DWIZ 882

Malapit nang matapos ang Metro Rail Transit Line 7 (MRT-7) na magdurugtong sa North avenue sa Quezon City patungong San Jose del Monte, Bulacan.

Ayon sa Department of Transportation (DOTR), nasa 52% nang tapos ang pagsasagawa sa linya ng MRT-7 na ikokonekta sa MRT-3 at LRT-1.

Layunin ng Pamahalaan na mapalawak ang access at tuloy-tuloy na pagbiyahe ng mga pasahero sa loob lamang ng 35 minuto mula sa dating 2 hanggang 3 oras.

Maglalagay ang DOTR ng 108 rail cars sa MRT-7, na may 36 Train sets.

Sa ngayon, nalalabing pitong buwan na lamang ang hihintayin para matapos ang Mass Transport Project. —sa panulat ni Angelica Doctolero

Aprubado na sa ikatlo at huling pagbasa ng senado ang pagluluwag sa Foreign investors o panukalang magbubukas sa mas maraming dayuhang mamumuhunan sa bansa.

Nakakuha ng botong 19-3-0, ang inaprubahang Senate Bill 2094 sa Hybrid Plenary Session kung saan, layunin nitong amyendahan ang Public Service Act upang paluwagin ang restriksiyon sa mga dayuhan at mabigyan ang mga pilipino ng mas marami at mas maayos na pagpipilian.

Malaking tulong din ito sa pag-angat ng ekonomiya na mapapakinabangan ng susunod na henerasyon sa liberalisasyon ng public services ng bansa.

Laman din ng naturang panukala ang pagpapataw ng parusa sa mga taong lumalabag sa batas sa pamamagitan ng multa na hindi bababa sa current value ng original fine batay sa consumer price index, o pagkakakulong na hindi bababa sa anim na taon hanggang 12 taon.

Una nang sinertipikahang urgent ni Pangulong Duterte ang Sbn 2094, dahil malaki ang maitututlong nito sa pagbangon ng pilipinas mula sa epekto ng Covid-19 pandemic, at pagpapalakas ng foreign capital sa bansa. —sa panulat ni Angelica Doctolero

Halos Apat na raang lugar sa bansa, hindi nakasali sa 2nd Round Vaccination Drive dahil sa Bagyong Odette

Hindi nakasama sa ikalawang bugso ng Bayanihan, Bakunahan ang halos 400 lugar sa bansa bunsod ng pananalasa ng Bagyong Odette sa ilang lugar sa bansa.

Ayon kay Department of Health (DOH) Usec. Myrna Cabotaje, 388 o 2.65% ng kabuuang 1,634 lugar na Venue ng bakunahan ang kasalukuyang apektado ng bagyo kung saan, nasa kabuuang 953, 624 na indibidwal ang nabakunahan nito lamang December 15.

Nangunguna sa mga lugar na nagpaturok na ng bakuna ay ang CALABARZON na may 187,000 doses, sinundan ng Central Luzon na may 168,000 doses at ilocos na may 66,000 doses na naiturok.

Sa ngayon, planong isama ng DOH sa December 20 hanggang 22 ang mga lugar na hindi nakasama sa 2nd Round Vaccination Drive. —sa panulat ni Angelica Doctolero

Magsasanib-pwersa na ang mga tauhan ng Armed Forces Of The Phi­lippines (AFP) Philippine National Police (PNP) at Philippine Coast GuarD (PCG) upang paghandaan ang susunod na eleksiyon.

Kasunod ito ng naganap na National Joint Peace And Security Coordinating Council Meeting sa Camp Crame sa Quezon City na dinaluhan nina AFP Chief Of Staff Lt. Gen. Andres Centino,PNP Director General Dionardo Carlos At PCG Commandant Cg Admiral Leopoldo Laroya.

Nakapaloob sa nasabing pagpupulong ang updating ng kanilang intelligence, operations, civil and community relations, legal at investigation, at ang training and education prog­rams.

Layunin ng mga ahensya ng gobyerno na tiyakin na magiging maayos at mapayapa ang gagawing May 2022 National and Local Elections. —sa panulat ni Angelica Doctolero

Naniniwala si Acting Presidential Spokesman at Cabinet Secretary Karlo Nograles, na makakaahon ang ekonomiya ng bansa sa pagpasok ng taong 2022.

Ayon kay Nograles, maging ang Economic Managers ay naniniwala ding aangat ang ekonomiya sa susunod na taon matapos tumaas ang Growth target sa 5.5% ngayong taon.

Sa ngayon, itinaas ng Asian Development Bank ang kanilang Economic Outlook sa Pilipinas mula 5.1% ngayong 2021 at 6% sa taong 2022. —sa panulat ni Angelica Doctolero

Humina na ang Bagyong Odette kung saan, naitala ang ika-walong pag-landfall nito sa La Libertad, Negros Oriental kaninang alas dose ng madaling araw.

Ang layo ng sentro ng bagyo ay nasa 75 kilometers Southwest ng Iloilo City na may lakas ng hanging aabot sa 155 kilometers per hour at pagbugsong aabot sa 235 kilometers per hour at kumikilos pa kanlurang bahagi sa bilis na 35 kilometers per hour.

Sa ngayon ibinaba na sa Signal no. 3 ang ilang lugar sa Luzon kabilang na dito ang Northern Portion ng Palawan kabilang na ang Cagayancillo at Cuyo Islands.

Apektado din ng Signal no. 3 ang ilang lugar sa Visayas kabilang na ang Guimaras, Southern portion ng Iloilo at Antique, Central at Southern portions ng Negros Occidental at Central portion ng Negros Oriental.

Signal no. 2 naman sa Southern part ng Oriental at Occidental Mindoro, Romblon, Southern portion ng Masbate, Central portion ng Palawan kabilang na ang Kalayaan at Calamian Islands

Sa Visayas, apektado ng Signal no. 2 ang Aklan, Capiz, nalalabing bahagi ng Antique, Iloilo, Negros Oriental, Negros Occidental, Cebu, Siquijor at Western portion ng Bohol.

Signal no. 1 naman sa ilang lugar sa Luzon kabilang na ang Catanduanes, Camarines Norte, Camarines Sur, Albay, Sorsogon, nalalabing bahagi ng Masbate kabilang na ang Ticao at Burias Islands, Marinduque, Southern part ng Quezon Province, nalalabing bahagi ng Occidental Mindoro kabilang na ang Lubang Islands, nalalabing bahagi ng Oriental Mindoro, Palawan, at Batangas.

Apektado din ng Signal no. 1 ang Eastern Samar, Samar, Northern Samar, Biliran, Leyte, Southern Leyte, at nalalabing bahagi pa ng Bohol.

Sa Mindanao, apektado ang Dinagat Islands, Surigao Del Norte, Agusan Del Norte, Misamis Oriental, Camiguin, Lanao Del Norte, Misamis Occidental, Northern portion ng Zamboanga at Northern portion ng Zamboanga Del Sur.