Author

Gilbert Perdez

DWIZ 882

Pulis kalaboso sa paggamit ng kumpiskadong motor

Kalaboso ang isang pulis-Pasig dahil sa umano’y paggamit ng motorsiklo na nasabat noong nakaraang taonk sa isang anti-drug operation.

Kinilala ni Brig. Gen. Ronald Lee, hepe ng PNP-Integrity Monitoring Enforcement Group (IMEG), ang suspek na si Police Corporal Esteven Mark Pandi, nakatalaga sa Station Drug Enforcement Unit (SDEU) ng Pasig City Police Station.

Huli sa akto si Pandi habang sakay ng isang Yamaha NMAX na walang plaka sa Evangelista St., Barangay Santolan.

Ayon kay Lee, nakumpiska ang nabanggit na motor isang buy-bust operation sa lungsod noong Oct. 4, 2019, batay na rin sa inventory ng mga nasabat na ebidensya.

Nasa custody na ng PNP-IMEG si Pandi at nakatakdang sampahan ng kaukulang kaso.

June 4, 2020 0 comment

RONDA PROBINSYA

Mga parke, museo sa Ilocos Norte binuksan na sa publiko

written by Gilbert Perdez

Inanunsiyo ng Provincial Tourism Office ng Ilocos Norte na bukas na muli ang mga parke at museo para sa mga residente sa probinsya.

Ginawa ni provincial tourism officer Aianree Raquel ang pahayag matapos isailalim sa modified general community quarantine (MGCQ) ang lalawigan.

Kasabay nito, nanawagan si Raquel sa mga residente na magsuot ng face mask sa kanilang pamamasyal, panatilihin ang isang metrong physical distancing, at ugaliing maghugas o mag-sanitize ng kamay.

Gayunman, ipinaliwanag ng opisyal na mangongolekta pa rin sila ng P10.00 entrance fee sa mga residente na papasok sa Cape Bojeador Lighthouse, Kapurpurawan Rock Formation, at iba pang tourist spots sa nabanggit na lugar.

June 4, 2020 0 comment

HEADLINES NATIONAL NEWS RONDA PROBINSYA

Bilang ng mga OFW’s na nagbalik-probinsya nadagdagan

written by Gilbert Perdez

Nadagdagan pa ang bilang ng mga Overseas Filipino Workers (OFW’s) at locally stranded individuals (LSI’s) na nakabalik na sa kani-kanilang mga tahanan sa Negros Occidental at Bacolod City mula Metro Manila.

Kabilang sa pinakahuling dumating ay ang 26 na Negrenses at 11 Bacolodnons, kabilang ang isang LSI.

Buko dito, may umuwi ring 16 OFWs sa Negros Occidental habang lima naman sa Bacolod, at dalawang LSIs.

Ayon kay Negros Occidental Governor Eugenio Jose Lacson, kapwa sasalang ang mga ito sa labing-apat na araw na quarantine bago pauuwiin sa kani-kanilang mga pamilya.

June 4, 2020 0 comment

HEADLINES NATIONAL NEWS RONDA PROBINSYA

Resort owners sa Antique muling pinaalalahanan ukol sa health protocols

written by Gilbert Perdez

Pinaalalahanan ng tourism office ang mga resort owners at iba pang stakeholders sa Antique na pairalin ang health at safety standards sa muling pagbubukas ng industriya sa lalawigan.

Ginawa ni Antique Provincial Tourism Office o APTO head Juan Carlos Perlas ang pahayag sa gitna na rin ng mas pinaluwag na lockdown sa probinsya.

Giit ni Perlas, mahalagang panatilihin pa rin ang ligtas na physical distancing, gayundin ang tuloy-tuloy na sanitation at disinfection sa mga establisimyento.

Batay sa datos ng APTO, tinatayang 210 tourism facilities ang pansamantalang nagsara mula nang ipatupad ang community quarantine sa Antique noong Marso 16.

June 4, 2020 0 comment

RONDA PROBINSYA

200 katao na nakasalamuha ng municipal councilor na nagpositibo sa COVID-19 sa Iloilo natunton na

written by Gilbert Perdez

Natukoy na ng Contact Tracing Task Force ng Igbaras, Iloilo ang 200 katao na sinasabing nakasalamuha ng isang 55-anyos na municipal councilor na nagpositibo sa coronavirus disease 2019 (COVID-19).

Ayon kay Igbaras Mayor Jaime Esmeralda, 50 sa mga ito’y naisalang na sa swab testing habang 100 iba pa ang nakatakdang isailalim sa katulad na test.

Bunsod nito, nagkasa na rin ng malawakang disinfection sa municipal hall ng Igbaras.

Hinihinalang nakuha ng konsehal ang virus mula sa isang asymptomatic sa nabanggit na bayan.

June 4, 2020 0 comment

NATIONAL NEWS

Online legal assistance program para sa OFW’s binuhay ng POEA

written by Gilbert Perdez

Muling binuhay ng Philippine Overseas Employment Administration (POEA) ang online legal assistance program nito para tulungan ang mga overseas Filipino workers (OFWs) at kanilang pamilya sa pagsasampa ng illegal recruitment cases.

Sa inilabas na Memorandum Circular No. 12 ni POEA Administrator Bernard Olalia, nakasaad dito ang ilang guidelines na dapat sundin sa pagkakaloob ng libreng serbisyong legal para sa mga OFWs.

Ayon sa POEA, mahigit 620 katao na ang naserbisyuhan ng kanilang online program mula nang magkaroon ng community quarantine.

June 4, 2020 0 comment

INTERNATIONAL NEWS

Tripoli international Airport nabawi na ng pamahalaan ng Libya

written by Gilbert Perdez

Nabawi na ng mga tropa ng pamahalaan ng Libya ang Tripoli international airport.

Ayon kay military spokesman Mohamad Gnounou, nasa kontrol na nila ngayon ang paliparan na kinubkob ng grupo ni renegade military commander Khalifa Haftar simula noong nakaraang taon.

Ang Libyan National Army (LNA) ni Haftar ay sinasabing suportado ng United Arab Emirates, Egypt, at Russia.

Samantala, inihayag ng United Nations (UN) na panahon na upang ilatag muli ang negosasyon para sa pangmatagalang kapayapaan sa naturang bansa.

June 4, 2020 0 comment

ENTERTAINMENT

Aktor na si Alex Medina ganap nang ama

written by Gilbert Perdez

Isa nang ganap na ama ang aktor na si Alex Medina.

Batay sa Instagram post ni Alex, ipinahiwatig ng aktor na handa na siya sa bago niyang papel bilang haligi ng tahanan makaraang magsilang ng isang malusog na sanggol ang kanyang partner na si writer at content creator Simone Dominique noong Mayo 23.

Ipinakita rin ni Alex ang larawan ng kanilang baby na pinangalanan nilang si Alexandria Mercedes.

Samantala, sa hiwalay namang post ni Dominique, binanggit niya na labis-labis ang kanyang kagalakan sa panibagong yugto na ito ng kanilang buhay.

June 4, 2020 0 comment

SPORTS

Pagbabalik ng NBA wala nang atrasan

written by Gilbert Perdez

Wala na umanong atrasan sa planong pagbabalik ng National Basketball Association (NBA).

Ito’y makaraang ihayag ni commissioner Adam Silver na isinasapinal na nila ang mga detalye ukol dito pero dadaan pa ito sa approval ng Board of Governors.

Malaki umano ang posibilidad na pagbigyan ng board ang inilatag ni Silver na torneo na taglay ang 22-team format kung saan aarangkada na ito sa Hulyo 31 at magtatapos sa kalagitnaan ng Oktubre ng taong kasalukuyan.

Matatandaang sinuspinde ng NBA ang 2019-2020 season noong Marso 11 dahil sa COVID-19 pandemic.

June 4, 2020 0 comment

HEADLINES NATIONAL NEWS

Ilang hukom tumangging sumalang sa COVID-19 rapid testing

written by Gilbert Perdez

Dismayado si Supreme Court Associate Justice Marvic Leonen sa pagtanggi ng ilang hukom na sumalang sa rapid testing bilang bahagi ng kampanya laban sa coronavirus disease 2019 (COVID-19).

Sa isang webinar na idinaos ng court appointments watch (CAW), isiniwalat ni Leonen na gumastos pa naman ang mataas na hukuman para sa test at inalok ito ng libre pero inayawan pa rin ng ilang trial court judges.

Samantala, kabuuang 1,698 sa 2,700 personnel ng Korte Suprema, kabilang ang limang mahistrado, ang nag-negatibo sa COVID-19 test.

June 4, 2020 0 comment

Newer Posts

Older Posts