Author

Gilbert Perdez

DWIZ 882

Magkapatid, patay sa sunog sa Sorsogon

Binawian ng buhay ang isang magkapatid na babae makaraang ma-trap sa loob ng nasusunog nilang tahanan sa Matnog, Sorsogon.

Ayon sa mga awtoridad, ang magkapatid na pumanaw ay may edad 18 at 11 na pawang residente ng Barangay Tablac.

Pahayag naman ng hepe ng BFP-Matnog na si Senior Fire Officer 2 Ronnie Anonuevo, dahil sa mabilis na pagsiklab ng apoy malapit sa main door ay hindi na nakalabas ng bahay ang mga biktima.

Bagama’t sugatan ay masuwerteng nakaligtas sa insidente ang ina ng magkapatid

Hinihinalang ang nakasinding kandila na inilagay malapit sa mga galon ng gasolina ang naging sanhi ng naturang sunog.

August 1, 2021 0 comment

HEADLINES NATIONAL NEWS

Herminio Aguino, pumanaw na —Aksyon Demokratiko

written by Gilbert Perdez

Pumanaw na si Herminio Aquino na tiyuhin ng democracy icon na si Benigno “Ninoy” Aquino Jr.

Ayon kay Ernest Ramel Jr., secretary-general ng Aksyon Demokratiko, si Aquino na chairman ng kanilang partido ay iginupo ng sakit na kanser.

Matatandaang si Herminio na half-brother ni Benigno Simeon Aquino Sr. ay hindi pinalad nang tumakbo bilang vice president ni dating senador Raul Roco noong 2004 national elections.

August 1, 2021 0 comment

HEADLINES RONDA PROBINSYA

Kaso ng dengue sa Pangasinan, dumoble —PHO

written by Gilbert Perdez

Pinaalalahanan ng mga awtoridad ang mga mamamayan ng Pangasinan na maging vigilant o mag-ingat laban sa dengue.

Ito’y makaraang i-ulat ng Pangasinan Provincial Health Office (PHO) na dumoble ang bilang ng mga dengue cases mula Enero hanggang Hulyo 26 ngayong taon.

Ayon sa pinakabagong datos ng PHO Epidemiology and Surveillance Unit, lumitaw na nagkaroon ng 2,634 dengue cases o 97% na pagtaas kumpara sa 1,334 cases na naitala sa kaparehong panahon noong nakalipas na taon.

Gayunman, dalawa lamang ang pumanaw ngayong taon na mas konti kumpara noong 2020 na pumalo sa 11.

Nasa watch list naman ng health office ang ilang bayan at lungsod tulad ng San Carlos City, Alaminos City, Pozorrubio, Bolinao, Urdaneta City, Bayambang, Lingayen, at iba pang munisipalidad.

August 1, 2021 0 comment

HEADLINES NATIONAL NEWS

1 kaso ng Delta variant sa Bulacan, nakarekober na

written by Gilbert Perdez

Gumaling na ang isa sa dalawang pasyenteng tinamaan ng Delta variant ng COVID-19 sa Bulacan.

Ayon sa provincial government, ang asymptomatic na pasyente na taga-San Ildefonso ay nakarekober na sa sakit habang naka-quarantine naman ang isa pa na residente naman ng Santa Maria.

Dahil dito, mas pinaigting pa ng Provincial Task Force on COVID-19 ang contact tracing operations.

August 1, 2021 0 comment

SPORTS

Eumir Felix Marcial, pasok na sa semifinals ng men’s middleweight divison

written by Gilbert Perdez

Pasok na sa semifinals ng men’s middleweight division ang pambato ng Pilipinas na si Eumir Felix Marcial.

Ito’y makaraang patumbahin ng Pinoy boxer ang kalabang si Arman Darchinyan ng Armenia sa unang round pa lamang ng kanilang laban na ginanap sa Kokugikan Arena sa Tokyo.

Sa unang bahagi ng round ay nagpakiramdaman sina Marcial at Darchinyan hanggang sa makahanap ng pagkakataon ang Pinoy pride at nasapol ng right hook ang panga ng kalaban dahilan para matumba ito.

Hindi na nakatayo pa si Darchinyan kaya’t idineklarang panalo ng referee si Marcial.

August 1, 2021 0 comment

SPORTS

Pamilya ni Nesthy Petecio, naniniwalang masusungkit nito ang ginto para sa Pilipinas

written by Gilbert Perdez

Naniniwala ang pamilya ni Filipina boxer Nesthy Petecio na masusungkit nito ang isa pang Olympic gold medal para sa Pilipinas.

Sinasabing anuman ang kalalabasan ng laban ni Petecio sa Martes ay tiyak nang makakakuha ito ng pilak o kaya’y ginto.

Makakasagupa naman ni Petecio sa finals ang pambato ng Japan na si Sena Irie.

August 1, 2021 0 comment

HEADLINES NATIONAL NEWS

Mga residente sa Greece, inilikas dahil sa forest fire

written by Gilbert Perdez

Inilikas ng mga awtoridad ang mga residente sa apat na villages sa Zeria region, Greece dahil sa forest fire.

Tinatayang mahigit 100 firefighters, 50 truck, at walong firefighting planes at helicopters ang idineploy at nagtulong-tulong para maapula ang malawak na sunog.

Maliban sa mga bahay na nilamon ng apoy, apat na residente rin ang isinugod sa ospital matapos mahirapang huminga.

Bagama’t tuwing summer ay may nagaganap na forest fire sa Greece, mas pinalalala umano ito ng kasalukuyang global warming.

August 1, 2021 0 comment

HEADLINES NATIONAL NEWS

Magat Dam, maaaring ipagpatuloy ang pagpapakawala ng tubig

written by Gilbert Perdez

Maaaring ituloy ang pagpapakawala ng tubig sa Magat Dam ngayong buwan.

Ito’y ayon sa Philippine Atmospheric, Geophysical and Astronomical Services Administration (PAGASA) bilang bahagi ng precautionary measures o pag-iingat laban sa posibleng pag-apaw ng dam.

Ayon kay PAGASA hydrologist Ailene Abelardo, dahil sa inaasahang makakaranas ng hanggang 558 mm na buhos ng ulan ngayong Agosto ay posible umanong sumapit sa “normal high” ang antas ng tubig sa Magat.

Matatandaang sinuspinde ng Magat Dam ang spilling operations nito noong Disyembre ng nakaraang taon.

August 1, 2021 0 comment

HEADLINES NATIONAL NEWS

Mga Pilipino, bawal pa ring pumasok sa Japan

written by Gilbert Perdez

Bawal pa ring pumasok ang mga Pilipino sa Japan.

Ayon sa Philippine Overseas Labor Office (POLO) sa Tokyo, ito’y bahagi pa rin ng ipinatutupad na travel restrictions ng Japanese government laban sa 154 na bansa.

Ngunit nilinaw naman ni Labor Attache Marie Rose Escalada na bagama’t bawal sa Japan ang inbound travelers ay pinapayagan naman ang outbound passengers.

Sa kasalukuyan, mayroong 24,550 Filipino workers sa Tokyo.

August 1, 2021 0 comment

ENTERTAINMENT NATIONAL NEWS

QC lGU may libreng routine testing vs. COVID-19

written by Gilbert Perdez

May handog na libreng routine testing ang lokal na pamahalaan ng Quezon City (QC) sa mga ahensya, tanggapan at negosyo sa lungsod.

Ito’y bahagi ng mga hakbang ng QC LGU para mapigilan ang pagkalat ng COVID-19.

Una nang sinimulan ng QC Epidemiology and Surveillance Unit (QCESU) ang katulad na programa sa ilalim ng kanilang “Kyusi-Industriya I.W.A.S. sa Covid-19” noong Hunyo 16.

Bunga naman ng banta ng Delta variant, nanawagan ang lokal na pamahalaan sa mga manggagawa na i-avail ang libreng COVID-19 tests.

July 31, 2021 0 comment

Newer Posts

Older Posts