DWIZ 882

Naabot na ng Philippine Statistics Authority (PSA) ang mahigit 50 milyong target nitong National ID Registration para sa taong 2021.

Ayon sa PSA, natapos na ng nasabing bilang ng mga pilipino ang second step registration para sa Philippine Identification System (PhilSys) kasama ang pagkuha ng fingerprints, iris scans at front-facing photos.

Samantala, nasa mahigit 10 milyon na ang Phil ID cards na nai-deliver sa pamamagitan ng Philippine Postal Corporation.  —sa panulat ni Airiam Sancho

Umabot na sa mahigit dalawang milyong (2.1-M) kabataang nasa edad 12 hanggang 17 ang fully vaccinated na laban sa COVID-19.

Ayon kay National Task Force Against COVID-19 Chief Implementer Secretary Carlito Galvez, Jr., nasa higit pitong milyong kabataan naman ang nakatanggap ng unang dose ng bakuna.

Aniya, malaking parte sa pagbubukas ng face-to-face classes ang nasabing bilang ng mga bakunadong kabataan.

Matatandaang nagsimula ang pediatric vaccination sa bansa noong Oktubre 2021. —sa panulat ni Airiam Sancho

Na-expired ang halos 3,000 (2,750) doses ng bakunang Aztrazeneca na idiniliber sa Region 9- Zamboanga Peninsula.

Ayon kay Department of Health (DOH) Region 9 Dr. Mary Germalyn Punzalan, napanis ang mga bakuna dahil nabigo itong maiturok ng tumanggap na lokal na pamahalaan sa nasabing rehiyon.

Aniya, ang nabanggit na bakuna ay ipinamahagi noong Oktubre at nakatakdang masira ng katapusan ng Nobyembre.

Samantala, pinagsumite ni DOH Regional Director Dr. Joshua Brilantes ang hindi pinangalanang LGU ng paliwanag kung bakit hindi nagamit ang mga bakuna. —sa panulat ni Airiam Sancho

Hinimok ng Human Rights Watch (HRW) ang International Criminal Court (ICC) na ipagpatuloy ang imbestigasyon nito sa drug war ni Pangulong Rodrigo Duterte.

Sinabi ni HRW Asia Director Brad Adams na ang pagpaliban nang pag-iimbestiga ng ICC sa drug-war ng Pangulo ay isang delaying tactic umano upang maproptektahan ang mga responsableng opisyal sa malawakang pagpatay.

Matatandaang pansamantalang sinuspinde ng ICC ang pag-iimbestiga makaraang ihiling ng bansa na ipagpaliban ito.

Sinabi ni ICC Prosecutor Karim Khan na alinsunod sa ICC rules of procedure and evidence na hiniling nila sa DOJ na magbigay ng substantiating information para sa request nito ngunit magpasa ngayon wala pang naipapasa ang mga ito. —sa panulat ni Joana Luna

Aprubado na ng Asian Development Bank (ADB) ang 175 dolyar na halaga ng pondong hiniram ng Pilipinas.

Ayon sa ADB, sakop ng nasabing loan ang pagbuo ng tatlong 3,024 meters na tulay sa ibabaw ng Marikina River.

Paliwanag pa ng ADB, makalilikha ng maraming job opportunity para sa maraming pilipino at lubos na makatutulong para sa mga residenteng nakatira malapit sa ilog-marikina ang nasabing proyekto.

Matatandaang sa inilabas na datos ng Bureau of Treasury aabot na sa 11.97 trillion ang utang ng gobyerno. —sa panulat ni Joana Luna

Nahanap na ng Bangko Sentral ng Pilipinas (BSP) ang dalawang indibidwal na sangkot sa pangha-hack ng bank accounts ng BDO customers.

Ayon kay BSP Director Technology Risk and Innovation Supervision Department Melchor Plabasan, hindi empleyado ng BDO o Union Bank ang natunton ng dalawa sa apat na suspek ng online scam.

Matapos ipahayag ng NBI na maaring lokal na sindikato ang nasa likod ng insidente.

Hindi pa pinangalanan ni Plabsan ang mga suspek.

Matatandaang BSP ang naunang bumuo ng task force upang mapanagot ang mga salarin.

Kasabay nito, ipinangako ng BDO na babalik sa mga customer, ang nawalang pera ng mga ito. —sa panulat ni Joana Luna

Ayon kay Senate Committee on Finance Chairman Senator Sonny Angara, ilan sa mga salient point ng inaprubahan nilang Bicam report ay ang amendment na ginawa sa budget ng DOH,  NTF-ELCAC budget ng DOLE, DepEd at state colleges and universities.

Paliwanag ni Angara dinagdagan nila ng 20 hanggang 30 bilyong piso ang budget ng DOH para sa bakuna, booster, testing, special risk allowance ng mga health workers at iba pang programa.

Ginawang 16.5 billion pesos ang budget ng NTF-ELCAC, mula 10.5 billion pesos senate version.

Pagdating sa bakuna sinabi ni Angara na 45 to 50 billion pesos ang inilaang pondo sa ilalim ng program at unprogram.

Target na ratipikahan ang bicam report sa sesyon ng Senado at Kamara ngayong araw upang maipadala sa tanggapan ng pangulo at para malagdaaan bago mag pasko. —sa ulat ni Cely Ortega Bueno (Patrol 19), sa panulat ni Joana Luna