DWIZ 882

Tatalakayin ngayong araw ng Land Transportation Franchising and Regulatory Board (LTFRB) kasama ang ilang transport group ang mga petisyon hinggil sa taas-pasahe.

Ayon kay LTFRB Chairman Vigor Mendoza II, masasakop ng naturang pagdinig ang halos lahat ng uri ng public land transportation sa bansa tulad ng jeep, UV Express, taxi, at motorcycle taxi.

Kabilang sa mga naghain ng petisyon ang transport group na MANIBELA na humihirit ng ₱2 taas-pasahe para sa mga jeep.

Samantala, naghain naman ng hiwalay na petisyon ang grupong PISTON para sa ₱10 dagdag sa minimum na pasahe sa jeep.   l mula sa panulat ni Reianne Antiquina

Napanatili ng Bagyong Luis ang lakas nito habang nananatiling halos nakatigil sa dagat sa silangang bahagi ng Luzon.

Nananatiling malaki ang posibilidad na mag-landfall ito sa hilagang bahagi ng Luzon mamayang hapon o gabi.

Batay sa pinakahuling abiso ng PAGASA, namataan ang bagyo sa layong 130 kilometro silangan, timog-silangan ng Casiguran, Aurora.

Taglay nito ang lakas na 55 kilometro kada oras, at pagbugso na aabot sa 70 kilometro bawat oras.

Sa ngayon ay halos stationary o halos hindi gumagalaw ang Bagyong Luis.

Kasalukuyang nakataas ang Signal No. 1 sa: Gitna at silangang bahagi ng Cagayan; Isabela; Quirino; silangan at ka-timugang bahagi ng Apayao; silangang bahagi ng Kalinga; silangang bahagi ng Mountain Province; silangang bahagi ng Ifugao; hilagang bahagi ng Aurora; Polillo Islands; at hilagang bahagi ng Camarines Norte.  l mula sa panulat ni Reianne Antiquina

Posibleng mag-landfall sa Isabela ang Bagyong Luis ngayong araw.

Ayon sa PAGASA, posibleng lumakas pa bilang tropical storm ang bagyo sa susunod na 12 oras bago tumama sa hilagang bahagi ng Luzon mamayang hapon o gabi.

Batay sa pinakahuling monitoring ng PAGASA, namataan ang bagyo sa layong 185 kilometro silangan, hilagang-silangan ng Baler, Aurora.

Taglay nito ang lakas na 55 kilometro kada oras at pagbugso na aabot sa 70 kilometro kada oras.

Kumikilos ito patungong kanluran sa bilis na 15 kilometro kada oras.

Nakataas na ang Tropical Cyclone Wind Signal No. 1 sa gitna at silangang bahagi ng Cagayan; Isabela; Quirino; silangan at ka-timugang bahagi ng Apayao; silangang bahagi ng Kalinga; silangang bahagi ng Mountain Province; silangang bahagi ng Ifugao; hilagang bahagi ng Aurora; Polillo Islands; at hilagang bahagi ng Camarines Norte.   l mula sa panulat ni Reianne Antiquina

Kumpiyansa si Department of Labor and Employment Secretary Francis Tolentino na mangingibabaw ang batas at tuluyang maipatutupad ang ₱85 umento sa minimum na sahod sa Metro Manila.

Sa kabila ito ng temporary restraining order (TRO) na inilabas ng isang korte dahil sa petisyon na inihain ng dalawang construction company.

Ayon kay Secretary Tolentino, naniniwala siyang kikilalanin ng korte ang Section 3, Article 13 ng Konstitusyon, kung saan nakasaad ang obligasyon ng estado na bigyan ng ganap na proteksyon ang mga manggagawa at ang kanilang mga karapatan.

Hinimok naman ng labor chief ang publiko na manatiling kalmado at tiniyak na hindi pababayaan ng pamahalaan ang kapakanan ng mga manggagawa.

Samantala, sinabi ng kalihim na nakatakdang dinggin sa korte ang naturang kaso ngayong araw.  l mula sa panulat ni Reianne Antiquina

Pormal nang humarap sa Senate impeachment court ang ikatlong witness ng House prosecution panel para sa Article 1 o misuse of confidential funds laban kay Vice President Sara Duterte.

Si private prosecutor Atty. Lorna Kapunan ang nagpakilala sa bagong testigo ngayong Lunes, kung saan nanumpa sa paglilitis si Roderick Wamil, ang dating state auditor ng COA-ICFAO, upang pagtibayin ang kanyang testimonya laban sa bise presidente.

Aabot naman sa 15 kahon ng confidential funds na naglalaman ng mahigit 845 dokumento ang ihaharap ng prosekusyon sa impeachment trial kaugnay pa rin sa ₱612.5 million na confidential at intelligence funds o ang umano’y maling paggamit ng pondo ni VP Sara.

Bago ang trial suspension, hiniling ng House prosecutors na magkaroon ang kanilang panig ng karagdagang stipulations para sa kanilang ebidensya, kabilang ang mga pahayag o facts na nakuha sa naunang testimonya noong nakaraang linggo, partikular sa naging testimonya ng dalawang empleyado ng Land Bank of the Philippines na sina Violeta Constantino at Nenita Camposano.

Kabilang sa pinasasama ng prosekusyon ang tatlong tseke na nakapangalan kay Edward Fajarda ng DepEd na nagkakahalaga ng tig-₱37.5 million at may kabuuang ₱112.5 million.

Maging ang apat na tsekeng ipinina-encash ni Gina Acosta ng OVP na nakalagay sa duffle bag na nagkakahalaga ng tig-₱125 million, na may kabuuang aabot sa ₱500 million.

Layon ng stipulations na magkaroon ng kasunduan sa mga dokumentong ilalatag sa pagitan ng dalawang panig—ang prosecution at depensa—upang mapabilis ang proseso ng kaso.