Author

Gilbert Perdez

DWIZ 882

Gobyerno ‘di maaaring payagang magbalik-operasyon ang lahat ng uri ng transportasyon —Roque

Hindi maaaring payagan ng gobyerno na magbalik-operasyon ang lahat ng uri ng transportasyon bunsod ng nagpapatuloy pa ring banta ng coronavirus disease (COVID-19).

Ayon kay Presidential Spokesperson Harry Roque, bagama’t nauunawaan ng Palasyo ang sentimyento ng mga mananakay, kailangang limitahan ang biyahe at kapasidad ng mga public utility vehicles (PUVs) upang maiwasan ang pagkalat ng virus.

Giit Roque, kung ibabalik ang siyento-por-siyentong operasyon ng mga PUVs sa mga kalasada ay masasayang lamang ang mga hakbang ng pamahalaan para mapa-flatten ang ‘curve’ at mapababa ang bilang ng mga tinamaan ng COVID-19.

June 7, 2020 0 comment

RONDA PROBINSYA

2 bayan sa Pangasinan muling isinailalim sa extreme ECQ dahil sa COVID-19

written by Gilbert Perdez

Muling isinailalim sa extreme enhanced community quarantine (EECQ) ang mga bayan ng Agno at Bani sa Pangasinan mula ika-8 hanggang ika-13 ng Hunyo dahil sa mga positibong kaso ng coronavirus disease 2019 (COVID-19).

Batay sa Executive Order (EO) No. 35, ipinaliwanag ni Agno Mayor Gualberto Sison na dinapuan ng COVID-19 ang apat na frontliners sa kanyang bayan kasunod ng isinagawang mass testing ng Pangasinan Provincial Health Office (PHO) noong ika-3 ng Hunyo.

Sa ilalim ng EECQ, bawal lumabas ng bahay ang mga residente, maliban sa mga authorized persons outside of residence (APOR), gayundin ang mga naghahatid ng mga pangunahing pangangailangan at medical emergencies.

Samantala, ayon naman kay Bani Mayor Gwen Palafox-Yamamoto, epektibo ang EECQ sa kanilang bayan mula ika-6 hanggang ika-9 ng Hunyo, makaraang tamaan ng virus ang isang pulis.

June 7, 2020 0 comment

HEADLINES NATIONAL NEWS

Mga Pinoy abroad na tinamaan ng COVID-19 higit 5,300 na —DFA

written by Gilbert Perdez

Umabot na sa 5,392 ang bilang ng mga Pilipino na tinamaan ng coronavirus disease 2019 (COVID-19) sa labas ng bansa.

Ito’y makaraang makapagtala ang Department of Foreign Affairs (DFA) ng 24 pang impeksiyon.

07 June 2020

Today, the DFA reports 24 new confirmed COVID-19 cases in Europe and Middle East among our Filipinos abroad, bringing the total number of confirmed cases to 5,392. (1/4) pic.twitter.com/Bs6k3tvDh5

— DFA Philippines (@DFAPHL) June 7, 2020

Sa nabanggit na bilang, 2,231 na ang mga gumaling, habang 370 ang nasawing Pinoy sa ibayong dagat.

June 7, 2020 0 comment

HEADLINES NATIONAL NEWS

San Juan Mayor nag-sorry matapos lumabag sa health protocols sa Baguio

written by Gilbert Perdez

Humingi mismo ng paumanhin kay Baguio City Mayor Benjamin Magalong si San Juan City Mayor Francisco Javier Zamora dahil sa umano’y paglabag sa health protocols.

Ito’y makaraang hindi tumigil sa Kennon Road quarantine checkpoint ang convoy ni Zamora na kinabibilangan ng anim na sasakyan habang sakay din dito ang ilang uniformed personnel

Sinasabing dumiretso sa Baguio Country Club ang grupo ni Zamora kaya’t pinuntahan sila ng mga tauhan ng City Health Service Office para isalang sa triage examination.

Idinahilan naman ni Zamora na hindi niya napansin ang nangyaring paglabag sa safety protocols dahil nakatulog siya nang dumaan sila sa quarantine checkpoint.

June 7, 2020 0 comment

HEADLINES NATIONAL NEWS

Kaso ng COVID-19 sa bansa pumalo na sa 21,340 —DOH

written by Gilbert Perdez

Nadagdagan ng 111 ang bilang ng mga gumaling sa coronavirus disease 2019 (COVID-19) sa Pilipinas.

Dahil dito, ayon sa Department of Health (DOH), umakyat na sa 4,441 ang mga nakarekober sa naturang sakit.

Kasabay nito, sumampa na rin sa 21,340 ang COVID-19 cases sa bansa matapos madagdagan ng 714 nitong nakalipas na 24 oras.

Paliwanag ng DOH, sa bilang na ito, 350 ang fresh cases habang 364 naman ang late cases.

Bukod dito, 994 na ang bilang ng mga nasawi sa sakit matapos pumanaw ang pito pang pasyente na dinapuan ng COVID-19.

Sinasabing ibinase ang nabanggit na datos sa accomplishment reports na nagmula sa 37 testing facilities.

June 6, 2020 0 comment

SPORTS

NLEX players, execs nag-negatibo sa COVID-19

written by Gilbert Perdez

Nadagdagan pa ang bilang ng mga koponan sa Philippine Basketball Association (PBA) na sumalang sa coronavirus disease 2019 (COVID-19) testing.

Ito’y makaraang mabatid na sumailalim din sa rapid test ang mga manlalaro, coaches, at team officials ng NLEX Road Warriors.

Ayon kay PBA Press Corps president Gerry Ramos, kapwa nag-negatibo sa test ang mga ito.

Sinasabing ginawa ang nabanggit na hakbang bunsod ng ipinatutupad na “no test, no practice” scheme ng liga sa lahat ng koponan.

Matatandaang sumalang na rin sa COVID-19 test ang iba pang PBA teams tulad ng San Miguel Beer, Ginebra, at Magnolia.

June 5, 2020 0 comment

RONDA PROBINSYA

P2-M halaga ng pekeng yosi nasabat sa Pagadian City

written by Gilbert Perdez

Nasabat ng mga awtoridad ang higit P2 milyong halaga ng umano’y pekeng sigarilyo sa ikinasang operasyon sa Barangay Balangasan, Pagadian City, Zamboanga del Sur.

Ayon kay Police Lt. Col. Alvin Saguban, hepe ng Pagadian Police Station, nasa 67 na kahon ang kanilang nakumpiska at hinihinalang nagmula ito sa mga bodegang unang sinalakay ng National Bureau of Investigation (NBI) at Bureau of Customs (BOC) sa lungsod noong nakaraang linggo.

Sinasabing nakatanggap ng impormasyon ang pulisya hinggil sa mga kahina-hinalang tao at sasakyan na labas-pasok sa isang bahay sa Barangay Balangasan.

Dahil dito, agad na nakipag-ugnayan ang mga awtoridad sa Bureau of Internal Revenue (BIR) na siya namang kumuha ng mission order sa BOC dahilan para masabat ang mga pekeng yosi.

Inaalam pa kung may kinalaman ang ilang Chinese nationals sa operasyon ng pabrika ng pekeng sigarilyo sa naturang lalawigan.

June 5, 2020 0 comment

HEADLINES NATIONAL NEWS

COVID-19 cases sa bansa pumalo na sa 20,626

written by Gilbert Perdez

Inanunsiyo ng Department of Health (DOH) na nadagdagan ng mahigit 200 ang kaso ng coronavirus disease 2019 (COVID-19) sa Pilipinas.

Ayon kay Health Undersecretary Maria Rosario Vergeire, 244 ang naitalang kaso, dahilan upang lumobo ang bilang sa 20,626.

Maliban dito, nakapagtala rin ang DOH ng 82 bagong paggaling kaya 4,330 na rito ang mga nakarekober.

Pahayag ni Vergeire, 168 dito ang fresh cases o mga kumpirmadong kaso sa nakalipas na tatlong araw, habang 76 naman ang late cases o mga kasong matagal nang na-test pero ngayon lang nakumpirma.

Kasabay nito, tatlo naman ang bagong namatay na pasyente kaya 987 na ang bilang ng mga nasawi sa COVID-19 sa ating bansa.

June 5, 2020 0 comment

SPORTS

Lakan Cup tatapusin —MPBL

written by Gilbert Perdez

Tiniyak ng Maharlika Pilipinas Basketball League (MPBL) na tatapusin nito ang Lakan Cup na naudlot dahil sa coronavirus disease 2019 (COVID-19) pandemic.

Katunayan, ayon kay MPBL commissioner Kenneth Duremdes, plano nilang magdaos ng week-long tournament sa isang venue kung saan ilalabas ito sa “Crossover Podcast.”

Gayunman, kokonsulta muna ang MPBL sa mga medical experts para makakuha ng clearance sa Department of Health, bilang pagtalima na rin sa guidelines ng Inter-Agency Task Force (IATF).

June 5, 2020 0 comment

HEADLINES RONDA PROBINSYA

Pagsunod ng mga kumpanya sa health protocols mino-monitor ng DOLE, DTI

written by Gilbert Perdez

PatuloY na mino-monitor ng Department of Trade and Industry (DTI) at Department of Labor and Employment (DOLE) ang lugar ng trabaho o workplace ng iba’t ibang establisimyento sa Region 9 o Zamboanga Peninsula.

Ayon kay DTI-9 OIC-Director Ceferino Rubio, nagpalabas na rin sila ng guidelines o mga alitintunin na dapat sundin ng mga pribadong institusyon sa panahon ng Enhanced Community Quarantine (ECQ) at General Community Quarantine (GCQ) dulot ng coronavirus disease 2019 (COVID-19) pandemic.

Sa ganitong paraan, ayon kay Rubio, mapapalakas ang physical at mental resilience ng mga empleyado sa oras ng trabaho, gayundin mabawasan ang COVID-19 transmission, at panganib ng pagkakaroon ng impeksiyon sa mga manggagawa.

June 4, 2020 0 comment

Newer Posts

Older Posts