Labing walo ang patay habang sugatan naman ang nasa 25 indibidwal sa aksidente ng isang bus sa Sucua Canton ng Amazonian Province, Morona Santiago sa Southern Ecuador.
Base sa imbestigasyon ng mga otoridad, tumagilid ang naturang bus matapos sakupin ang dalawang linya ng kalsada sa nabanggit na lugar.
Agad namang isinugod sa ospital ang mga sugatan habang patuloy pang iniimbestigahan ang aksidente. —sa panulat ni Angelica Doctolero
Inihayag ng Bangko Sentral Ng Pilipinas na tumaas ng 2.4 percent ang cash remittances ng mga Overseas Filipino Workers na ipinadadaan sa mga bangko noong buwan ng Oktubre.
Kumpara ito sa $2.373B noong buwan ng Setyembre na pinakamataas naman mula noong buwan ng Hulyo na may $2.85B.
Nasa $25.929B o 5.3% ang year-to-date cash remittances mula sa 24.633 billion dollars naman ang naitala sa kahalintulad na panahon noong 2020 kung saan, ang us ang may pinakamalaking share sa overall remittances sa unang 10 buwan ng taon.
Sumusunod dito ang Singapore, Saudi Arabia, Japan, United Kingdom, United Arab Emirates, Canada, Taiwan, Qatar, At South Korea na binubuo naman ng 79.0% ng total cash remittances.
Dahil dito, ang Cumulative Remittance para sa unang 10 buwan ng taon ay umabot na sa $28.816B na tumaas ng 5.4% mula sa $27.346B sa kahintulad na panahon noong nakaraang taon. —sa panulat ni Angelica Doctolero
Nangangamba ngayon ang mga residente sa Aklan matapos ang pagpasok ng Bagyong Odette sa Philippine Area of Responsibility o PAR.
Ang ilan sa kanila ay kaniya-kaniya nang tali ng kanilang mga bahay sa mga puno upang hindi tangayin ng malakas na hangin lalo na ang mga nakatira malapit sa baybaying dagat at ilog.
Samantala, isang bahay naman ang nasira at nahulog sa ilog dahil sa naranasang mga pagbaha sa Barangay Casit-An, Libacao, Aklan.
Ayon kay Punong Barangay Alicio Zonio Zubista, sunod-sunod ang mga araw ng pagbuhos ng ulan dahilan ng unti-unting pagguho ng lupa sa gilid ng Aklan River.
Wala namang nasaktan sa nangyaring insidente habang nagsasagawa na ng preemptive evacuation sa nabanggit na lugar. —sa panulat ni Angelica Doctolero
Pinapurihan ni presidential aspirant at dating senador Ferdinand “Bongbong” Marcos Jr., ang pag-atras ni Senador Christopher “Bong” Go sa Halalan 2022.
Ayon kay Marcos, isa itong selfless gesture.
Tiwala ang dating senator na senyales ito nang pagsasanib puwersa ng kasalukuyang administrasyon at ng tamabalan nila ni Davao City Mayor Sara Duterte.
Samantala, ikinalungkot naman ni BBM ang pag-atras ni Pangulong Rodrigo Duterte sa senatorial bid.
Giit ni Marcos, maraming nagawa ang pangulo sa bansa sa panahon ng kanyang panunungkulan.
Nirerespeto aniya ng BBM-Sara Uniteam ang naging desisyon ni Duterte sa pag-withdraw ng kanyang certificate of candidacy.
Sinabi pa ni Marcos na ipagpapatuloy ng BBM-Sara Uniteam ang mga programang nasimulan ng administrasyong Duterte.
Pito ang patay habang sugatan naman ang 175 pang indibidwal matapos makaranas ng tuloy-tuloy na malalakas na pag-ulan at pagbaha sa bahagi ng hilagang-silangan ng Brazil.
Ayon sa mga tauhan ng Regional Civil Defense, libu-libong residente ang inilikas matapos mawasak at mawalan ng tirahan kung saan, nasa 30 Munisipalidad pa ang apektado ng baha.
Nabatid na naganap ang pagbaha dahil sa Subtropical Cyclone na nagmula sa Atlantic Ocean kung saan, nasira rin ang mga kalsada at tulay.
Sa ngayon, nagsasagawa na ng operasyon ang Brazil Government upang mabigyan ng financial assistance ang mga apektadong residente partikular na ang mga nawalan ng tirahan. —sa panulat ni Angelica Doctolero
Patay ang labing anim na indibidwal sa nangyaring banggaan ng isang Hummer bus at isang truck sa Bauchi, Nigeria, West Africa.
Ayon kay Yusuf Abdullahi, Commander ng Federal Road Safety Corps sa nabanggit na lugar, naganap ang banggaan sa Bambal Village sa kahabaan ng Kano-Jama’are highway kung saan, nagliyab ang naturang bus matapos lumagpak sa isang truck.
Iniimbestigahan pa ng mga otoridad ang dahilan ng banggaan habang kabilang sa mga nasawi ang 10 lalaki at 6 na babae na patuloy pang inaalam ang pagkakakilanlan. —sa panulat ni Angelica Doctolero
Bukod sa Chicago Bulls, kinansela narin ng NBA ang training ng Los Angeles Lakers.
Ito ay matapos magpositibo sa COVID-19 si small forward-shooting guard Talen Horton-Tucker kung saan, naantala ang flight ng Lakers na patungo sanang Dallas para sa kanilang laban kontra Dallas Mavericks.
Dahil dito, inilagay na sa NBA health and safety protocols si Horton-Tucker para sa sampung araw na isolation.
Matatandaang nagpositibo din sa COVID-19 ang sampung Bulls players at pitong players ng Brooklyn Nets dahilan para ipagpaliban din ang kanilang laro. —sa panulat ni Angelica Doctolero
Na detect ng gobyerno ang omicron variant sa 2 international traveler.
Ayon sa DOH, nagpositibo sa Omicron variant ang isang return ofw na dumating mula sa Japan nuong December 1 sakay ng PAL.
Ang isang kaso naman ay isang Nigerian national na dumating mula sa Nigeria nuong December 30 sa pamamagitan ng Oman Air.
Ipinabatid ng DOH na ang mga nasabing biyahero ay kapwa nasa isolation na sa isang pasilidad ng Bureau of Quarantine.
Tiniyak ng DOH ang mahigpit na contact tracing sa mga pasaherong kabilang sa dalawang flights kasabay ang apela sa mga nakasabay ng mga nasabing nag positibo sa omicron variant na kaagad makipag ugnayan sa mga DOH o kaya naman sa kaukulang lgu para i report ang kanilang estado.
Kasabay nito, muling ipinaalala ng DOH ang mahigpit na pagsunod sa minimum public health standards at tamang pagsusuot ng face mask, paghuhugas ng kamay at pag obserba sa physical distancing. — Sa panulat ni Joana Luna
Iminungkahi ng Catholic Bishops Conference of the Philippines (CBCP) na online na lamang idaos ang simbang gabi ng mga simbahan na maaapektuhan ng bagyong Odette.
Ayon kay CBCP Public Affairs Committee Executive Secretary Father Jerome Socillano, maiging gawin ang online simbang gabi lalo kung ang sitwasyon ay delikado dahil sa nasabing bagyo.
Aniya, maaari namang ipagpatuloy ang aktwal na misa kapag hindi na masama ang panahon.
Samantala, magsisimula na ang 9 na araw ng simbang gabi bukas Disyembre 16. — Sa panulat ni Airiam Sancho
Umaapaw na ang mga quarantine facilities na inilaan sa mga uuwing ofws para sa pagdiriwang ng pasko at bagong taon sa bansa.
Ito’y ayon kay Overseas Workers Welfare Administration (OWWA) Administrator Hans Leo Cacdac kung saan iginiit niya na nasa kritikal na lebel na ang nasabing pasilidad.
Batay sa datos, mahigit labing dalawang libong ofws (12,500) ang nasa dalawang daang quarantine facilities (200)
Samantala, ihihirit ni Cacdac sa pulong sa Inter-Agency Task Force against Covid-19 na paiksiin muli ang quarantine days sa mga indibidwal na kumpleto na ang bakuna at may negatibong RT-PCR test. –Sa panulat ni Airiam Sancho