Angelica Doctolero

Ang paghiga at pagtulog ang isa sa pinakahihintay ng mga tao sa tuwing magtatapos ang bawat araw.

Kung kaya naman, madalas ding reklamo o nakakaapekto sa araw-araw na gawain ang kakulangan sa tulog dahil sa hindi sapat na pahinga ng katawan at isip.

Pero para sa isang babae sa Vietnam, hindi ito problema dahil tatlong dekada na raw siyang hindi natutulog?

Kung paano ito nangyari, alamin natin.

Sa probinsya ng Long An sa Vietnam, isang 49-year-old na mananahi ang tinatawag na ‘the seamstress who never sleeps.’

Ito si Nguyen Ngoc My Kim.

Aniya, sa kanya mismo nanggagaling na ilang dekada na siyang hindi natutulog at hindi raw ito nakakaapekto sa kanyang kalusugan.

Nakasanayan na raw ni My Kim ang magpuyat dahil sa hilig niyang magbasa tuwing gabi at nagtuluy-tuloy ito nang magsimula siyang maging mananahi dahil sa pag-aalala na hindi makumpleto ang kanyang orders.

Noong una raw ay hindi siya nakakaramdam ng antok hanggang sa tuluyan na nga siyang hindi nakatulog matapos itong makasanayan sa loob ng ilang buwan at inabot na nga ng taon.

Ngunit mayroon daw siyang kinaharap na mga problema nang magsimula siyang magtrabaho tuwing gabi katulad ng ilang beses na pagkakamali sa pagtatahi, pagkaramdam ng pagod at pagkahilo, at nakaranas pa ng ilang aksidente sa kalsada.

Samantala, ang ilang dekadang insomnia ni My Kim ay hindi pa raw diagnosed. Sinabi niya na ito raw ay dahil lagi siyang nakikita ng mga tao na nagtatrabaho mula umaga hanggang gabi kung kaya mabilis na kumalat ang rumor at hindi nagtagal ay nakilala siya dahil dito.

Bilang resulta, marami ang bumibisita sa kanyang patahian sa long cang upang alamin kung totoo ba ang sabi-sabi.

Hindi naman ito alintana ng mananahi at welcome ang mga turista dahil lagi naman daw bukas ang kanyang pinto.

Ikaw, kaya mo rin bang makatagal ng tatlong dekada nang hindi natutulog?

Kilala ang mga Pilipino dahil sa hilig at galing sa pagkanta at dala-dala pa nga ito kahit saan magpunta at anuman ang okasyon.

Pero nakasanayan na natin ang mga tipikal na kanta na mayroong lyrics mula sa umpisa hanggang sa matapos ang kanta.

Kaya naman, kakayanin mo bang mag-perform ng kanta na wala o halos wala nang lyrics katulad ng ginawa ng singer na si Jona?

Kung ano ang buong pangyayari, alamin natin.

Sa isang performance sa isang sunday variety show, pinatunayan ni Jona ang bansag sa kanya na ‘Asia’s Fearless Diva’ dahil sa pagbirit na controversial song ng 90s band na Sugar Hiccup.

Naging kontrobersyal ang kantang ‘Five Years’ dahil sa pagiging kakaiba nito. Kung bakit? Ito ay puno lang naman ng melody at halos walang lyrics!

Sa isa namang interview, ibinahagi ng vocalist ng sugar hiccup na si melody del mundo na ang kantang ‘five years’ ay nagsimula sa isang trip lang ng kanilang banda!

Ang melody daw nito ay nanggaling sa kanya habang ang tanging limang salita sa lyrics nito na ‘but he will never be’ ay nagmula sa kanilang bassist.

Umani naman mula sa netizen ng maraming papuri ang online videos ng performance na ito ni jona at mayroon pang nagsabi na nabigyan ng justice ang kanta, lalo pa at iba’t-ibang emosyon ang ibinibigay ng kanta na ito dahil ito ay patungkol sa isang babaeng nawalan na ng pag-asa na siya ay babalikan pa ng kanyang kasintahan.

Pati ang kapwa niya singers na sina Klarisse de Guzman at Morissette Amon ay hindi napigilang ipakita ang pagkamangha dahil sa mapanindig balahibong performance ni Jona.

Ikaw, anong masasabi mo sa mahusay na performance na ito?

Uuwi ka na lang ba at palalagpasin ang mga kaganapan kung biglaang bumuhos ang ulan habang nasa concert?

Ganyan ang nangyari sa isang katatapos lamang na concert sa Ormoc.

Kung ano ang nangyari, alamin natin.

Sa isang video na ngayon ay mayroon nang 8.5M views, makikita ang malakas na pagbuhos ng ulan na bumabagsak sa isang stage kung saan nagpe-perform ang singer na si Juan Karlos.

Pero the show must go on para sa singer! Pati ang mga manonood, tila hindi alintana ang ulan dahil karamihan sa kanila ay hindi na nag-abala pa na magpayong at para bang mas na-enjoy pa ang set ng singer dahil dito.

Maririnig sa video na kinakanta ni Juan Karlos ang hit song na ‘Ere’ na ni-release last year na agad na kinahumalingan ng mga tao dahil isa itong heartbreak song at marami ang nakakarelate.

Sa kasalukuyan, mayroon nang mahigit 3M views ang official music video nito at mahigit 54 views naman sa official live performance.

Ginanap ang performance na ito sa culminating concert noong October 20 na kabilang sa maraming activities ng ika-77 Adlaw sa Ormoc na nagsimula noong September 28 at magtatapos sa November 8.

Ikaw, susulitin mo rin ba ang ganitong pagkakataon, umulan man o bumagyo?

Likas na sa mga Pilipino ang pagiging masiyahin at resilient kahit ano pa man ang pinagdadaanang mga problema.

Kung kaya naman hindi na bago ang makakita ng mga nakakaloko at nakakaaliw na content mula sa ibang tao kahit pa may… bagyo?

Katulad na lang ng ginawa ng isang content creator sa gitna ng baha.

Kung ano ang buong kwento, alamin.

Sa isang tiktok video na in-upload ni Ken Tolentino, kapansin-pansin ang may kalakasang umaagos na tubig baha na mistulang kape dahil sa kulay nito.

Pero hindi iyon ang main star ng video, kundi ang tatlong tao na humahataw sa gitna nito!

Tila hindi alintana ng tatlo ang ga-tuhod na tubig baha dahil todo bigay pa rin ang mga ito sa paggiling! Sa sobrang pagkakasiyahan pa nga ay makikita na na-out of balance ang babae sa dulo ng video.

Habang sa likod naman nila ay makikita ang tila live audience na kasawal na nakaupo na para bang hindi lubog sa baha ang kanilang lugar.

Bumenta naman ito sa mga tao sa comments section at mayroon pang nagsabi ng ‘Baha ka lang, Pinoy kami.’ habang ang iba naman ay nagbigay ng paalala na mag-ingat dahil sa banta ng leptospirosis.

Sa ngayon, mayroon nang 2.6m views ang TikTok video, 290.2k likes, at 2,118 comments.

Ikaw, ano ang masasabi mo sa nakakaaliw na video na ito?

Maniniwala ka ba na maaari kang magkaroon ng tirahan kahit na wala pang P100 ang ilalabas mong pera?

Posible yan sa isang village sa Germany.

Kung bakit ganun kamura ang renta, alamin!

Bukod sa tubig at kuryente, renta ang isa sa pinakamalaking binabayaran ng mga tao kada buwan.

Pero hindi yan problema sa isang village sa Augsburg, Germany dahil halos wala nang binabayaran ang mga tenants na nakatira rito. Sa halagang .88 Euros o 54.85 sa Philippine Peso, secured na ang isang taong renta mo.

Ito ay ang housing project sa Germany na tinatawag na Fuggerei at 500-taon nang nagbibigay pabahay sa mga mahihirap na residente.

Sinimulan ito ng myembro ng isang mayamang pamilya na may copper business na si Jakob Fugger.

Ang Fuggerei ay mayroong 140 apartments at may halos 150 tenants.

Isa sa mga ito ang 29-year-old na si Noel Guobadia na inakalang hindi sila tatanggapin ng kanyang pamilya sa Fuggerei noon dahil sila ay migrants.

Habang ang 73-year-old cash register naman ng Fuggerei na si Ilona Barber na nangongolekta ng fee mula sa mga turista na bumibisita sa rito ay nakatira rin sa nasabing village kasama ang kanyang mga alagang hayop.

Gayunpaman, hindi raw basta-basta na nakakakuha ng apartment dito at mayroong guidelines na sinusunod sa loob ng 500-taon.

Isa sa requirements ay dapat katoliko ang aplikante at kinakailangang magdasal ng tatlong beses sa isang araw. Ang rason nito ay ang paniniwala ni Jakob na agad siyang mapupunta sa langit dahil maraming tao ang nagdadasal para sa kanya.

Kaugnay nito, sinisiguro naman ng isa sa kanilang social workers na si Doris sa Parish office kung ang mga aplikante ay Katoliko.

Bukod diyan, inaasahan din na tumulong sila sa paghahardin at pagtatrabaho bilang night guard, at pagsapit naman ng alas diyes ng gabi ay isinasarado na ang kanilang gate kung kaya naman kinakailangang magbayad sa night guard ng .50 Euros o 31 Pesos ang sinumang lalagpas sa curfew.

Nasa pangangalaga pa rin ng mga Fugger ang Fuggerei at nagkaroon na rin ng mas madaming apartments at mayroon na ring museum at gift shop.

Mga kagamitan sa bahay at ang mga alagang hayop ang unang nililikas ng mga tao tuwing may malakas na bagyo bukod sa kanilang mga sarili.

Pero hindi ganoon ang naging sitwasyon para sa isang aso sa Florida, USA.

Kamakailan ay tumama ang bagyong Milton sa Florida, usa na umabot ng Category 5 sa loob ng mahigit 48 hours at nagdulot dito ng malaking pinsala katulad ng pagkawala ng kuryente sa milyong kabahayan.

Isa sa mga biktima nito ay ang isang aso.

Sa video ng isang highway patrol officer, makikita ang isang aso na nag-iisa at nakalubog na ang mga binti sa baha.

Hindi naman magawang makaalis ng aso dahil nakatali pala ito sa bakod.

Mahahalata rin na hindi ito mapakali dahil pagalaw-galaw ito sa kanyang pwesto.

Maririnig din sa video na tinahulan ng aso ang officer na inaalo pa siya habang papalapit sa kanya.

Labinlimang minuto ang dumaan bago nila ito nasagip at isinakay sa kanilang patrol car.

Nasa pangangalaga naman na ng mga otoridad ang iniwang aso.

Ikaw, ano ang masasabi mo sa nakapanlulumong sitwasyon ng aso?

Kung titingnan ay nakabibilib na malaman na ang isang bata ay natutong magmaneho sa murang edad.

Pero hahanga ka pa ba kung makasalubong mo ang isang bata sa Minnesota, USA na nagpapaharurot ng isang kotse sa isang in-appropriate na lugar?

Ano ang buong kwento, alamin.

Sa isang playground sa Minnesota, USA kung saan maraming bata ang naglalaro, makikita sa isang footage ang isang sasakyan na mabilis ang takbo at paikot-ikot sa loob nito.

Napag-alaman na sampung taong gulang na bata pala ang driver nito!

Ang problema, bukod sa wala pa ito sa tamang edad para makakuha ng lisensya, napag-alaman na nakaw ang nasabing sasakyan.

Agad namang inaresto ang bata at kinasuhan ng reckless driving at receiving stolen property.

Bukod pa riyan, napag-alaman din na inireklamo na rin ito noon nang pagnanakaw ng sasakyan.

Kaugnay nito, mabuti naman at walang nasaktan sa insidente.

Ikaw, anong masasabi mo sa pambihirang pangyayari na ito?

Tila nauwi sa isang masalimuot na pangyayari ang isa sanang masayang birthday celebration ng isang pamilya sa isang beach sa Liloan, Cebu.

Isang araw habang nasa beach ang isang pamilya para sa isang selebrasyon, ginulantang sila ng isang hindi pangkaraniwang bagay na natagpuan ng isa nilang kasama sa ilalim ng dagat.

Kung ano ang nangyari, alamin.

Sa isang video, makikita ang isang lalaki na may binibigyan ng cpr sa isang maliit na upuan. Ang sinusubukan niyang i-revive?  Isang sanggol!

Sa video ay malalaman na ang nasabing sanggol ay natagpuan ng kaibigan nila na nasa loob ng isang bag sa ilalim ng dagat.

Sa isang panayam, ibinahagi ni Fernan Rey Brazil kung paano nila natagpuan ang sanggol. Aniya, sumisid daw sa dagat ang kanyang kaibigan at doon nakita ang pulang bag.

Noong una ay inakala raw ng kanyang kaibigan na laman-loob ng baboy ang laman ng bag, ngunit nang dukutin nito ang loob ng bag ay may nakapa raw ito na…………….buhok?

Nang tuluyang makita ang nasa loob ng bag ay dito na tumambad sa kanila ang isang……….. Sanggol!

Ayon kay Fernan, ang sanggol ay nakabalot pa ng plastik sa loob ng pulang bag, walang damit, at hindi pa napuputulan ng umbilical cord o pusod.

Hinala ni Fernan, ito ay bagong silang dahil duguan pa at base na rin sa amoy nito.

Bilang isang ama, sinubukan pang i-revive ni Fernan ang sanggol ngunit wala ring nangyari, dahil ayon sa mga dumating na pulis, may posibilidad na patay na ito bago pa itinapon sa dagat.

Iniimbestigahan na rin ng mga pulis ang kaso at nagbigay din ng paalala sa mga magulang na maging responsable at sinabing ang sinumang magtapon ng sanggol na 3 days old pababa ay mapapatawan ng kasong infanticide.

Samantala, ang mga otoridad na rin ang naglibing sa nasabing sanggol.

Ikaw, ano ang masasabi mo sa mapait na sinapit ng inosenteng sanggol na ito?

Binawian ng buhay ang isang nurse sa mga kamay ng isang pasyente sa loob mismo ng ospital na kanyang pinagtatrabahuhan.

Ang buong kwento, alamin.

Sa imbestigasyon ng pulisya, lumalabas na hindi nagustuhan ng pasyente na lalabas na sana ng ospital ang naging trato sa kaniya ng nurse.

At habang inaasikaso ang pag-discharge ng pasyente, nakakita pa raw ito ng gunting na siyang ginamit panaksak sa nasabing nurse.

Isa namang trabahante sa ospital ang tutulong sana ngunit nagtamo rin ng sugat ng pati ito ay saksakin ng pasyente.

Hawak na ng mga pulis ang suspek at tumanggi ito na magbigay ng panayam.

Nagbigay naman ng pahayag ang ospital upang makiramay sa mga naiwan ng biktima. Siniguro rin nila na prayoridad nila ang kanilang mga pasyente at empleyado sa CDG Bohol Doctors Hospital.

Ikaw, ano ang masasabi mo sa biglaang pangyayaring ito?