DWIZ 882

Humingi ng paumanhin sa Pangulong Rodrigo Duterte ang Pangulo at Chief Operating Officer ng ABS-CBN, Carlo Katigbak.

Kaugnay ito sa hinanakit ng Pangulo sa ABS-CBN nang hindi umano i-ere ang kanyang political ads noong 2016 elections.

Ayon kay Katigbak, mayroon silang dalawang klase ng ads, ang national at local ads sa ilang piling lalawigan.

Naere aniya nila ang lahat ng pol ads ng Pangulo sa national na nagkakahalaga ng P117-M subalit nagkaproblema sila sa  local ads dahil dalawang minuto lamang ito sa kada oras.

Sinabi ni Katigbak na pitong milyon sa P65-M local ads ng Pangulo hindi nila nai-ere.

Naisoli aniya nila sa Pangulo ang apat na milyon subalit na delay ang iba pa kaya’t hindi ito tinanggap Pangulo.

We were sorry if we offended the President, that was not the intention of the network we felt that we were just abidding the laws and regulations that surround the airing of political ads and I think today we want to make up the categorical statement together with our Chairman Mark Lopez, that ABS does not and will not have its own political agenda,” ani Katigbak.

Maaari pa ring makapagpatuloy ng operasyon ang ABS-CBN kahit pa mapaso ang prangkisa nito.

Pahayag ito ni Justice Secretary Menardo Guevarra sa hearing ng senate committee on legislative franchises.

Ayon kay Guevarra, kailangan lamang na atasan ng Kongreso, sa pamamagitan ng concurrent resolution, ang National Telecommunications Commission (NTC) na bigyan ng provisional authority ang ABS-CBN.

Nilinaw rin ni Guevarra na batay sa datos, May 4 at hindi March 30 nakatakdang mapaso ang prangkisa ng ABS-CBN.

It is therefore respectfully submitted that the congress by concurrent resolution may authorize the National Telecommunications Commission to issue a provisional authority subejct to such terms and condition as the NTC redeem fit to ABS-CBN, another entities who are similarly situated authorizing them to continue operating subject to congress’ eventual disposition of the renewal applications,” ani Guevarra.

Kahihiyan para sa mababang kapulungan ng Kongreso ang pagtalakay ng Senado sa renewal ng prangkisa ng ABS-CBN.

Ayon kay Cong. Lito Atienza, nakakahiya na ang Senado pa ang unang kumilos para resolbahin ang problema na dapat ay ina akyusunan ng Kamara.

Taliwas sa pahayag ni House Speaker Allan Peter Cayetano, sinabi ni Atienza na hindi illegal ang ginagawa ng Senado bastat hindi sila mag i-isyu ng prangkisa dahil tanging ang Kamara ang may kapangyarihang gawin ito.

Sinimulan na ng House Committee on Legislative Franchises ang proseso para sa renewal ng prangkisa ng ABS-CBN.

Ayon kay Cong. Franz Alvarez, chairman ng komite, pinagsusumite nila ng position paper ang lahat ng mga kontra at pabor na i-renew ang prangkisa ng ABS-CBN.

At habang tumatakbo anya ang proseso, nakikipag ugnayan rin sila sa National Telecommunications Commission (NTC) upang matiyak na tuloy-tuloy ang pag broadcast ng ABS-CBN kahit mawalang bisa na ang kanilang prangkisa sa katapusan ng Marso.

Sinabi ni Alvarez na hindi na bago ang ganitong sitwasyon dahil nangyari na ito sa sa Radyo Veritas na hinayaan lang ng NTC na mag operate habang tinatalakay ang renewal ng kanilang prangkisa —ulat mula kay Jill Resoctoc (Patrol 7). 

Naka alerto na ang Philippine National Police (PNP) para sa selebrasyon ng People Power Revolution bukas, Pebrero 25.

Ayon kay PNP Chief General Archie Gamboa, nais nilang makatiyak na hindi makakalusot ang gustong magsamantala sa selebrasyon.

Samantala, kumbinsido si Gamboa na hindi magtatagumpay ang anumang pagkilos para patalsikin ang Pangulong Rodrigo Duterte.

Hindi anya magtatagumpay ang anumang ouster plot laban sa pangulo kung hindi ito susuportahan ng mga pulis at sundalo na tulad nang nangyari nuon sa yumaong dating Pangulong Ferdinand Marcos.

Sinabi ni Gamboa na tila naging normal na ang paglabas ng mga ouster plot sa tuwing sumasapit ang anibersaryo ng People Power Revolution.

Nagbabala ang Department of Agriculture (DA) sa mga hindi susunod sa itinakda nilang suggested retail price (SRP) para sa piling agricultural products.

Ayon kay Agriculture Secretary William Dar, sa ilalim ng price act, ang manipulasyon ng presyo ay may parusang pagkakulong ng mula 5 hanggang 15 taon at mula P5,000 hanggang P2-milyon.

Samantala, isa hanggang sampung taong pagkakulong naman ang parusa sa violation ng price ceiling at multa na mula P5,000 hanggang P1-milyon.

Sinabi ni Dar na aaraw-arawin nila ang sorpresang pagbisita sa mga palengke upang matiyak na nasusunod ang itinakda nilang SRP.

P190 per kilo ang itinakdang SRP para sa pigue at kasim ng baboy, P130 per kilo sa fully dressed chicken, P162 per kilo sa bangus, P120 per kilo sa tilapia, at P130 per kilo sa galunggong.

Nagtakda rin ang DA ng SRP para sa bawang na P70 kada kilo para sa imported at P120 kada kilo para sa local; P95 kada kilo naman ang pulang sibuyas; at P50 kada kilo ang refined sugar.

Inaasahang pag uusapan sa pulong ng Inter-Agency Task Force para sa coronavirus disease 2019 (COVID-19) kung kailangang palawakin pa ang restrictions sa pagbibiyahe.

Sa harap ito ng bagong kaso ng mga Pinoy na nagpositibo sa COVID-19 tulad ng Singapore at pagdami ng kaso ng naturang virus sa South Korea.

Ayon kay Health Assistant Secretary Maria Rosario Vergeire, regular na nire-review ng komite ang mga guidelines sa tuwing sila ay magpupulong upang alamin kung napapanahon pa at naaayon pa sa sitwasyon ang mga ito.

Una nang sinabi ng Department of Foreign Affairs na hindi magpapatupad ng travel ban sa South Korea subalit pinapayuhan ang mga Pilipinong magtutungo duon na ipagpaliban o i-delay muna ang kanilang biyahe.