Aabot sa 190 empleyado ng City Hall Sa Bacoor City sa Cavite ang nagpositibo sa covid-19.
Ayon kay Mayor Lani Mercado-Revilla, karamihan sa mga nagpositibo ay nakawork from home habang nasa isolation facilities ang iba pa.
Bagama’t limitado na ang bilang ng mga personnel sa city hall, tiniyak ng alkalde na kaya pa ring punan ang ilang serbisyong alok ng lokal na pamahalaan.
Hanggang nitong lunes, aabot na sa 1,076 ang aktibong kaso sa lungsod kung saan karamihan ay nakakaranas ng mild na sintomas.
Nasa 618,000 doses naman ng bakuna ang naiturok sa Bacoor City at 485,000 populasyon nito ang target bakunahan. —sa panulat ni Abigail Malanday
