalik ang NCR plus bubble.

Gayunman, sinabi sa DWIZ ni Herbosa na nakikita nila ang downtrend o pababang kaso ng COVID-19 sa Metro Manila bagamat may report ng mga kaso ng delta variant ng coronavirus.

Ang pinakamahalaga ngayon aniya ay pagpapairal ng risk management.

Risk management  kasi yung risk nandoon ito nagiging findings natin sa ibang bansa, kagaya ng Metro Manila marami nang nabakunahan, ang nakita nila ay unvaccinated ang nai-infect ng delta. Alam mo naman ang bata, ang 17 years old ang below hindi pa natin isinasama sa ating vaccination programs, adults pa lang ang inaapproved natin kasi nga sa kakulangan ng suplay although marami na tayong nabakunahan sa Metro Manila so medyo parang confident naman ako na if we continue this type of quarantine hindi naman siguro tayo tatamaan nito. Ako mas worry sa ibang region na may delta kasi hindi pa tayo intense sa pagbabakuna sa mga lugar na iyon, inuna natin ang NCR, ″ pahayag ni Dr. Ted Herbosa sa DWIZ.

Kinumpirma ni Dr. Ted Herbosa, medical expert sa National Task Force against COVID-19 ang community transmission ng Delta variant sa bansa.

Sinabi sa DWIZ ni Herbosa na maaaring asymptomatic at nakapag-infect lamang ang 11 local cases ng delta variant na nagmula sa ibat ibang rehiyon.

Dahil dito, iginiit ni Herbosa ang mas pinaigting pang contract tracing para hindi na kumalat pa ang delta variant ng coronavirus.

Eleven ay nakita nila sa ating iba’t ibang regions na may mga hotspots , nilista nila iyon pinakita nila ang mga cases na iyon sa ating mga tao, and then binabantayaan natin iyon nagkaroon talaga ng  aggressive na contact tracing, hinanap talaga kung saan nagmula iyon. Well of course nanggaling pa rin sila sa  parang returning Filipino, nakalusot doon sa tinatawag nating quarantine, siguro asymptomatic sila, hindi sila nakitaan ng mga symptoms pero nakapag-infect pa rin sila, ″wika ni Dr. Ted Herbosa sa panayam ng DWIZ.

Mahigit 50% na o nasa 52. 55% ng 42k Barangay sa bansa ang drug free na.

Ipinagmalaki ito sa DWIZ  ni PDEA Spokesperson Derrick Carreon sa gitna na rin aniya ng walang humpay na operasyon nila laban sa iligal na droga.

Sinabi ni Carreon na posibleng tumaas pa ang mga nalinis na barangay mula sa droga kung hindi nagkaruon ng pandemic.

Huwag na nating tingnan na parati na lang sa operations, kung ilan ang naaresto o ilan ang volume ng droga na nakumpiska. Kasi obvious naman yan sir, kitang-kita na almost everyday noong mga nakaraang linggo yung mga napakaraming nasasabat na ilegal na. Tingnan natin yung sa overall program ng mga barangay na clearing program kung saan out of 42,045 Barangays sa Pilipinas ang drug cleared po ay 22,093 or 52.55% at ang nalalabi po na lamang na kailangan nating i-clear hanggang bago matapos ang termino ng ating mahal na Pangulo ay 13,210… na lang po,″ pahayag ni PDEA Spokesperson Derrick Carreon.