Naging pangkalahatang mayapa ang pagdaros ng ika-34 na anibersaryo ng EDSA People Power Revolution kahapon, ika-25 ng Pebrero.
Ayon kay Philippine National Police (PNP) spokesman Pol. Brig. Gen. Bernard Banac, bagama’t may mga ikinasang kilos protesta ay naging mapayapa ang mga ito.
Kabilang sa mga lugar na binantayan dahil sa mga kilos protesta ay ang EDSA Shrine, People Power Monument at Maynila.
Naging alerto ngunit kalmado umano ang sitwasyon ng mga pulis na ipinakalat sa mga lugar na may mga pagtitipon.
