Author

Gilbert Perdez

DWIZ 882

Lockdown sa City Public Market, Commercial Complex sa Laoag City pinalawig pa

Pinalawig ni Laoag City Mayor Michael Keon ang pinatutupad na lockdown sa City Public Market and Commercial Complex.

Batay sa Executive Order ni Keon, epektibo nitong December 5 ang quarantine extension na layuning matapos ang isinasagawang contact tracing at COVID-19 testing sa lungsod.

Sa kasalukuyan, mayroon pang 159 na active cases sa Laoag City habang mahigit isang daang inmates naman sa Ilocos Norte Provincial Jail ang nagpositibo sa virus.

Kabilang sa mga tinamaan ng sakit ay ang ilang market vendors at empleyado ng city hall.

December 6, 2020 0 comment

NATIONAL NEWS

Isang grupo ng riders kinalampag ang gobyerno upang mabigyan sila ng proteksiyon sa kalsada

written by Gilbert Perdez

Kinalampag ng isang grupo ng mga riders ang gobyerno upang mabigyan sila ng proteksiyon sa kalsada kasunod ng isinagawa nilang pagtitipon sa Bantayog ng mga Bayani sa Quezon City.

Ayon kay Romeo Maglungsod, tagapagsalita ng Kapatiran sa Dalawang Gulong (Kagulong), idinadaing ng kanilang mga miyembro ang nararanasan nilang diskriminasyon.

Hirit ng grupo, dapat bigyan sila ng eksklusibong motorcycle lanes dahil hinuhuli ang mga riders kapag wala sa lane habang hindi naman hinuhuli ang mga kotse at iba pang sasakyan na pumapasok sa kanilang linya.

December 6, 2020 0 comment

HEADLINES NATIONAL NEWS

OVP nakalikom ng P71-M na donasyon para sa mga biktima ng kalamidad

written by Gilbert Perdez

Nakalikom ng P71 milyon ang tanggapan ni Vice President Leni Robredo at ang katuwang nitong grupong “Kaya Natin” para sa mga biktima ng kalamidad.

Ayon sa OVP, simula December 11 ay tututukan ng bise-presidente ang rehabilitasyon sa mga apektadong komunidad sa Guinobatan, Albay.

Sinasabing sa ilalim ng “BAHAYanihan” project ay magtatayo ito ng mga bahay para sa mga mamamayan partikular ang mga sinalanta ng bagyong Rolly.

Hinikayat din ni Robredo ang mga lokal na pamahalaan sa Albay na humanap ng mas magandang relocation sites para sa mga biktima ng bagyo.

December 6, 2020 0 comment

HEADLINES NATIONAL NEWS

Concession deal sa pagitan ng gobyerno, toll operators bubusisiin ng Senado

written by Gilbert Perdez

Bubusisiin ng Senado ang concession deal sa pagitan ng gobyerno at toll operators bunsod ng samu’t saring isyu sa implementasyon ng contactless RFID system.

Ayon kay Senator Sherwin Gatchalian, maghahain siya ng resolusyon ngayong linggo kasunod ng panawagan ng kapatid niyang si Valenzuela City mayor Rex Gatchalian sa North Luzon Expressway (NLEX) Corp. na resolbahin ang matinding trapik na idinulot ng naturang sistema.

Binigyang diin ng senador na mahalagang aksiyunnan ng mga toll operators ang reklamo ng mga motorist sa loob ng tatlong araw, sang-ayon na rin sa alituntunin ng Toll Regulatory Board (TRB).

December 6, 2020 0 comment

RONDA PROBINSYA

332 dayuhan na walang visa arestado sa Tarlac

written by Gilbert Perdez

Arestado ang mahigit 300 dayuhan na sinasabing walang work visas at hinihinalang sangkot sa cybercrime operations sa bayan ng Bamban sa Tarlac.

Ayon kay Bureau of Immigration commissioner Jaime Morente, 323 sa mga nadakip ay Chinese, walong ang Malaysians, at isa naman ang Indonesian.

Aniya, hinuli ang mga suspek dahil sa sumbong na dawit ang mga ito sa online gambling, internet fraud, at cybercrime operations.

Nakatakdang i-deport ang mga nabanggit na dayuhan dahil sa umano’y paglabag sa Philippine Immigration Act.

December 6, 2020 0 comment

HEADLINES NATIONAL NEWS

COVID-19 recoveries sa bansa pumalo na sa 408,634 —DOH

written by Gilbert Perdez

Mahigit 90% na o 92.9% ng mga tinamaan ng coronavirus disease 2019 (COVID-19) ang gumaling mula sa sakit.

Ito’y makaraang makarekober ang 9,062 na COVID-19 patients dahilan upang pumalo na sa 408,634 ang total recoveries sa Pilipinas.

Batay sa pinakahuling case bulletin ng Department of Health (DOH), sa nabanggit na bilang ay 22,646 na lamang ang active cases.

Nasa 1,768 naman ang naitalang mga bagong kaso kaya’t sumampa na sa 439,834 ang kabuuang bilang ng mga dinapuan ng sakit sa bansa.

Samantala, dahil naman sa pagpanaw ng 29 pang pasyente ay pumalo na sa 8,554 ang death toll.

Nanguna ang Quezon City sa may pinakamaraming bagong kaso na may 112 infections na sunundan ng Laguna (94), Rizal (90), Davao City (71), at Benguet (69).

JUST IN: Kaso ng COVID-19 sa bansa, nadagdagan pa ng 1,768 ngayong Linggo, Disyembre 6.

Pumalo na sa kabuuang 439,834 ang bilang ng kumpirmadong kaso ng COVID-19 sa bansa. Mayroon namang 22,646 naitalang active cases. | https://t.co/HHOy7zaafm pic.twitter.com/m7hX0c91pw

— DWIZ Newscenter (@dwiz882) December 6, 2020

December 6, 2020 0 comment

NATIONAL NEWS RONDA PROBINSYA

PAL may handog na libreng COVID-19 testing para sa mga pasaherong uuwi ng GenSan

written by Gilbert Perdez

May handog na libreng antigen testing ang Philippine Airlines (PAL) para sa mga pasaherong uuwi ng General Santos City.

Ayon sa flag carrier, simula bukas, Disyembre 7 ay maaari itong ma-avail sa pamamagitan nang pag-register sa www.balikpinas.ph.

Bukod dito, puwede ring magsadya ang mga pasahero sa testing center ng PAL sa Gate 3 na matatagpuan sa Andrews Avenue sa Pasay City.

Bukas ang testing center mula alas-12:00 ng hating gabi hanggang alas-4:00 ng umaga pero kailangan itong gawin mga dalawa hanggang anim na oras bago ang kanilang flight.

December 6, 2020 0 comment

NATIONAL NEWS

Resident Ombudsman nais ibalik sa ilang ahensya ng pamahalaan

written by Gilbert Perdez

Maaaring magtalaga ng deputized resident Ombudsman ang Department of Justice (DOJ) at the Commission on Audit (COA) upang maging kaagapay ng Office of the Ombudsman sa paglaban kontra korapsiyon.

Ayon kay Justice Secretary Menardo Guevarra, nais ni Ombudsman Samuel Martires na buhayin ang resident Ombudsman ng ilang ahensya ng pamahalaan sa layuning mapunan ang kakulangan sa tao ng ahensya.

Gayunman, sinabi ni Guevarra na alam na ng Task Force Against Corruption (TFAC) na pinaiigting na rin ng ilang tanggapan ng gobyerno ang kanilang panloob na mekanismo tungkol sa pagsugpo sa katiwalian.

December 5, 2020 0 comment

RONDA PROBINSYA

PNP magsasampa ng kaso sa BIFF dahil sa pag-atake sa bayan ng Datu Piang sa Maguindanao

written by Gilbert Perdez

Nagbanta ang Philippine National Police (PNP) na mahaharap sa patong-patong na kaso ang dalawang umano’y lider ng Bangsamoro Islamic Freedom Fighters (BIFF) at iba pa kasunod ng pag-atake sa bayan ng Datu Piang sa Maguindanao noong Huwebes ng gabi.

Ayon sa PNP, kabilang sa mga ihahaing kaso laban sa mga suspek ay attempted murder, arson, at grave threats.

Matatandaang kinumpirma ni Maj. Gen. Juvymax Uy, kumander ng 6th Infantry Division ng Philippine Army na nagkaroon ng dalawang oras na bakbakan nang lusubin ng BIFF ang Charlie Company ng 6th Infantry Battalion sa nabanggit na lugar.

Ang armadong grupo ay sinasabing pinangunahan ng umano’y kapatid ni BIFF leader Ustadz Karialan.

December 5, 2020 0 comment

INTERNATIONAL NEWS

8 nasawi, 13 sugatan sa bakbakan sa Yemen

written by Gilbert Perdez

Patay ang walong sibilyan habang sugatan ang 13 iba pa sa panibagong karahasan sa Hodeidah, Yemen.

Ayon kay Yemeni Information Minister Moammar al-Eryani, kagagawan ng mga Houthi rebels ang malagim na pag-atake.

Samantala, muli namang nanawagan ang United Nations (UN) para sa panibagong tigil-putukan sa lugar bunsod ng bakbakan sa pagitan ng military coalition ng Saudi Arabia at Houthi fighters na suportado naman ng Iran.

December 5, 2020 0 comment

Newer Posts

Older Posts