DWIZ 882

Pinalaya na sa senado si Pharmally Pharmaceutical Corporation President Twinkle Dargani.

Ayon kay Senate President Tito Sotto III, inaprubahan nila ang pagpapalaya kay Daragani bilang Humanitarian Consideration sa pag-aalala ng Ina nito sa kanyang Mental Health condition bukod pa sa nagpositibo ito sa COVID 19.

Nagkasundo anya sila ni Blue Ribbon Comittee Chairman Richard Gordon na palayain ang Pharmally Official bagay na sinang-ayunan naman nina Majority Leader Juan Miguel Zubiri at Minority Leader Franklin Drilon.

Bagaman pinalaya upang makapiling ang Inang si Deepa Dargani, nangako ito na laging pahaharapin ang anak kapag kailangan ng Kumite.

Magugunitang nakulong ang nakababatang Dargani sa Senado at kapatid na si Mohit maging si Linconn Ong ng Pharmally matapos i-contempt ng Blue Ribbon Committee dahil sa hindi pagbibigay ng financial documents ng kumpanya.

Nananatiling nakakulong sa Pasay City Jail si Mohit kasama si Ong kaugnay pa rin sa umano’y iregularidad sa pagbili ng pamahalaan ng pandemic supplies sa Pharmally.   —ulat mula kay Cely Ortega Bueno (Patrol 19)

Nag-anunsiyo na ng pagtataas ng presyo ngayong linggo ang ilang kumpanya ng langis sa bansa.

Batay sa abiso, magtaas ang Shell Petroleum at Seaoil Philippines ng P1.75  sa gasolina, P1.10  sa Diesel at P0.90 sa Kerosene.

Hindi epektibo ang taas presyo ng kerosene sa mga lugar na nakasailalim sa state of calamity.

Ang Cleanfuel at Petro Gazz ay magkakaroon din ng dagdag presyo.

Epektibo ang lahat ng ito alas-6 ng umaga bukas maliban sa cleanfuel na bukas pa ng alas-4:01 ng hapon magpapatupad. —sa panulat ni Abigail Malanday

Umakyat na sa 407 ang bilang ng mga nasawi matapos ang pananalasa ng bagyong Odette.

Batay sa huling datos ng National Disaster Risk Reduction and Management Council (NDRRMC) kaninang alas-8 ng umaga, 75 sa mga nasawi ay kumpirmado habang sinusuri ang 332 iba pa.

Mayorya ng mga nasawi ay galing sa region 7 na mayroong 220 at sinundan ng caraga na may 71.

Nananatili naman sa 66 ang mga nawawala dahil sa bagyo at 1,261 ng sugatan.

Sa ngayon, nasa 60,736 pamilya pa rin ang nananatili sa 1,207 evacuation centers na kinabibilangan ng 229,424 indibidwal.

Galing ang mga ito sa rehiyon ng mimaropa, regions 5, 6, 7, 8, 9, 10, 11, 12, CARAGA at Bangsamoro Autonomous Region in Muslim Mindanao (BARMM). —sa panulat ni Abigail Malanday

Mas pinagtutuunan na ng pansin ng gobyerno ang telemedicine at telehealth services.

Sa gitna ito ng pagdami ng bilang ng mga nagpopositibo sa COVID-19 kung saan karamihan ay mayroong mild sysmptoms at naka-isolate sa tahanan.

Ayon kay acting spokesperson at cabinet secretary Karlo Alexei Nograles, mas malaki ang demand sa telemedicine at telehealth dahil pinili ng karamihan sa mga fully vaccinated at tinamaan ng virus na mag-isolate na lamang sa tahanan.

Sa tanong naman kung bakit hindi pa namamahagi ng home care kits ang gobyerno na naglalaman ng gamot at vitamins, sinabi ni Nograles na ito ay para dalhin ang mga infected sa ospital at isolation facilities.

Maliban sa national government, naghahanda na rin ngayon ng gamot ang ilang lokal na pamahalaan para sa kanilang nasasakupan. —sa panulat ni Abigail Malanday

Hinimok ng gobyerno ang Philippine Health Insurance Corporation (PHILHEALTH) na isama ang RT-PCR testing sa kanilang COVID-19 coverage para sa mga indibidwal na naka-home isolate.

Kasunod ito ng tanong kung bakit hindi libreng ini-aalok ang RT-PCR testing sa Pilipinas.

Ayon kay acting spokesperson at cabinet secretary Karlo Alexei Nograles, dapat na itong sakupin ng PHILHEALTH sa pamamagitan ng pagdagdag ng packages na ini-aalok sa publiko.

Kung ang pasyente ay asyptomatic, dapat nang sakupin ng state insurer ang gastos nito sa testing.

Pero kung ang suspected na pasyente ay nakakaranas ng sintomas, kailangan nitong magtungo sa mga laboratoryong accredited ng PHILHEALTH. —sa panulat ni Abigail Malanday