Kritikal pa rin ang kalagayan ng dalawang estudyante matapos ang naganap na pamamaril sa loob ng San Jose National High School sa Tacloban City, Leyte kung saan labing-limang mag-aaral ang nasugatan at apat ang nasawi.
Kabilang sa mga malubhang nasugatan sina Joan Vinias, Grade 10 student na tinamaan ng bala sa ulo, at Nathan Candelario, Grade 9 student na nagtamo ng matinding tama sa tiyan na nagdulot ng pinsala sa bituka.
Samantala, nasa kustodiya na ng mga otoridad ang mga menor de edad na suspek na umano’y nasa edad katorse at kinse anyos at kinasuhan sila ng murder at frustrated murder habang patuloy na iniimbestigahan ang motibo at mga pangyayari sa insidente.
Patuloy namang nananawagan ng hustisya ang mga pamilya ng mga biktima at hinihiling ang agarang pananagutan ng mga sangkot, habang umaasa rin sa agarang paggaling ng mga estudyanteng patuloy na lumalaban para sa kanilang buhay. | Sa panulat ni Reabelle Medina
