Nanindigan si Senador Robin Padilla sa kanyang pakikipagkaibigan kay Pastor Apollo Quiboloy sa kabila ng mga batikos mula sa ilang personalidad, kabilang ang mga mamamahayag.
Ayon sa senador, hindi niya tatalikuran si Quiboloy dahil hindi umano ito naaayon sa kaniyang paniniwala bilang isang Muslim. Sinabi rin niyang handa siyang akuin ang lahat ng batikos kaysa iwan ang kaniyang kaibigan para sa anumang pampulitikang pakinabang.
Dagdag pa niya, mahal na mahal umano ni Quiboloy ang mga Muslim at katutubo, at higit sa lahat, kasama nila ni dating Pangulong Rodrigo Roa Duterte si Quiboloy noong panahong lumalaban sila sa mga terorista.
