Author

DWIZ 882

Pagtaas ng kaso ng covid-19 sa bansa, posibleng makaapekto sa isip ng tao

Inihayag ni Mental Health Advocates Dr. Bernadette Manalo na posibleng makaapekto sa isip ng mga tao ang patuloy na pagtaas ng kaso ng covid-19 sa bansa.

Ayon kay Manalo, dapat na bigyang halaga ang mga indibidwal na nagpopositibo sa nakakahawang sakit kung saan, dapat magkaroon ng support system ng pamilya at mga kaibigan ang mga positibo sa virus lalo na sa mga naoospital at walang kasamang kaanak.

Dagdag pa ni Manalo na mahalaga din na maging maayos ang pahinga ng mga ito dahil mataas ang anxiety at depression na kalaban ng mga kabataan dahilan kaya mabilis bumigay ang kanilang mga katawan.

Sinabi pa ni Manalo na importante rin ang family bonding at mga aktibidad sa loob ng bahay para maging abala at maaliw ang mga kabataan. –Sa panulat ni Angelica Doctolero

January 16, 2022 0 comment

HEADLINES NATIONAL NEWS

Pagsasagawa ng house to house vaccination, hindi sapat ang manpower ayon sa MMDA

written by DWIZ 882

Hindi sapat ang manpower para sa pagsasagawa ng house to house vaccination.

Ito ang sinabi ni Metropolitan Manila Development Authority (MMDA) Chairman Benhur Abalos kaugnay sa bahay-bahay na pagbabakuna sa general population.

Aniya, sang-ayon siya sa naturang hakbang na sinabi ni Cabinet Secretary Karlo Nograles ngunit dahil sa bilis ng hawaan ng COVID-19 bunsod ng Omicron variant, maraming medical health workers, mga tauhan ng Barangay Health Emergency Response Team (BHERT) at mga vaccinators ang tinamaan ng COVID-19.

Samantaala, sinabi ni Abalos na maaaring isagawa ng mga lokal na pamahalaan na may sapat na tauhan ang naturang house to house vaccination upang tumaas ang bilang ng mga bakunado. —sa panulat ni Airiam Sancho

January 16, 2022 0 comment

NATIONAL NEWS

“No vaccination card, no entry” ipatutupad ng Taguig City lgus

written by DWIZ 882

Ipatutupad ng local government unit ng Taguig City ang ““no vaccination card, no entry” sa mga pampublikong pamilihan kasunod ng muling pagsirit ng kaso ng Covid-19 sa bansa.

Sa huling datos ng Department of Health (DOH), pumalo sa mahigit tatlumput siyam na libong indibidwal ang tinamaan ng nakakahawang sakit.

Bukod pa diyan, hindi narin papayagang makasakay sa pampubliko sasakyan ang mga pasaherong hindi pa bakunado at hindi rin papapasukin sa mga establisyimento ang mga unvaccianted individuals.

Layunin ng lokal na pamahalaan na maiwasan ang transmission sa kanilang lungsod.–Sa panulat ni Angelica Doctolero

January 16, 2022 0 comment

RONDA PROBINSYA

23 bahay sa Davao City, naabo sa sunog

written by DWIZ 882

Naabo ang 23 bahay matapos sumiklab ang sunog sa bahagi ng Bolton bridge sa Davao City.

Ayon sa mga tauhan ng Bucana Fire Station, mabilis kumalat ang apoy dahil karamihan sa mga bahay na tinamaan ng sunog ay gawa umano sa light materials.

Isa sa mga tinitignan ng mga otoridad na posibleng sanhi ng sunog ang faulty wiring sa bahay ng isang residente sa barangay 76-A.

Wala namang naitalang nasawi o nasugatan sa naganap na sunog. –Sa panulat ni Angelica Doctolero

January 16, 2022 0 comment

FEATURES HEADLINES

Benepisyong taglay ng kalabasa, ating alamin!

written by DWIZ 882

Ang Kalabasa ay prutas na kabilang sa pamilya ng gourd.

Ito’y kilala dahil sa bunga nito na karaniwang gulay sa bansa kung saan namumulaklak ito ng kulay dilaw at madaling tumubo lalo sa maiinit na lugar.

Ayon sa mga ekperto, mayaman ang kalabasa sa bitamina at mineral tulad ng vitamin a na hindi lamang pampalinaw ng mata kundi kaya rin nitong labanan ang emphysema, isang sakit sa baga na dulot ng matagal na panahon ng paninigarilyo.

Mayroon din itong vitamin c at magnesium na tumutulong upang ma-neutralize ang free radicals sa buong katawan na sanhi ng heart disease at pre-mature aging.

Taglay din ng Kalabasa ang omega-3 fatty acid at carotenoids gaya ng lutein, beta-carotene na lunas sa pagsugpo ng gout at arthritis.

January 16, 2022 0 comment

NATIONAL NEWS

Covid-19 health recovery kits, ipinamahagi sa mga residente ng Mandaluyong City

written by DWIZ 882

Namahagi ang Mandaluyong City LGU ng Covid-19 health recovery kits sa mga residente dahil sa dumaraming kaso ng tinatamaan ng Covid-19.

Ipinamahagi sa iba’t-ibang barangay ang mga recovery kit na malaking bahagi ng pagpapalakas ng programa sa lungsod para labanan ang pandemiya.

Ang naturang recovery kits ay naglalaman ng mga pangunahing gamot laban sa ibat-ibang uri ng sakit kabilang na ang ubo, sipon at trangkaso.

Bukod pa diyan, naglalaman din ito ng vitamin c, mentholated ointment, alcohol, face mask at towel para sa mga nakatatanda at mga bata na itinuturing na malaki ang posibilidad na makaranas ng mga sintomas na kahalintulad sa covid-19.

Layunin ng pamahalaang lokal na makapagbigay ng agarang lunas sa mga nagkakasakit at kahandaan naman ng bawat pamilya sa lungsod. –Sa panulat ni Angelica Doctolero

January 16, 2022 0 comment

NATIONAL NEWS RONDA PROBINSYA

Dating manager ng isang radio station, patay sa pamamaril

written by DWIZ 882

Patay sa pamamaril ang dating manager ng isang radio station matapos pagbabarilin ng dalawang hindi pa nakikilalang mga suspek sa Park Sampaguita sa brgy. New Carmen sa gitna ng pinaiiral na total gun ban ng Commission on Elections (Comelec).

Kinilala ang bikitima na si Jaynard Angeles, 36-anyos na dating manager ng isang radio station at isang political aspirant na kumakandidato sa ilalim ng partido ni presidential aspirant Ferdinand “Bongbong” Marcos Jr. na miyembro ng Partido Federal ng Pilipinas.

Sa inisyal na imbestigasyon, tinambangan si Angeles sa loob ng kanya kotse sa harap ng Falle Auto Repair Shop sa Purok Sampaguita, barangay New Carmen sa nabanggit na lugar.

Ayon sa SOCCSKSARGEN Police Regional Office, kanilang pang inaalam kung ang pagpatay sa biktima ay may kinalaman sa kaniyang pagtakbo o mayroong nakaalitan sa kaniyang katrabaho.

Samantala, tiniyak naman ni Presidential Task Force on Media Security Usec. Joel Egco na kanilang tututukan ang naganap na pagpatay sa isa na namang kasapi ng media. –Sa panulat ni Angelica Doctolero

January 16, 2022 0 comment

NATIONAL NEWS RONDA PROBINSYA

MMDA rescuer sa Bulacan, patay sa pamamaril

written by DWIZ 882

Patay ang isang MMDA rescuer makaraang pagbabarilin ng isang tricycle driver sa barangay San Roque, Angat sa Bulacan.

Base sa imbestigasyon ng mga otoridad, nagkaroon ng mainitang pagtatalo matapos sitahin ng biktima ang suspek na si Marlon Binavice, 42-anyos sa isang parking area sa nabanggit na lugar.

Ayon sa mga pulis, napikon si Binavice kayat umalis ito pero agad ding bumalik dala ang isang baril saka pinagbabaril ang biktima na nagawa pang isugod sa ospital pero idineklarang dead-on-arrival.

Mabilis namang nakatakas ang suspek pero agad din itong nahuli ng mga otoridad matapos makorner sa ikinasang operasyon ng kung saan, narekober sa kanyang pag-iingat ang isang caliber 38 revolver na may limang bala at ang traysikel na ginamit sa pagtakas.

Nahaharap ngayon sa kasong murder at violation of omnibus election code ang suspek. –Sa panulat ni Angelica Doctolero

January 16, 2022 0 comment

HEADLINES NATIONAL NEWS

Pagpapatupad ng curfew hour sa Metro Manila, hindi kailangan ayon sa MMDA

written by DWIZ 882

Inihayag ni Metropolitan Manila Development Authority (MMDA) Chairman Benhur Abalos na hindi na kailangan ang muling pagpapatupad ng curfew hour sa Metro Manila.

Ayon kay Abalos, nakaself-regulate na ang mga residente sa bawat mga lungsod bunsod narin ng patuloy na pagsirit ng kaso ng Covid-19.

Sinabi ni Abalos, hindi na halos lumalabas ang mga indibidwal sa kanilang mga tahanan dahil natututo na ang mga ito sa lahat problemang kinakaharap ngayon ng bansa partikular na ang covid-19 at panibagong variant na omicron.

Dagdag pa ni Abalos, maging ang mga mall, ilang mga establisyimento at malalaking kalsada ay halos wala nang mga tao at mga motorista.

Sa kabila nito, nananatili parin sa 10pm to 4am ang curfew hour sa mga menor de edad sa National Capital Region.

Kahapon, umabot sa mahigit 39,000 ang karagdagang bilang ng kaso ng covid-19 sa bansa kaya kailangan ng dobleng pag-iingat upang maiwasan ang transmission. –Sa panulat ni Angelica Doctolero

January 16, 2022 0 comment

HEADLINES NATIONAL NEWS

Taas-singil sa presyo ng produktong petrolyo, asahan na sa Martes

written by DWIZ 882

Asahan na sa Martes, January 18, 2022 hanggang January 24 ang taas-singil sa presyo ng produktong petrolyo.

Asahang papalo sa halos P1 hanggang mahigit P2 ang dagdag singil sa presyo ng gasolina, diesel at kerosene.

Ayon sa kumpaniyang unioil, maglalaro sa P0.90 centavos hanggang P1 ang dagdag presyo sa kada litro ng gasolina; P1.70 centavos hanggang P1.80 centavos sa diesel; habang P2.10 centavos hanggang P2.20 centavos naman ang singil sa presyo ng kerosene.

Nabatid na patuloy na naghihigpit ang supply kasabay ng pagtaas ng demand ng langis sa kabila ng banta ng Covid-19 at panibagong variant na omicron sa bansa. –Sa panulat ni Angelica Doctolero

January 16, 2022 0 comment

Newer Posts

Older Posts