Author

Gilbert Perdez

Drew Nacino

HEADLINES INTERNATIONAL NEWS NATIONAL NEWS

COVID-19 cases ng mga Pinoy na nasa ibayong dagat na dagdagan

21 pang Pilipino sa labas ng bansa ang tinamaan ng coronavirus disease 2019 (COVID-19).

Ito’y batay sa ipinalabas na case bulletin ng Department of Foreign Affairs (DFA) kung saan karamihan sa mga kasong ito ay mula sa Asia-Pacific Region at Europe.

Bunga nito, nasa 11,670 na ang kabuuang ng COVID-19 cases sa hanay ng mga Pinoy abroad kung saan 3,265 na lamang ang aktibong kaso.

Wala namang nadagdag sa bilang ng mga nasawi kaya’t nanatili sa 846 ang death toll.

Samantala, pumalo na sa 7,559 ang bilang ng mga nakarekober na Pinoy sa ibayong dagat kasunod ng paggaling ng 14 pang pasyente.

December 5, 2020 0 comment

NATIONAL NEWS

Rehab program sa Muntinlupa mas pinaigting pa

written by Gilbert Perdez

Mas pinaigting ng Muntinlupa City ang rehabilitation program nito para sa mga drug dependents.

Ito’y makaraang lumagda ng memorandum of agreement ang Munti LGU sa Department of Health-Treatment and Rehabilitation Center (DOH-TRC) sa Bicutan upang magamot ang mga gumagamit ng ipinagbabawal na droga.

Sa ilalim ng MOA, sasagutin ng lokal na pamahalaan ang pitong buwang treatment o pagpapagamot ng first time patients at mahihirap na drug dependents sa lungsod na nagkakahalaga ng mahigit P26,000 kada benepisyaryo.

Babalikatin din ng LGU ang laboratory services, drug dependency examination at tatlong buwang Intensive Aftercare Program na hindi bababa sa P6,000.

Kasabay nito, hinikayat naman ni City Mayor Jaime Fresnedi ang mga residente partikular ang mga gumagamit ng droga na humingi ng tulong sa lokal na pamahalaan upang ganap na makapagbagong-buhay.

December 5, 2020 0 comment

RONDA PROBINSYA

Huli ang isang hinihinalang opisyal ng NPA sa Mexico, Pampanga

written by Gilbert Perdez

Laglag sa pinagsanib na puwersa ng pulisya at militar ang isang hinihinalang opisyal ng New People’s Army (NPA) sa Mexico, Pampanga.

Ayon sa Philippine National Police (PNP), ang suspek na si Jose Esperila Bernardino ay nasakote ng mga awtoridad sa Brgy. Sapang Maisac sa bayan ng Mexico.

Nakumpisa mula kay Bernardino ang isang kalibre .45 baril, isang granada, ilang piraso ng cellphone, sim cards at sari-saring mga dokumento.

Sinasabing dinakip si Bernardino sa bisa ng warrant of arrest na inisyu laban sa kanya ng isang korte sa Bayombong, Nueva Vizcaya dahil sa kasong rebelyon.

Samantala, ayon kay Criminal Investigation and Detection Group (CIDG) director Police Maj. Gen. Joel Napoleon Coronel, si Bernardino ay nagsisilbi bilang kalihim ng Central Luzon Regional Communist Party Committee, maliban sa ginagampanan nitong papel sa NPA sa rehiyon.

December 4, 2020 0 comment

NATIONAL NEWS

Sen. Dela Rosa negatibo na sa COVID-19, mabuti na ang kalagayan

written by Gilbert Perdez

Bumuti na ang kalagayan at nakalabas na ng ospital si Sen. Ronald Dela Rosa matapos tamaan ng COVID-19.

Gayunman, ayon kay Dela Rosa, kahit nasa bahay na siya ay patuloy pa rin siyang imo-monitor at muling isasalang sa COVID-19 test upang matukoy kung tuluyan na siyang nakarekober mula sa sakit.

Ayon sa senador, wala na siyang nararamdamang mga sintomas matapos maospital ng halos isang linggo nang makaranas ng lagnat, ubo at sipon.

Matatandaang tinamaan din ng coronavirus ang iba pang mga senador na sina Juan Miguel Zubiri, Sonny Angara, Aquilino “Koko” Pimentel III at Ramon “Bong” Revilla Jr.

December 4, 2020 0 comment

HEADLINES INTERNATIONAL NEWS

COVID-19 cases sa buong mundo mahigit 65-M na

written by Gilbert Perdez

Sumampa na sa mahigit 65 milyon ang bilang ng mga tinamaan ng coronavirus disease 2019 (COVID-19) sa buong mundo.

Ayon sa ulat, 65,084,394 na ang kabuuang bilang ng kaso ng COVID-19 sa iba’t-ibang panig ng daigdig habang nasa mahigit 1.5 milyon na ang death toll.

Sinasabing ang pagtaas na ito ay dulot ng pag-angat din ng kapasidad ng mga bansa sa usapin ng mass testing partikular na sa Europa at Estados Unidos.

Sa nakalipas na isang linggo, nasa 1.7 milyon ang bagong impeksiyon na naitala sa 52 European countries habang 14 milyon naman sa US, maliban sa 276,000 na bilang ng mga pasyenteng pumanaw mula sa naturang sakit.

December 4, 2020 0 comment

NATIONAL NEWS

Kontribusyon sa SSS, PhilHealth ipinanawagang huwag muna taasan

written by Gilbert Perdez

Nanawagan sa Social Security System (SSS) at PhilHealth ang isang labor group at employer’s group na huwag munang magtaas ng kontribusyon sa susunod na taon dahil sa coronavirus disease (COVID-19) pandemic.

Giit ni Kilusang Mayo Uno (KMU) Secretary-General Jerome Adonis, hindi makatuwiran na magkaroon ng dagdag-presyo sa kontribusyon lalo pa’t wala namang umento sa sahod ng mga manggagawa.

Batay sa ilalim ng batas, tataas ng 1% ang kontribusyon ng SSS simula January 2021.

Dahil dito, magiging P1,620 na ang hulog sa SSS mula sa dating P1,480 ng isang minimum wage earner habang mula sa dating P300 ay magiging P350 na ang minimum na kontribusyyon ng PhilHealth pagsapit ng Enero.

Samantala, maging ang Employers Confederation of the Philippines (ECOP) ay nagpahayag din ng pagtutol sa nasabing dagdag-kontribusyon.

December 4, 2020 0 comment

RONDA PROBINSYA

36 myembro ng ASG sumuko sa militar sa Sulu

written by Gilbert Perdez

Dumanas ng panibagong dagok ang Abu Sayyaf Group (ASG).

Ito’y kasunod ng pagsuko sa tropa ng militar ng 36 pang miyembro ng bandidong grupo kung saan agad itong iprinesenta sa Naval Forces Western Mindanao Command (NFWM) at Joint Task Force sa Barangay Lahing-Lahing, bayan ng Omar sa Sulu.

Kasamang isinurender ng mga dating kasapi at tagasuporta ni Abu Sayyaf sub-leader Alhabsy Misaya ang pitong M1 Garand rifles at isang M653 rifle.

Sinasabing dating kumikilos ang mga ito sa mga bayan ng Omar, Banguigui at Old Panamao.

Nabatid na nagkawatak-watak ang pangkat ni Misaya nang mapatay ito sa pakikipagbakbakan sa mga Marines noong 2017.

December 4, 2020 0 comment

HEADLINES NATIONAL NEWS

Mga gumaling sa COVID-19 sa bansa patuloy ang pagtaas

written by Gilbert Perdez

Nadagdagan ng 148 ang bilang ng mga pasyenteng gumaling mula sa coronavirus disease 2019 (Covid-19) sa Pilipinas.

Dahil dito, ayon sa Department of Health (DOH), pumalo na sa 399,457 ang total recoveries na sinasabing katumbas ng 91.5% ng kabuuang bilang ng COVID-19 cases sa buong bansa.

Batay sa pinakahuling COVID-19 bulletin, nakapagtala ang ahensya ng 934 na bagong kaso dahilan upang umakyat sa 436,345 ang bilang ng coronavirus infections kung saan nasa 28,379 na lamang ang aktibong kaso.

Napag-alaman na Quezon City ang nakapagtala ng pinakamaraming kaso na 75, sinundan ng Laguna (59), Baguio City, Bulacan, at Davao City na tig-34 na bagong COVID-19 cases.

Samantala, sumirit na sa 8,509 ang death toll sa buong bansa matapos pumanaw ang 63 pang pasyente.

December 4, 2020 0 comment

INTERNATIONAL NEWS

Suspek sa pagpatay sa 4 na katao sa Sulawesi,Indonesia patuloy na pinaghahanap ng pulisya

written by Gilbert Perdez

Tinutugis na ng mga awtoridad sa Sulawesi, Indonesia ang mga responsable sa pagpatay sa 4 na indibidwal.

Ayon sa pulisya, naganap ang pag-atake sa mga miyembro ng isang Christian group sa Lembantongoa Village.

Hinarang umano ng mga salarin ang mga biktima bago isinagawa ang pagpatay kung saan ang ilan dito’y pinugutan at sinunog nang buhay.

Batay naman sa paunang imbestigasyon, lumalabas na walang kinalaman sa relihiyon ang naturang pag-atake.

November 29, 2020 0 comment

SPORTS

Brgy. Ginebra pinataob ang TNT Tropang Giga sa PBA PH Cup Finals

written by Gilbert Perdez

Nakabuena-mano ng panalo ang Barangay Ginebra sa 2020 PBA Philippine Cup Finals laban sa TNT Tropang Giga.

Ito’y makaraang masungkit ng Gin Kings ang overtime victory sa Game 1 ng kanilang best of 7 series sa score na 100-94 sa AUF Gym sa Angeles City.

Si Japeth Aguilar ang bumida sa panig ng Ginebra matapos makasikwat ng 25 points at 16 rebounds habang nag-ambag naman si Stanley Pringle ng 24 points, 7 rebounds, at 7 assists.

Gaganapin ang Game 2 ng serye sa Miyerkules sa nasabi pa ring venue.

November 29, 2020 0 comment

Newer Posts

Older Posts