Gilbert Perdez

Inihayag ng Philippine Overseas Labor Office (POLO) na bakunado na ang halos kalahati ng kabuuang bilang ng mga Overseas Filipino Workers (OFWs) sa Hong Kong.

Ayon kay Labor Attaché Melchor Dizon, sa 220,000 na mga Pinoy na nagtatrabaho sa isla, mahigit 100,000 na ang nakatanggap ng bakuna kontra COVID-19.

Kabilang aniya sa mga dahilan kung bakit hindi pa nababakunahan ang ilan nating mga kababayan doon ay dahil sa blood pressure at sa agam-agam o pag-aalinlangan ng mga ito sa pagpapabakuna laban sa Coronavirus.

Pinaalalahanan ng mga awtoridad ang mga mamamayan ng Pangasinan na maging vigilant o mag-ingat laban sa dengue.

Ito’y makaraang i-ulat ng Pangasinan Provincial Health Office o PHO na dumoble ang bilang ng mga dengue cases mula Enero hanggang Hulyo 26 ngayong taon.

Ayon sa pinakabagong datos ng PHO Epidemiology and Surveillance Unit, lumitaw na nagkaroon ng 2,634 dengue cases o 97% na pagtaas kumpara sa 1,334 cases na naitala sa kaparehong panahon noong nakalipas na taon.

Gayunman, dalawa lamang ang pumanaw ngayong taon na mas konti kumpara noong 2020 na pumalo sa 11

Nasa watch list naman ng health office ang ilang bayan at lungsod tulad ng San Carlos City, Alaminoscity, Pozorrubio, Bolinao, Urdaneta City, Bayambang, Lingayen, at iba pang munisipalidad.

Kalaboso ang isang Barangay Kagawad makaraang mahulihan ng higit P3 milyong halaga ng hinihinalang shabu sa Sultan Mastura, Maguindanao.

Hindi naman tinukoy ang pagkakakilanlan ng Barangay official mula Lanao Del Sur na nadakip sa operasyon sa Barangay Tambo kung saan nasabat mula rito ang pitong sachets ng umano’y shabu na nagkakahalaga ng P3.4 milyon.

Sa isa pang operasyon sa Davao Del Sur, huli naman ang isang government employee sa buy-bust operation sa bayan ng Sta. Cruz kung saan nakumpiska mula rito ang droga na sinasabing nagkakahalaga ng higit P200K.

Kasong paglabag sa Comprehensive Dangerous Drugs Act ang isasampa laban sa mga suspek.

Maaaring ituloy ang pagpapakawala ng tubig sa Magat dam ngayong buwan.

Ito’y ayon sa Philippine Atmospheric, Geophysical and Astronomical Services Administration (PAGASA) bilang bahagi ng precautionary measures o pag-iingat laban sa posibleng pag-apaw ng dam.

Ayon kay PAGASA hydrologist Ailene Abelardo, dahil sa inaasahang makakaranas ng hanggang 558 mm na buhos ng ulan ngayong Agosto ay posible umanong sumapit sa “normal high” ang antas ng tubig sa Magat.

Matatandaang sinuspinde ng Magat dam ang spilling operations nito noong Disyembre ng nakaraang taon.

Gumaling na ang isa sa dalawang pasyenteng tinamaan ng Delta variant ng COVID-19 sa Bulacan.

Ayon sa provincial government, ang asymptomatic na pasyente na taga-San Ildefonso ay nakarekober na sa sakit habang naka-quarantine naman ang isa pa na residente naman ng Santa Maria.

Dahil dito, mas pinaigting pa ng Provincial Task Force on COVID-19 ang contact tracing operations.

Kalaboso ang isang barangay kagawad makaraang mahulihan ng higit P3-M halaga ng hinihinalang shabu sa Sultan Mastura, Maguindanao.

Hindi naman tinukoy ang pagkakakilanlan ng barangay official mula Lanao del Sur na nadakip sa operasyon sa Barangay Tambo kung saan nasabat mula rito ang pitong sachets ng umano’y shabu na nagkakahalaga ng P3.4-M.

Sa isa pang operasyon sa Davao del Sur, huli naman ang isang government employee sa buy-bust operation sa bayan ng Sta. Cruz kung saan nakumpiska mula rito ang droga na sinasabing nagkakahalaga ng higit P200,000.

Kasong paglabag sa Comprehensive Dangerous Drugs Act ang isasampa laban sa mga suspek.

Isinusulong ng isang senador ang agarang pagpasa sa E-governance Act na isa sa mga prayoridad na batas sa huling taon ng termino ni Pangulong Rodrigo Duterte.

Ayon kay Senador Bong Go, bahagi ito ng hangarin ng Pangulong Duterte na mapaigting at maging epektibo ang public service delivery ng gobyerno sa gitna ng pandemya.

Hindi aniya dapat pinahihirapan ang mga Pilipino sa pag-access sa serbisyo ng pamahalaan.

Batay sa Senate Bill No. 1738 o mas kilala bilang E-Governance Act of 2020, itinutulak ni Go ang makabago o modernong paghahatid ng serbisyo-publiko sa gitna ng nararanasang krisis pangkalusugan.