DWIZ 882

Nais imbestigahan ng Senado ang pagsasara ng planta ng Honda sa Laguna.

Ayon kay Senador Joel Villanueva, chairman ng senate committee on labor, employment and human resources development, maituturing na “cause for concern” ang pagsasara ng halos tatlong dekada nang planta ng kumpanya sa nasa Sta. Rosa.

Kasabay nito, nanawagan si Villanueva sa gobyerno na tugunan ang pangangailangan ng nasa 700 empleyado na mawawalan ng trabaho bunsod ng pagsasara nito.

Ani Villanueva, maari din magtulungan ang Technical Education and Skills Development Authority (TESDA) at Department of Labor and Employment (DOLE) para pag-aralan ang akmang training na maaaring ibigay sa mga apektadong empleyado.

Nais paimbestigahan ni Senador Joel Villanueva ang kahandaan ng mga water concessionaire at mga ahensya ng gobyerno sa problema sa tubig ngayong papalapit na ang panahon ng tag-init.

Ito’y sa gitna ng mababang lebel ng tubig sa Angat Dam na pangunahing pinagkukunan ng tubig sa Metro Manila.

Ayon kay Villanueva, dapat tiyaking kaya ng mga water concessionaire at mga kinauukulang ahensya ng gobyerno na tugunan sakaling maranasan muli ang kakulangan ng suplay ng tubig sa tag-init.

Naging pangkalahatang mayapa ang pagdaros ng ika-34 na anibersaryo ng EDSA People Power Revolution kahapon, ika-25 ng Pebrero.

Ayon kay Philippine National Police (PNP) spokesman Pol. Brig. Gen. Bernard Banac, bagama’t may mga ikinasang kilos protesta ay naging mapayapa ang mga ito.

Kabilang sa mga lugar na binantayan dahil sa mga kilos protesta ay ang EDSA Shrine, People Power Monument at Maynila.

Naging alerto ngunit kalmado umano ang sitwasyon ng mga pulis na ipinakalat sa mga lugar na may mga pagtitipon.

Nangako si Pangulong Rodrigo Duterte ng malaking papremyo para sa mga mananalo sa susunod na silent drill na inoorganisa ng Philippine Security Group (PSG).

Sa change of command ng PSG sa Malacañang Park, inanunsyo ng pangulo na handa siyang magbigay ng P3-milyon mula sa dating P1-milyon na pa premyo sa mananalo sa silent drill.

Ayon sa pangulo na maaaring sabihin ng iba na siya ay gaya-gaya ngunit nakita umano niya ito na ginagawa sa China kung saan mayroong military drill araw-araw sa kanilang pinakamalaking parke at nais din niyang gawin ito sa Pilipinas.

Sinabi ng pangulo na nais niya itong gawin sa harap ng bantayog ni Gat Jose Rizal para magsilbing inspirasyon sa mga kabataan at maituro sa kanila ang disiplina, paggalang sa mga otoridad at maging tapat at may pagmamahal sa bansa.

Magugunitang noong Disyembre 2019 nang inorganisa ng PSG ang kauna-unahang silent drill competition na sinalihan ng iba’t ibang units at sangay ng hukbong sandatahan.

Kumukuha na rin sa mga water treatment plant at deep well ang Maynilad at Manila Water.

Ito anila ay para madagdagan ang suplay ng tubig –ngunit ayon sa dalawang water concessionaire, hindi pa rin ito sapat.

Paliwanag ng Mmanila Water, bagama’t may dagdag na 200 million liters/day (MLD) mula sa Cardona Water Treatment Plant at mga deep well, kulang pa rin ng ito dahil binawasan ang kanilang alokasyon.

Ayon sa Manila Water kulang pa ng 150 MLD para tugunan ang suplay ng tubig ng tinatayang 1,800 MLD na kinokunsumo ng mga customer.

Tulad rin ng Manila Water, kulang din ang maynilad ng 180 MLD kahit pa may dagdag na 94 MLD mula sa Putatan Treatment Plant at mga deep well.

Ngunit ipinabatid naman ni National Water Resources Board (NWRB) executive director Sevillo David na posibleng hindi na mabawasan pa ang alokasyon ng tubig ng mga water concessionaire pagsapit ng tag-init.

Nagbabala sa mga motorista ang pamunuan ng North Luzon Expressway (NLEx) sa inaasahang pagtindi pa ng daloy ng trapiko hanggang sa susunod na buwan.

Ito umano ay dahil sa pagpapatuloy ng konstruksyon ng Skyway-3 Project.

Isinara kasi ang isang lane sa taas ng EDSA-Balintawak dahil sa paglalagay ng steel support.

Pagsapit naman ng alas-11 g gabi hanggang alas-4 ng madaling araw, dalawa pang lanes sa northbound lane ng NLEx sa ilalim ng Balintawak Bridge ang isasara kapag ilalagay na ang girder ng Skyway.

Madadagdagan pa umano ito kapag inilagay na ang girder ng Skyway.

Sinabi ng pamunuan ng NLEx na tatagal ito ng hanggang 20 araw.

Dahil dito pinayuhan ng NLEx at ng Metropolitan Manila Development Authority (MMDA) ang mga motorista na dumaan na lamang sa mga alternatibong ruta upang makaiwas sa traffic.