DWIZ 882

Binanatan ni House Speaker Alan Peter Cayetano ang mga tinawag niyang sipsip at epal na indibwal sa naging pagdinig ng senado sa franchise renewal ng ABS – CBN.

Ayon kay Cayetano, tila pang attendance lamang ng mga gustong pumapel sa ABS-CBN ang naging pagdinig ng mga senador.

Aniya, para saan ba ang naging hearing gayong hindi naman maaring dinggin ang renewal ng prangkisa dahil nasa House of Representatives pa ang usapin.

Muli, binigyang diin ni Cayetano na mahalagang isyu ang franchise ng network ngunit hindi ito kasing urgent ng iba pang usapin na tinatalakay ngayon ng mga kongresista.

Siniguro ni House Speaker Alan Peter Cayetano na sapat na ang notice ng committee on legislative franchises sa National Telecommunications Commission (NTC) para magpatuloy ang operasyon nito habang dinidinig ang renewal ng prangkisa nito.

Ayon kay Cayetano, hindi na kinakailangan pa na mag – apruba sila ng concurrent resolution na magbibigay ng abiso sa NTC na sinisimulan na nila ang proseso ng franchise resolution para mag isyu naman ito ng provisional authority ang ABS – CBN kapag napaso na ang prangkisa nito sa Mayo.

Samantala, binigyang diin ni Cayetano na papanindigan nila ang pangakong hindi ipasasara ang network.

Katwiran ng lider ng Kamara, kung sa simula palang ay ayaw na nilang i – renew ang prangkisa ng ABS – CBN ay dapat ay hindi na nila sinimulan pa ang proceedings nito at kaagad na ibinasura ang naturang panukalang batas.

Pinag-iingat ng Food and Drug Administration (FDA) ang publiko hinggil sa pagbili at paggamit ng mga hindi rehistradong produktong pagkain.

Partikular na tinukoy ng FDA ang:

-Harvey Banana Ross Soft Candy

-Kitchen Pantry Beryl’s Milk Choco

-Jersey’s Peanut Butter

-Meiji chocolate kung saan ang label ay nasa foreign characters

-Dandy’s Garlic Peanuts

Sa ginawang post marketing surveillance, napag-alaman na walang certificate of product registration ang naturang mga produkto.

Ayon sa FDA, dahil hindi dumaan sa tamaang evaluation process ang mga nabanggit na produkto ay hindi matitiyak na ito ay ligtas at nasa tamang kalidad.

Maliban dito, ibinabala rin ng ahensya na bawal ang pagbebenta at pag-advertise ng naturang mga mga produkto hangga’t hindi pa ito nakakakuha ng certificate of registration.

Hinihintay na ng Department of Health (DOH) ang 19,000 mga test kits para sa COVID-19.

Ayon sa DOH, ito ay bilang paghahanda sa pagdating ng daan – daang mga Pilipino na nakasakay sa Diamond Princess cruise ship na apektado ng naturang sakit.

Muling isasalang sa polymerase chain reaction (PRC) test ang 460 hanggang sa 480 na mga Pilipino na nagnegatibo na at sumailalim sa quarantine sa naturang barko.

Nakatakdang tumuloy sa New Clark City ang mga Pilipino darating bukas kung saan muli silang isasailalim sa quarantine.

Siyam na Japanese ang ipina-deport ng Bureau of Immigration (BI) dahil sa telecommunication fraud.

Ayon kay Immigration Commissioner Jaime Morente, kahapon pinasakay ang naturang mga dayuhan sakay ng Japan Airlines Flight sa Ninoy Aquino International Airport patungong Tokyo, Japan.

Ang naturang mga hapon ay wanted sa kanilang bansa dahil kabilang ang mga ito sa organized crime group na sangkot sa voice phishing at telecom fraud na nambibiktima ng marami nilang kababayan sa Japan.

Ito ang unang batch ng mga ipina-deport mula sa 36 na Japanese nationals na naaresto sa Makati City noong Nobyembre 13 noong nakaraang taon ng mga tauhan ng BI.

Sinabi ni morente na isinasapinal pa ang  schedule nang deportation sa mga natitira pang naarestong Japanese  na nakakulong ngayon sa BI  detention center sa Camp Bagong Diwa sa Taguig City.