Author

Gilbert Perdez

DWIZ 882

Isang Minero patay sa atake sa puso sa Antique

Atake sa puso at hindi coronavirus disease 2019 (COVID-19) ang sanhi ng pagkamatay ng isang minero na umuwi sa Caluya, Antique galing Zambales.

Katunayan, ayon kay Dr. Anna Marie Villalobos, hepe ng Municipal Health Office (MHO) ng bayan ng Caluya, hindi nakitaan ng sintomas ng COVID-19 ang biktimang si Ramon Santos Tubilla na isinailim sa test habang naka-quarantine.

Natagpuan na lang umano ang biktima na walang malay at idineklarang dead on arrival sa ospital.

Si Tubilla ay itinuturing na locally stranded individual (LSI) at huling nagtrabaho sa Semirara Coal Mining Corporation (SMPC) sa Barangay Semirara sa nabanggit na bayan.

June 10, 2020 0 comment

HEADLINES NATIONAL NEWS

Pagtaas ng kaso ng COVID-19 sa bansa ‘wag isisi sa mga frontliners

written by Gilbert Perdez

Huwag isisi sa mga front-liners ang pagtaas ng kaso ng coronavirus disease 2019 (COVID-19).

Ito ang binigyang diin ni Dr. Gerardo Aquino Jr., medical director ng Vicente Sotto Memorial Medical Center–Subnational Laboratory, matapos mapaulat na lumobo ang bilang ng mga tinamaan ng COVID-19 sa Brgy. Sambag 2, Cebu City.

Una rito, nagpahayag ng pangamba ang tserman ng barangay sa presensya ng mga hospital personnel sa isa sa mga paupahang bahay sa lugar.

Samantala, para mapawi ang pangamba ng mga residente, sinasabing maglalaan si City Mayor Edgardo Labella ng pansamantalang matitirhan ng mga medical front-liners sa lungsod.

June 10, 2020 0 comment

HEADLINES NATIONAL NEWS

Global air transport industry tinatayang higit sa $84.3-B ang malulugi

written by Gilbert Perdez

Tinatayang malulugi ng $84.3-B dolyar ang global air transport industry ngayong taon dahil sa pananalasa ng coronavirus disease 2019 (COVID-19) pandemic.

Ayon kay Alexandre De Juniac, Director General at Chief Executive Officer (CEO) ng International Air Transport Association (IATA), ito na ang pinaka-pangit na taon sa kasaysayan ng aviation.

Ibinabala ni De Juniac na malaki ang posibilidad na magpatuloy ang malaking pagkalugi na ito hanggang sa susunod na taon.

Sinabi ni De Juniac na ang pagtayang ginawa nila ay ibinatay sa 2.2-B pasahero kada taon o pagkalugi ng airlines ng $37.54-B dolyar bawat pasahero.

June 10, 2020 0 comment

ENTERTAINMENT

Beteranang aktres na si Anita Linda pumanaw na

written by Gilbert Perdez

Nagluluksa ngayon ang mundo ng showbiz matapos pumanaw ang beteranang aktres na si Anita Linda sa edad na 95.

Ayon sa anak ni Linda na si Francesca, pumanaw ang kanyang ina dahil sa heart failure sa kanilang tahanan sa Parañaque City.

Bago ang kanyang pagyao, sinasabing mayroon nang ‘late stage dementia’ o pag-uulyanin ang aktres.

Unang sumabak si Linda sa mga pelikulang “Sawa sa Lumang Simboryo” at “Sisa” noong 1950s habang ang pinakahuli ay ang “Adela” at “Circa.”

June 10, 2020 0 comment

NATIONAL NEWS RONDA PROBINSYA

P35.5-M na pondo para sa food condiments research hub aprubado na ng DOST

written by Gilbert Perdez

Inaprubahan na ng Department of Science and Technology (DOST) ang P35.5-M na pondo para sa National Garlic and Other Agri-Food Condiments Research and Development (R&D) Center sa Batac City, Ilocos Norte.

Sa pamamagitan ng research center na itatayo sa Mariano Marcos State University (MMSU), inaasahang mapaparami ang produksiyon ng mga condiments na gawa sa sibuyas, luya, sili, paminta, at luyang dilaw.

Maliban dito, umaasa rin si Dr. Dionisio Bucao ng Garlic Research Center (GRC) ng MMSU, na dadami ang ani ng mga magsasaka mula 3.8 tonelada hanggang limang tonelada kada ektarya.

June 10, 2020 0 comment

RONDA PROBINSYA

Isa ang naitalang nasawi dahil sa COVID-19 sa Bataan

written by Gilbert Perdez

Isang residente ang nasawi dahil sa coronavirus disease 2019 (COVID-19) sa Bataan.

Ayon sa Provincial Health Office (PHO), ang pinakahuling pumanaw ay isang 46-anyos na lalaki mula sa bayan ng Mariveles, ang 162 na kaso ng coronavirus sa lalawigan.

Sa kabuuan, nasa 141 na ang bilang ng mga tinamaan ng COVID-19 sa Bataan habang 11 ang aktibong kaso.

June 10, 2020 0 comment

INTERNATIONAL NEWS

Pagkalat ng COVID-19 sa Wuhan, China posibleng noong Agosto pa

written by Gilbert Perdez

Posibleng noong Agosto pa ng nakaraang taon nagsimulang kumalat sa Wuhan, China ang coronavirus disease 2019 (COVID-19).

Ito ang lumabas sa report na inilathala ng Harvard Medical School, batay na rin sa satellite images ng hospital traffic sa Wuhan noong mga panahong iyon.

Sinasabing tumugma rin ang nabanggit na findings sa pagdagsa ng mga tanong sa Chinese search engine na Baidu tungkol sa coronavirus-related symptoms tulad ng “diarrhea” at “cough” o ubo.

Ayon sa mga eksperto, posibleng itinago ng Chinese government ang outbreak kaya hindi ito kaagad nalaman ng iba’t-ibang bansa sa mundo.

June 10, 2020 0 comment

SPORTS

Alaska Aces hindi aalis ng PBA

written by Gilbert Perdez

Hindi aalis sa Philippine Basketball Association (PBA) ang Alaska Aces.

Ito ang pahayag ni League Commissioner Willie Marcial matapos mapaulat na nahihirapan na ang Alaska Milk Corp. na patakbuhin ang kanilang basketball team.

Katunayan, ayon kay Marcial, nakausap na niya mismo si Alaska Governor Dickie Bachmann tungkol dito at tinawanan lang umano ito ng opisyal.

Unang sumali ang Aces sa PBA noong 1986 at 14 na kampeonato na ang nasungkit ng koponan mula noon kung saan pinakahuli ay ang Commissioner’s Cup title noong 2013.

June 10, 2020 0 comment

HEADLINES NATIONAL NEWS

Mga pangalan ng PUJ drivers, operators na karapat-dapat makatanggap ng ayuda naisumite na sa DSWD

written by Gilbert Perdez

Naisumite na ng Department of Transportation (DOTr) sa Department of Social Welfare and Development (DSWD) ang mga pangalan ng mga public utility jeepney (PUJ) drivers at operators na karapat-dapat makatanggap ng ayuda matapos mawalan ng pagkakakitaan dahil sa coronavirus disease (COVID-19) pandemic.

Ginawa ni Transport Assistant Secretary Giovanni Lopez ang pahayag matapos isiwalat ng Malacañang na plano ng gobyerno na mamahagi muli ng cash aid sa mga drivers at operators.

Una rito, sinabi ni Roque na ang subsidy na makukuha ng mga benepisyaryo ay mula pa rin sa Bayanihan to Heal as One Act o ang Republic Act 11469.

June 7, 2020 0 comment

HEADLINES NATIONAL NEWS

LGUs kailangan ng karagdagang safety measures para sa mga inilikas na OFWs —Roque

written by Gilbert Perdez

Pinaalalahanan ng Malacañang ang mga lokal na pamahalaan sa provincial level na magdagdag ng safety measures.

Ayon kay Presidential Spokesperson Harry Roque, ito’y upang matiyak na walang coronavirus disease (COVID-19) ang mga inilikas na overseas Filipino workers (OFWs) sa pag-uwi nila sa mga probinsya.

Ang pahayag ay ginawa ni Roque makaraang mapaulat na nagpositibo sa COVID-19 ang ilang OFWs sa pagdating nila sa kani-kanilang lalawigan kahit sumalang na sa test at quarantine sa Metro Manila.

Paliwanag ni Roque, may posibilidad din na nakuha ang sakit habang nasa biyahe ang mga ito.

June 7, 2020 0 comment

Newer Posts

Older Posts