DWIZ 882

Humihingi ng karagdagang P2.8-B pondo ang Department of Labor and Employment (DOLE) sa tanggapan ng Pangulo.

Ito ay upang magamit sa pagpapatupad ng mga programang laan sa mga manggagawa sa loob at labas ng bansa na posibleng mabawasan ang kita dahil sa flexible work arrangements at mga mawawalan ng trabaho dahil sa coronavirus disease 2019 (COVID-19).

Ayon kay Labor Secretary Silvestre Bell III, P1.5-B ang kinakailangang dagdag na pondo para maayudahan ang mga Overseas Filipino Workers (OFW)’s na naapektuhan ng COVID-19.

Habang isang punto tatlong bilyong piso naman sa implementasyon ng assistance programs para sa mga formal at informal workers na tinamaan din ng pandemic.

Sinabi pa ni Bello, kabilang sa mga programang hinahanap niya ng karagdagang pondo ang adjusment measures program, tulong panghanapbuhay sa ating disadvantaged/displaced workers program at government internship program.

Hindi na papayagang makapasok ng Metro Manila ang mga provincial bus at mga jeep na may ruta sa probinsiya sa ilalim ng ipinatutupad na isang buwang community quarantine.

Ayon kay Transportation undersecretary Artemio Tuazon Jr., kinakailangan nang pababain ng mga provincial bus at jeep ang kanilang mga pasahero sa mga itinakdang drop off point sa labas ng Metro Manila.

Sasaluhin naman aniya ito ng mga city buses at jeepney para naman maihatid papasok ng National Capital Region (NCR).

Dagdag ni Tuazon, sa mga nabanggit na drop off point at checkpoints naman susuriin ang temperatura ng mga pasahero at kanilang ipakikita ang patunay na pagtatrabaho o layunin ng patungo sa Metro Manila.

Itinakda naman ang drop off point ng mga manggagaling nag northern luzon sa Bocaue,Bulacan habanng saa Sta. Rosa, Laguna naman ang mga magmumula ng Southern Luzon.

Hinikayat ng Philippine General Hospital (PGH) ang mga pasyente na ipagpaliban muna ang pagpapakonsulta sa kanilang Out Patient Department (OPD) sa gitna ng banta sa coronavirus disease 2019 (COVID-19).

Ayon sa pamunuan ng PGH, makabubuting huwag munang magtungo ng kanilang OPD kung hindi naman anila agaran ang pangangailan dito.

Dagdag ng ospital, magpapalabas sila ng abiso oras na maibalik na nila ang kanilang regular clinic schedules at umayos na ang sitwasyon.

Samantala, batay sa impormasyon mula sa pgh, isang pasyente na positibo sa COVID-19 ang kasalukuyang naka-admit sa kanila habang may dalawang namang pui o persons under investigation.

14 namang pui na may mild symptoms ang pinauwi muna at pinayuhang sumailalim sa self-quarantine.

Nagsimula nang sumailalim sa kanilang 14-day quarantine sa Athlete’s village sa new Clark City, Capaz Tarlac ang mga inilikas na Filipino mula sa MV Grand Princess.

Ayon sa Department of Foreign Affairs (DFA), 12:15 a.m. Kaninang madaling araw nang lumapag sa haribon hangar sa Clark Airbase, Pampanga ang chartered plane sakay ang 444 na mga inuwing Pinoy.

Kinabibilangan ito ng apatnaraan at 38 crew members at anim na pasahero ng MV Grand Princess.

Agad naman silang isinakay sa mga bus na naghatid sa kanila sa New Clark City kung saan sumailalim sila sa full medical attention mula sa Department of Health (DOH) saka inilagay sa 14-day quarantine.

Una nang tiniyak ng US Department of Health na isinailalim ang mga ito sa kaukulang secrrening protocols at binigyan na ng disembarkment process bago bumiyahe patungong Pilipinas noong Marso 14.

Umakyat na sa 140 ang kabuuang bilang ng mga kumpirmadong kaso ng coronavirus disease 2019 (COVID-19) sa bansa.

Ito ay matapos makapagtala ng 29 na bagong kaso ang Department of Health (DOH), kahapon Marso 15.

Batay sa datos ng DOH, 15 sa mga bagong kaso ang walang travel history at hindi pa tiyak kung nagkaroon ng exposure sa isang may COVID-19.

Kabilang na rito si patient 137 na isang 13 taong gulang na batang babae, taga Quezon City at siyang pinakabata sa mga nahawaan ng virus.

Tatlo naman sa mga bagong kaso ang nagkaroon ng exposure sa infected ng COVID-19.

Habang walo naman ang may travel history kabilang si patient 114 na bumiyahe ng Japan; patient 115 na isang Thai at nanggaling ng Thailand; patient 117 na nagtungo ng Korea at USA; patient 124 na nag-Singapore; patient 125 sa Cambodia.

Gayundin di patient 127 na may travel history sa Japan; patient 128 sa taiwan; patient 130 sa United Kingdom at Qatar; at si patient 131 sa Dubai.

Pinalawig ng mga telecommunication companies ang deadline sa pagbabayad ng bill ng kanilang mga postpaid customers.

Sa abiso ng PLDT, nagpapatupad na sila ng 30 araw na extension period para sa mga customers ng PLDT Home, PLDT Enterprise, Smart at Sun.

Ayon sa kumpanya, kanilang nauunawaan kung gaano kahalaga ang pagkakaroon ng komunikasyon ng mga bawat miyembro ng pamilya sa kasalukuyang panahon na nahaharap ang bansa sa coronavirus disease 2019 (COVID-19) outbreak.

Una na ring nag-anunsyo ang Globe Telecom Inc., hinggil sa pagpapatupad ng katulad na 30 araw na payment extension sa kanilang postpaid customers para sa mobile at broadband services.

Sinabi ng globe na sakop nito ang kanilang mga subscribers na may billing due date na mula Marso 15 hanggang Abril 14, kasabay ng ipinatutupad na community quarantine period sa Metro Manila.

Pansamantalang magsasara ang ilang mga malls sa Metro Manila sa gitna na rin ng banta ng coronavirus disease 2019 (COVID-19) at pagpapatupad ng community quarantine.

Batay sa anunsyo ng Ayala, SM at Robinsons, epektibo ngayong araw ang tigil operasyon ng lahat ng kanilang mga malls.

Habang kahapon naman nagsimula ang temporary closure ng Greenhills at Power Plant Mall sa Makati.

Ayon sa pamunuaan ng mga nabanggit na malls, magpapalabas na lamang sila ng abiso kung kailan sila muling magbubukas.

Samanatala, mananatili naman anilang bukas ang ilang mga piling tindahan na nasa loob ng kanilang mga malls tulad ng grocery at drug stores.

Magpapatupad ng malakihang rollback sa presyo ng mga produktong petrolyo ang mga kumpanya ng langis epektibo 6:00 a.m. ng umaga bukas, Marso 17.

Batay sa anunsiyo ng mga kumpanyang Shell, Seaoil, Petro Gazz at Caltex, tatapyasan nila ng P4.25 ang presyo ng kada litro ng kanilang gasoline at diesel.

May P4.35 na bawas naman sa kada litro ng kerosene ang Shell at Caltex.

Habang magpapatupad naman ng P4.00 kada litrong kaltas sa gasolina at diesel at P4.50 kada litrong bawas sa kerosene ang Flying V at Petron.

P4.00 kada litro rin ang tapyas presyo ng clean fuel sa kanilang gasolina at diesel na sinimulan na nila noong sabado ng hapon.

Samantala, muli namang magkakaltas ng P1.25 kada litro sa gasolina at diesel ang Phoenix Petroleum bilang karagdagan sa P3.00 kada litro na ipinatupad nila noong biyernes.