Author

Gilbert Perdez

DWIZ 882

Mighty Sports-Pilipinas inilampaso ang Syrian club

Inilampaso ng Mighty Sports-Pilipinas ang Syrian club na Al Ittihad sa score na 77-72 sa kanilang laro na ginanap sa Dubai International Basketball Tournament.

Kumamada si Andray Blatche ng 28 points at 11 rebounds para sa team ng mga Pinoy.

Sinasabing walang pantapat ang Ittihad sa bagsik ni Blatche na dating naglaro sa Gilas Pilipinas.

Nag-ambag si Renaldo Balkman ng 15 points at 10 rebounds para sa Filipino club na mayroon nang dalawang panalo sa torneo.

Matatandaang binuksan ng Mighty Sports ang kampanya nito sa pamamagitan ng 88-82 victory laban sa United Arab Emirates na pinangunahan ni Fadi El-Khatib noong Huwebes.

January 26, 2020 0 comment

SPORTS

New York Knicks pinadapa ng Toronto Raptors

written by Gilbert Perdez

Pinataob ng Toronto ang New York Knicks sa score na 118-112.

Kumamada si Kyle Lowry ng 26 na puntos habang nagdagdag si Pascal Siakam ng 23 puntos para sa Raptors.

Naglunsad ng fourth-quarter rally ang Knicks pero kinapos ito at naubusan ng oras.

Si Marcus Morris Sr. naman ang nanguna sa New York matapos tumipa ng 21 puntos at 10 rebounds.

January 26, 2020 0 comment

NATIONAL NEWS

Digital marketing ng mga produkto at serbisyo isinusulong ng isang kompanya

written by Gilbert Perdez

Isinusulong ngayon ng isang kompanya ang E-compreneurship para ipakilala ang online business platform sa pamamagitan ng digital marketing ng mga produkto at serbisyo.

Ayon sa Zion Trading at E-Marketing Business Solutions, layon ng E-compreneurship na mapalakas ang kakayahan ng mga ordinaryong Pilipino na mapasakamay ang maraming oportunidad at makipagsabayan sa mundo sa pagdiskubre ng ika nga’y unlimited possibilities para sa magandang buhay.

Nabatid na ilan sa mga pangunahing susi ng unlimited possibilities na ito ay ang bagong robot innovation na tissue gluta, tissue cola at cher na kakaibang water jelly serum dahil korea formulated.

January 26, 2020 0 comment

INTERNATIONAL NEWS NATIONAL NEWS

Mga mamamayan ng US na nasa Wuhan, China pauuwiin na

written by Gilbert Perdez

Pauuwiin na ng Estados Unidos ang ilan sa kanilang mga mamamayan na kasalukuyang nasa Wuhan, China, ang pinaka-sentro ng outbreak ng bagong coronavirus.

Sa ulat ng Wall Street Journal, inaayos na ng US ang charter flight para sa mahigit 200 katao, kabilang ang mga diplomats, US consulate, citizens, at kanilang mga pamilya.

Sinasabing ginawa ang pasya dulot ng outbreak ng coronavirus, gayundin ng logistical disruptions na nag-ugat sa restrictions sa mga biyahe sa China.

January 26, 2020 0 comment

ENTERTAINMENT

K-pop boy group na Winner dumating sa bansa para sa kanilang concert

written by Gilbert Perdez

Dumating sa bansa ang K-pop boy group na Winner para sa kanilang concert kagabi, Enero 25 sa Mall of Asia Arena sa Pasay City.

Nabatid na bago tumulak pa-Maynila ay nagsagawa rin ng konsiyerto ang grupo sa Kuala Lumpur.

Matatandaang nag-perform na rin sa harap ng Pinoy fans ang nabanggit na four-member group noong November 2018.

January 26, 2020 0 comment

INTERNATIONAL NEWS

34 na US service members nagtamo ng brain injury bunsod ng missile attacks

written by Gilbert Perdez

Ibinunyag ng Pentagon na nagtamo ng traumatic brain injury ang 34 na United States service members kasunod ng inilunsad na missile attacks ng Iran sa kanilang military base sa Iraq.

Ang pahayag ay taliwas sa naging deklarasyon ni US President Donald Trump at iba pang US top officials na walang nasawi o nasaktang sundalong amerikano sa naturang pag-atake.

Nabatid na noong nakaraang linggo ay inihayag ng US military na 11 tropang amerikano ang ginamot bunsod ng umano’y sintomas ng pagkakaroon ng pinsala sa ulo.

Magugunitang naglunsad ng pag-atake ang Iran noong Enero 8 matapos ang drone strike ng Estados Unidos sa Baghdad na ikinasawi ng kanilang military top commmander na si Qassem Soleimani.

January 25, 2020 0 comment

ENTERTAINMENT HEADLINES NATIONAL NEWS

China nagdeklara na ng emergency dahil sa coronavirus outbreak

written by Gilbert Perdez

Nagdeklara na ng emergency ang bansang China sa harap ng coronavirus outbreak na kumitil sa buhay ng may 41 katao at nakahawa sa higit 1,000 iba pa.

Kasabay nito, ipinag-utos na rin ang pagsasagawa ng nationwide measures upang ma-detect ang virus sa mga transport terminals.

Matatandaang nagkasa na ng travel restrictions ang Beijing na nakakaapekto sa biyahe o lakad ng higit 50M tao sa maraming lungsod.

Maging ang mga health authorities sa buong mundo ay gumagawa na rin ng aksiyon upang mapigilan ang posibleng global pandemic matapos mapaulat na may mga katulad nang kaso sa Australia, France, United States at 7 pang bansa sa Asya.

January 25, 2020 0 comment

HEADLINES NATIONAL NEWS

Ikatlong kaso ng NCov sa Japan naitala

written by Gilbert Perdez

Naitala ang ikatlong kaso ng novel corona virus (NCov) sa bansang Japan.

Ayon sa Health Ministry, ang pinakabagong biktima ay galing din ng Wuhan, China at dumating sa Japan noong Enero 18 kasama ang tatlong miyembro ng kanilang pamilya.

Nabatid na walang nararamdamang sintomas ang pasyente nang dumating sa nabanggit na bansa pero bigla itong nilagnat at inubo makaraan ang ilang oras.

Nang magtungo sa Tokyo hospital, natuklasan na tinamaan ito ng virus na pumatay na ng 41 katao sa China.

January 25, 2020 0 comment

NATIONAL NEWS RONDA PROBINSYA

P1B halaga ng umano’y pekeng sigarilyo nasabat sa Nueva Ecija

written by Gilbert Perdez

Tinatayang P1B halaga ng umano’y pekeng sigarilyo ang nasabat ng mga elemento ng Bureau of Customs (BOC) sa isang warehouse sa Cabiao, Nueva Ecija.

Ayon sa BOC, nakumpiska ng pinagsanib na puwersa ng pulisya, customs, at local officials ang 3 kahon ng mga huwad na tax certification stamps, 15 cigarette-making machines, ilang packing machines, filter-making machines, isang mixer, dryer, at raw materials.

Maliban dito, naaresto rin ang 20 Chinese nationals at 100 pinoy na hinihinalang sangkot sa paggawa ng mga pekeng sigarilyo.

Patuloy pa rin ang imbestigasyon sa insidente.

January 18, 2020 0 comment

NATIONAL NEWS SPORTS

Pamilya ng ex-promoter inatasan ng SC na bayaran si ret. boxer Espinosa

written by Gilbert Perdez

Inatasan ng Korte Suprema ang mga tagapagmana o heirs ng yumaong boxing promoter na si Rod Nazario na bayaran ng P6.6M si dating World champion boxer Luisito Espinosa.

Ito’y may kaugnayan pa rin sa hindi nabayarang premyo sa world-title fight ni Espinosa laban kay Carlos Rios ng Argentina sa Koronadal City noong December 1997.

Sa pasya ng Supreme Court, ibinasura nito ang petisyon ng mga Nazarios kasunod ng ginawang pagbaliktad ng Court of Appeals sa hatol ng mababang korte na nagpawalang-saysay naman sa claim ni Espinosa.

Magugunitang pumanaw na si Rod Nazario noong 2009 kaya’t ang mga tagapagmana na nito ang magbabayad sa hinahabol na premyo ng dating boksingero.

January 18, 2020 0 comment

Newer Posts

Older Posts