Author

Gilbert Perdez

DWIZ 882

Publiko pinag-iingat sa mga online illegal recruitment schemes —POEA

Mag-ingat sa mga online illegal recruitment schemes na nangangako ng deployment at work interview pagkatapos ng lockdown o quarantine.

Ito ang babala ng Philippine Overseas Employment Administration (POEA) sa publiko, partikular sa mga gustong magtrabaho sa ibayong dagat, sa gitna ng nagpapatuloy na coronavirus disease 2019 (COVID-19) pandemic.

Sa isang abiso, muling binalaan ng POEA ang lahat laban sa mga mapagsamantalang indibidwal na nagpapanggap na opisyal o staff ng isang lisensyadong recruitment agency.

Dapat din umanong mag-ingat ang publiko sa mga natanggap nilang email at job advertisement sa social media at ilang websites.

May 31, 2020 0 comment

HEADLINES NATIONAL NEWS

DOST maglalaan ng P5-M para sa ‘iFWD PH’ program

written by Gilbert Perdez

Maglalaan ng P5-milyon ang Department of Science and Technology (DOST) para sa programa nitong iFWD PH (innovation for Filipinos Working Distantly from the Philippines).

Layon ng iFWD PH na mabigyan ng oportunidad ang mga overseas Filipino workers (OFWs), gayundin ang kanilang mga pamilya para makapagsimula ng technology-based enterprise sa bansa.

Gayunman, nilinaw ni Secretary Fortunato dela Peña na nasa 25-30 OFWs lamang ang maaaring i-accommodate ng ahensya ngayong taon para sa naturang proyekto.

May 31, 2020 0 comment

HEADLINES

Mga Pinoy abroad na tinamaan ng COVID-19 nadagdagan pa ng 2,300 —DFA

written by Gilbert Perdez

Nadagdagan ng 2,300 ang bilang ng mga Pilipino na tinamaan ng coronavirus disease 2019 (COVID-19) sa ibayong dagat.

31 May 2020

Today’s reports from our Foreign Service Posts across three major geographical regions reveal an increase of more than 2,300 new cases, bringing the total number of COVID-19 infection involving Filipinos abroad to almost 5,200. (1/4) pic.twitter.com/4GXKe5cAdn

— DFA Philippines (@DFAPHL) May 31, 2020

Dahil dito, ayon sa Department of Foreign Affairs (DFA), umakyat na sa 5,184 ang kabuuang bilang ng mga nagpositibong Pinoy sa labas ng bansa.

Paliwanag ng DFA, ang pagtaas na ito ay bunsod ng umano’y ‘late reports’ na natanggap ng ahensya mula sa Gitnang Silangan.

Samantala, pumalo na sa 2,151 ang bilang ng mga Pinoy na nakarekober habang nasa 339 ang mga nasawi sa labas ng bansa.

May 31, 2020 0 comment

RONDA PROBINSYA

2 patay, 4 sugatan sa pamamaril sa Davao City

written by Gilbert Perdez

Dalawa ang nasawi habang apat na iba pa ang sugatan sa pamamaril sa Buhangin, Davao City.

Kinilala ang suspek na si Rolando Salazar, 66 taong gulang, habang hindi naman tinukoy ang pagkakakilanlan ng mga biktima.

Sa imbestigasyon, kinompronta ni Salazar ang kapitbahay nito dahil sa mabahong amoy na pinaniniwlaaang nagmula sa septic tank hanggang sa mauwi ito sa pamamaril.

Tinangka pa umanong tumakas ni Salazar pero nadakip din siya ng mga awtoridad.

Kasong murder at frustrated murder ang isasampa laban sa suspek.

May 31, 2020 0 comment

SPORTS

Jordan Clarkson nakiisa sa pag protesta sa pagkamatay ni George Floyd

written by Gilbert Perdez

Nakiisa si Filipino-American guard Jordan Clarkson sa mga nagmartsa bilang protesta sa sinapit ni George Floyd sa kamay ng isang pulis sa Minneapolis, Los Angeles.

Sa kanyang Instagram account, nag-post ng larawan si Clarkson ng Utah Jazz kung saan kasama niya si JR Smith sa LA.

Bukod dito, nag-post din si Clarkson ng sign at may kakaibat na caption na “Filipinos for Black Power.”

Matatandaang nag-viral sa social media ang isang video kung saan tila nanghihingalo si Floyd habang binabanggit ang mga salitang “I can’t breathe” at nakatukod sa kanyang batok ang tuhod ng pulis na si Derek Chauvin.

May 31, 2020 0 comment

INTERNATIONAL NEWS

15 katao patay sa West Africa matapos tambangan ng mga armadong lalaki

written by Gilbert Perdez

Patay ang 15 katao matapos tambangan ng mga armadong lalaki ang isang convoy na sinasakyan ng mga negosyante sa bansang Burkina Faso sa West Africa.

Ayon sa mga awtoridad, maliban sa mga nasawi, marami ring sugatan sa pag-atake na hinihinalang kagagawan ng al-Qaeda at Islamic State.

Matatandaang nilusob ng security forces ng Burkina Faso ang isang pinaniniwalang kampo ng mga rebelde sa isa pang probinsya kung saan 11 ang nasawi.

May 31, 2020 0 comment

ENTERTAINMENT

‘Train to Busan 2′ ipapalabas sa Hulyo

written by Gilbert Perdez

Ipapalabas na umano sa Hulyo ngayong taon ang inaabangang ikalawang yugto ng “Train to Busan” ng Pioneer Films.

Ginawa ng Viewers’ Choice Philippines ang anunsiyo sa gitna na rin ng nakaambang paglalagay sa general community quarantine (GCQ) sa buong Metro Manila.

Gayunman, wala pang eksaktong petsa na binanggit ang Pioneer Films kung kailan ipapalabas sa mga sinehan sa Pilipinas ang “Train to Busan 2: Peninsula”.

May 31, 2020 0 comment

SPORTS

Gilbert Burns wagi sa laban nila ni Woodley

written by Gilbert Perdez

Pinadapa ni Gilbert Burns ng Brazil si dating welterweight champion Tyron Woodley sa main event ng Ultimate Fighting Championship mixed martial arts card sa Las Vegas.

Maliban sa walang fans na nanood nang live, mahigpit ding ipinatupad sa UFC Apex ang social distancing measures upang mapigilan ang pagkalat ng coronavirus disease 2019 (COVID-19).

Magdaraos naman si Top Rank boss Bob Arum ng ilang boxing cards sa MGM Grand Conference Center sa Hunyo, 9 kung saan magsasagupa sina Shakur Stevenson at Puerto Rican Felix Caraballo sa isang non-title bout.

Una nang nagbigay ng ‘go signal’ ang Nevada State Athletic Commission para sa pagbabalik ng mga boxing events at contact sports sa susunod na buwan.

May 31, 2020 0 comment

SPORTS

20% discount para sa mga atleta, kasado na sa susunod na buwan

written by Gilbert Perdez

Mapapakinabangan na ng mga national athletes at coaches ang 20% discount sa mga serbisyo at produkto ng maraming establisimyento.

Ito’y makaraang ipaliwanag ng Bureau of Internal Revenue (BIR) ang Implementing Rules and Regulations (IRR) ng Republic Act 10699 o ang National Athletes and Coaches Benefits and Incentives Act.

Para ma-avail ang diskwento, maaaring magpakita ang mga atleta ng ID at booklet sa mga business establishments na tulad ng requirements na hinihingi sa mga senior citizens

May 30, 2020 0 comment

INTERNATIONAL NEWS

Mga Chinese nationals, binantaang sisipain sa mga eskwelahan sa Amerika

written by Gilbert Perdez

Plano ng Estados Unidos na sipain sa mga eskwelahan ang mga estudyanteng Tsino o Chinese nationals sa kanilang bansa.

Ginawa ni US President Donald Trump ang babala sa harap na rin ng tensiyon sa pagitan ng US at China dahil sa iba’t ibang isyu tulad ng komersiyo, coronavirus pandemic, human rights at kalagayan ng Hong Kong.

Ayon kay Trump, ikinukonsidera niya ang panukalang pagkansela sa visa ng mga estudyante na hinihinalang konektado sa educational institutions sa China, gayundin sa People’s Liberation Army o Chinese intelligence.

Ipinaliwanag naman ng US government na ang maaapektuhan lamang nito at ng iba pang sanctions ay ang mga estudyante na maaaring may kinalaman sa paniniktik sa Amerika at sangkot sa pagnanakaw ng intellectual property ng kanilang bansa.

May 30, 2020 0 comment

Newer Posts

Older Posts