Mahigit P7M halaga ng hinihinalang shabu ang nasabat mula sa nakatakas na suspek sa isinagawang “Oplan Galugad” sa Maharlika Village, Taguig City.
Kinilala ng National Capital Region Police Office (NCRPO) ang suspek na si alyas “Racks”.
Ayon kay NCRPO chief, BGen. Jonnel Estomo, ginalugad ang nabanggit na lugar nang may napansing lalaking kahina-hinala ang kilos.
Binitawan na lang umano bigla ng suspek ang dala nitong sako bago tumakbo.
Gayunman, naabutan ito ng mga otoridad at nakumpiska mula sa kanya ang mahigit isang kilo ng shabu, timbangan at dalawang medium heat sealed na transparent plastic.
Patuloy na pinaghahanap at tinutugis ng mga otoridad ang suspek. –sa panulat ni Jenn Patrolla
