Nakabuena-mano ng panalo ang Barangay Ginebra sa 2020 PBA Philippine Cup Finals laban sa TNT Tropang Giga.
Ito’y makaraang masungkit ng Gin Kings ang overtime victory sa Game 1 ng kanilang best of 7 series sa score na 100-94 sa AUF Gym sa Angeles City.
Si Japeth Aguilar ang bumida sa panig ng Ginebra matapos makasikwat ng 25 points at 16 rebounds habang nag-ambag naman si Stanley Pringle ng 24 points, 7 rebounds, at 7 assists.
Gaganapin ang Game 2 ng serye sa Miyerkules sa nasabi pa ring venue.
