DWIZ 882

Binalaan ng Department of Agriculture (DA) ang mga negosyanteng hindi sumusunod sa itinakda nilang suggested retail price (SRP).

Ito’y kasunod ng pagtatakda ng Department of Trade and Industry (DTI) ng SRP sa mga piling agricultural products.

Ayon kay Agriculture secretary William Dar, mahaharap sa parusang pagkakakulong ng mula lima hanggang 15 taon at multang mula P5-milyon hanggang P2-milyon ang mga abusadong negosyante.

Ani Dar, araw-arawin nila ang mga pagbisita sa mga palengke upang matiyak na sumusunod ang mga ito sa itinakda nilang SRP.

Hindi muna tatanggap ang Department of Agriculture (DA) ng import permit para sa pag-aangkat ng bigas.

Ito ang inihayag ni DA secretary William Dar ngayong panahon ang anihan ng palay.

Sinabi rin ni Dar na posibleng mabago ang mga panuntunan sa pag-aangkat ng bigas ngayong pinag-aaralan nila ito.

Aabot umano kasi sa 1,000 import clearance ang hindi nagamit simula noong December 2019 hanggang January 2020.

Dahil dito umano, pag-aaralan din nila kung kinakailangan nang bawiin o kanselahin ang mga ito.

Nilinaw ng Department of Health (DOH) na wala pang Pilipino na nagpositibo sa 2019 coronavirus disease (COVID-19) sa South Korea.

Ito’y kasunod ng biglaang pagtaas ng bilang ng kaso ng sakit sa nasabing bansa.

Ayon kay Health assistant secretary Maria Rosario Vergeire, mayroon lamang napaulat na Pinoy na tinamaan umano ng virus ngunit hanggang sa ngayon ay hindi pa ito nakukumpirma.

Sinisikap anilang makakalap pa ng karagdagang detalye kaugnay sa nasabing Pinoy maging sa sitwasyon ng iba pang Pilipino sa South Korea.

Una rito, itinaas na ng South Korea sa highest alert ang kanilang virus alert level matapos magkaroon ng pinakamataas na bilang ng kumpirmadong kaso ng sakit sa labas ng China.

Tutukan ngayon ng National Capital Region Police Office (NCRPO) ang mga ilegal na pasugalan partikular ang jueteng sa Metro Manila.

Bilang hakbang, inatasan ni NCRPO chief Maj. Gen. Debold Sinas ang kaniyang kapulisan na halughugin ang mga ilegal na pasugalan sa kalakhang Maynila.

Gayunman, aminado si Sinas na hindi na gaanong katalamak ang jueteng sa Maynila hindi gaya sa ibang lugar.

Ngunit nais pa rin umano nilang malinis ng tuluyan ang Metro Manila mula sa lahat ng uri ng ilegal na sugal.

Asahan nang mararamdaman ang pag-init ng panahon sa mga susunod na araw.

Ayon sa PAGASA, unti-unti nang hihina ang Hanging Amihan na nagdadala ng malamig na hangin.

Una rito umakyat sa 13.8°C mula sa 11°C ang temperatura sa Baguio City noong weekend.

Itinuturing na isang malaking kawalan ni Senador Manny Pacquiao para sa sambayanang Pilipino sakaling hindi ma-renew ang prangkisa ng ABS-CBN.

Ayon kay Pacquiao, malaki ang bahagi ng ABS-CBN sa pamamahagi ng impormasyon sa bawat isa.

Ani Pacquiao, dahil sa ABS-CBN, nagiging well-informed ang mga Pilipino sa mga kaganapan sa bansa.

Gayunman, sinabi ng senador na kung mayroon ngang nilalabag na batas ang ABS-CBN, dapat ay panagutan nila ito.

Inilahad ni Senator Christopher Bong Go ang hinaing ni Pangulong Rodrigo Duterte laban sa ABS – CBN.

Sa naging pagdinig ng Senado sa renewal ng franchise ng ABS-CBN  sinabi ni Go, hindi naman lingid na ang galit ng Pangulo ay nag-ugat noong 2016 sa kasagsagan ng election season kung saan hindi ini – ere ng istasyon ang political ads ng Pangulo gayong inilabas naman nito ang video na naglalayong siraan ang Pangulo.

Marahil po alam ng karamihan ang mga hinaing ng ating Pangulo not against ABS-CBN or its people but against some practices of network that appear to be improper and done with ill intent, ngayon po ay public knowledge na ito noong taong 2016 sa kasagsagan po ng election season ay hindi po naere ang ilang ads ng ating Pangulo, alam po din ng karamihan ang tungkol sa isang video. A video which has obviously meant to maligned the then Presidential candidate Mayor Rodrigo Duterte for the purpose of destroying his reputation and turning the tide against his ovewhelming popularity that time,” ani Go.

Nagpaliwanag naman si ABS-CBN President Carlo Katigbak, umere ang lahat ng national ads ng Pangulo ngunit nagkaroon lamang ng problema sa local ads dahil sa maiksi ang oras sa mga local ads.

Sa huli ay huminge ng paumanhin ang istasyon kay Pangulong Duterte.

We were sorry if we offended the President, that was not the intention of the network we felt that we were just abidding by the laws and regulations that surround the airing of political ads and I think today we want to make up categorical statement together with our Chairman Mark Lopez, that ABS does not and will not have its own political agenda,” ani Katigbak.

Naniniwala si Senator Grace Poe na mas maraming mga Senador ang nakumbinsi na hindi dapat na tanggalan ng prangkisa ang ABS-CBN.

Ayon kay Poe, tulad ng kanyang naging punto sa pagdinig, kung may violation man ay dapat maparusahan at hindi kanselasyon agad ng prangkisa ang gawin.

Naniniwala ang Senadora na dapat na mabigyan ng permit to operate ang network para magpatuloy ang operasyon nito habang dinidinig pa ang renewal ng kontrata nito.

Umaasa naman si Poe mas mabibigyan ng linaw ang isyu sa oras na maglabas na ng opinyon ang Department of Justice (DOJ) sa isyu.

Sabi niya in a few days ilalabas niya ang opinyon ng Department of Justice, pero sinabi ko na dati pa sa Smart communications, sa PTNT, pagdating na din sa CBCP lahat yan na-extend dahil hindi pa tapos yung pagdinig sa Kongreso,” ani Poe.