Judith Estrada-Larino

Pinaalalahanan ng pma Philippine Medical Association ang publiko na patuloy na sundin ang health protocols kahit pa nabakunahan na kontra COVID-19.

Sinabi ni Dr. Benny Atienza, pangulo ng pmahindi na hindi dapat magpakakampante ang publiko lalo’t may mga sumusulpot na variant ng coronavirus tulad ng Delta variant.

Marami aniya silang nakikitang nagtatanggal ng mask gayundin ng face shield at hindi sumusunod sa health and safety protocols.

Ipinbatid pa ni Atienza na nagsimula nang kumuha ng mas marami pang duktor at medical personnel ang DOH bilang paghahanda sa posibleng “surge” o pagsirit ng kaso ng COVID-19.

Samantala umapela rin si Atienza sa mga magulang na kumpletuhin ang bakuna ng kanilang mga anak laban sa iba pang sakit.

Hindi pa napapanahon ang pagtataas ng presyo ng mga pangunahing bilihin.

Ayon ito kay Atty. Vic Dimagiba, pangulo ng Laban Konsyumer Incorporated matapos umalma sa pag-apruba ng DTI sa taas presyo ng mga bilihin sa merkado.

Binigyang diin sa DWIZ ni Dimagiba na hindi makatuwirang magtaas ng presyo dahil maraming Pilipino pa ang hindi pa nakakabalik sa trabaho samantalang ang iba naman ay nabawasan pa ng oras ng trabaho.

Inayos na ng Manila City Government ang ilang panuntunan nito kaugnay sa mass vaccination sa lugsod.

Ayon sa Manila City Government bukas ang vaccination center mula alas-6 ng umaga hanggang alas-7 ng gabi at gagawin ang first dose ng A1 hanggang A5 priority groups sa nsan Andres Sports Complex kung saan nakalaan ang 2,000 doses.

500 doses naman ang inilaan para sa first dose vaccination schedule ng A1 hanggang A5 priority groups sa mga ospital sa maynila tulad ng Sta. Ana Hospital, Ospital ng Maynila, Gat Andres Bonifacio, Justice Jose Abad Santos, Ospital ng Sampaloc at Ospital ng Tondo.

Tig-isanlibo at limandaang (1,500) doses naman ang inilaan sa ibat ibang eskuwelahan sa buong lungsod at tig-2,000 doses ang inilaan para sa second dose vaccination sa  apat na malls sa Maynila.

Una nang dinagsa ng mga residente ng Maynila ang San Andres Coliseum at sinamantala ang holiday kahapon para magpabakuna dahil sa pangamba sa Delta variant ng coronavirus.

Patuloy ang pagkilos ng DOH para mapalakas pa ang pagtukoy sa COVID-19 variant.

Kabilang sa mga ginagawa nila ayon kay Health Undersecretary Maria Rosario Vergeire ay pagpapalawig ng kanilang genome sequencing process sa Visayas at Mindanao.

Sa pamamagitan aniya ng genome sequencing process ay malalaman ang uri ng coronavirus na dumapo sa isang indibidwal.

Sinabi ni Vergeire na malaking hamon sa medical experts ang pagkakadiskubre sa bansa ng delta variant ng coronavirus.

Ipinabatid ni Vergeire na 750 samples ang dinadala nila kada linggo sa Philippine Genome Center.

Wala nang dapat pagtakhan sa mga lumulutang na tambalan sa 2022 elections mula sa magkaibang partido.

Ayon ito kay Political Analyst Professor Clarita Carlos matapos lumutang ang posibleng Pacquiao-Isko tandem bukod pa sa nakumpirmang pagpalaot sa 2022 elections nina Senador Panfilo Lacson at Senate President Vicente Sotto  III.

Sinabi sa DWIZ ni Carlos na iba naman ang proseso ng pulitika sa bansa dahil sa napakaraming political party  kumpara sa Amerika na bitbit ng presidentiable ang kanyang vice presidentiable.

Nanindigan ang DOJ na walang immunity sa anumang kaso ang nakaupong pangalawang Pangulo ng bansa.

Tinukoy ni Justice Secretary Menardo Guevarra ang nabasurang kaso laban kay Vice President Leni Robredo sa isyu ng ouster plot sa Pangulong Rodrigo Duterte dahil sa kawalan ng sapat na ebidensya.

Lumutang ang legal na opinyon sa isyu ng immunity matapos ihayag ng Pangulong Duterte na tatakbo siyang Vice President para hindi makasuhan.

Hindi pa maituturing na “surge” ang kaso ng COVID-19 na naka-admit ngayon sa Philippine General Hospital.

Ayon ito kay Dr. Jonas Del Rosario, Spokesperson ng PGH sa gitna na rin nang pag alerto ng gobyerno sa lahat dahil sa banta ng delta variant ng coronavirus.

Sinabi sa DWIZ ni Del Rosario na wala pa silang ginagamot na kaso ng Delta variant bagamat naghahanda naman sila sakaling sumipa ang kaso ng COVID-19.

Kasabay nito tiniyak ni Del Rosario ang patuloy at mahigpit na pagsunod sa health and safety protocols hindi lamang ng mga health workers .

Wala pa naman kaming  na-aadmit na as far as we know na may delta, pinapadala ‘yan sa  Philippine Genome Center, it takes a while for them to tell us kung meron, ang aming number of patients ngayon ay 106 out of 250 bed nasa ano pa lang kami less than 50%, utilization although medyo puno pa rin yung ICU but definitely we have not yet experience the surge, kung talagang papalo uli. Tapos very strict kami sa aming Personal Protective Equipment for all people who are in PGH ‘pag watcher ka o bumibisita ka sa mga ospital obligado  na naka-facemask and faceshield ang then when you are a  healthcare worker, whether nasa non-COVID or COVID e’ naka-personal, may gowns po yan kapag humaharap sa mga pasyente, yan po syempre were just getting ready na kung sakaling sumipa… Nandyan ang aming mga equipment, oxygen tank , flow oxygen  machine making sure na gumagana silang lahat,″ pahayag ni Del Rosario sa panayam ng DWIZ.

Napanatili ng Duterte administration ang target na paglago ng Gross Domestic Product (GDP) sa 6 hanggang 7% sa taong ito at 7 hanggang 9 % para sa susunod na taon.

Ito ayon sa Development Budget Coordination Committee (DBCC) ay resulta nang pagbaba na ng kaso ng COVID-19 dahilan nang bahagyang pagbubukas ng ekonomiya ng bansa.

Kasabay nito, idinipensa ng DBCC ang pag-apruba ng economic managers sa panukalang 2022 national budget na nasa P5.02 trilyon na mas mataas ng 11.5% sa kasalukuyang budget.

Itinaas ang panukalang budget para sa susunod na taon upang patuloy na tustusan ang pagtugon sa COVID-19 pandemic at iba’t ibang imprastruktura.

Karamihan sa mga kaso ng COVID-19 sa bayan ng Mariveles sa Bataan ay mula sa mga nagtatrabaho sa isang local coal fired power plant dito.

Ayon ito kay Mayor Jocelyn Castaneda matapos makapagtala ang bayan ng Mariveles hanggang kahapon ng 584 active cases kung saan 390 ay mula sa economic zone at 194 mula sa iba’t ibang komunidad.

Ipinabatid ni Castaneda na hindi nila alam na mayroong kaso ng COVID-19 sa barracks sub contractors ng mga ginagawang planta.

Nasa mahigit 150 cases na aniya ang naitalang kaso mula sa iba’t ibang barracks at kaagad naman nilang inihiwalay o ini isolate ang mga ito.

Ang bayan ng Mariveles ay nasa ilalim ng MECQ dahil sa kakulangan ng ICU facilities at una nang tinukoy ng OCTA research group na nakapagtatala ng tumataas na kaso ng COVID- 19.