Angelica Doctolero

Content creator na nagbihis at ala-superhero sa kalsada, sumobra nga ba sa mga ginawang pakulo?

Kung ano ang ginawa nila, alamin.

Sa content ng vlogger na si Boy Banat, makikita ang dalawang lalaki na nakasuot ng costume ni San Goku at Spiderman habang pakalat-kalat sa kalsada.

At para kumpleto ang kanilang get up, mayroon pa itong dalang espada bilang props at kung anu-anong pakulo ang ginawa katulad ng panghahabol at kuwariang panghaharang ng mga sasakyan na dumaraan.

Nakipaglaban pa ito kunwari sa isang lalaking nakasuot ng maskara ni Batman pati na rin sa isang motorsitang nakabihis Pikachu.

Hindi lang iyan, inedit pa nila ang video at nilagyan ng effects na tila ba mayroon silang super powers.

Bagama’t nakakaaliw tingnan ang kanilang mga bihis at mga effects na inilagay dito, hindi ito ikanatuwa ng PNP Highway Patrol Group sa Cebu, lalo na ang isang delikadong stunt na ginawa nila.

Ang pagda-drive raw ni ‘Superman,’ ang pagsakay ni ‘San Goku’ sa itaas ng tricycle, at ang pagpwesto ni ‘Batman’ sa harapan ng tricycle ang delikadong stunt na ginawa ng mga ito na tumawag sa kanilang pansin.

Ipinatawag ang tatlo sa para pagsabihan na huwag nang ulitin ang ganoong gawain ngunit hindi sumipot ang lalaking naka masakara ni Batman.

Humingi naman ng tawad ang dalawang lalaki sa mga fans at sa pang-aabala sa mga tao at nangakong hindi na uulitin, at pagkatapos nito ay pinauwi na rin ang dalawa.

Ikaw, ano ang masasabi mo sa kakaibang trip ng content creator na ito?

Madalas na naglalaan ng ilang buwan o taon ang ibang tao para makaipon at makabili ng mga bagay na kanilang gusto. Pero ang isang indian teenager, nagkaroon ng bagong iPhone matapos mag-hunger strike sa loob ng tatlong araw!

Kung ano ang kwento sa likod nito, alamin.

Sa isang video na in-upload ng Indian journalist na si Abhishek sa application na X na mayroon nang 3.2M views, makikita ang isang binata na mayroong hawak na makapal na pera sa kanyang kamay habang iniinterview ng isang lalaki.

Sa interview, tinanong ang binata kung para saan ang hawak nitong pera at sinabing ito ay pambili ng iPhone. Pati ang babaeng nasa likuran nito na kanya palang nanay ay ininterview din at doon nalaman na ang pangkabuhayan pala nito ay pagbebenta ng bulaklak sa labas ng isang temple.

Sinabi naman ng nanay na binigyan niya ng pera ang kanyang anak na pambili ng bagong cellphone dahil tatlong araw itong hindi kumain. Aniya pa, masaya siya ngunit gusto niyang paghirapan ng anak ang perang ginastos para rito at ibalik sa kanya.

Umani ng mahigit dalawang libong replies ang video sa X na kung saan karamihan ay kinaawaan ang sitwasyon ng nanay dahil napansin ng ilan ang ‘heartbreaking’ na facial expression nito.

Ang iba naman ay pinuna ang ginawa ng binata na pagpupumilit na bilhan siya ng bagong cellphone at sinabi pa ng iba na kung gusto niya talaga ng bagong gadget ay dapat daw pinagtrabahuhan at pinag-ipunan niya ito.

Sa dulo ng video ay makikitang inunbox ng binata ang kanyang brand new cellphone at nakatanggap pa ng regalo mula sa shop owner.

Ikaw, hanggang saan ang kaya mong gawin para sa pinapangarap na gadget?

Samut-sari ang naging komento sa isang wedding video sa Facebook dahil tila ibang pangalan ang narinig ng mga tao na binanggit ng groom habang sinasabi ang kaniyang wedding vow.

Totoo nga ba ito? Alamin.

Sa isang maikling video sa Facebook, makikita ang bride at groom na magkaharap at nagtatawanan. Ipinakita rin ang ilan sa mga bisita na naluluha pa.

Dahil sa parte na iyon ng video ay nagpapalitan na ng vows ang ikinakasal, kung kaya naman hindi naiwasan ng mga bisita na maging emosyonal.

Tanging ang lalaki lang ang maririnig na nagsasalita sa video at nanunumpa sa kaniyang bride na mananatili siyang in love rito at magiging matalik nitong kaibigan habambuhay.

Ngunit, doon na pumasok ang pagkalito sa mga nakapanood ng video at sinabing nagbanggit ng pangalan ng ibang babae ang groom.

Ang pangalan naman na narinig ng mga netizen online ay ‘Pau’ na ex-girlfriend pala ng lalaki.

Kung paanong nalaman ito ng mga tao? Ito ay dahil ang groom sa video ay ang Filipino basketball player na naglalaro para sa Barangay San Miguel Ginebra na si Scottie Thompson.

Si Thompson at Pauline o Pau Fajardo ay nagkaroon ng 8-year relationship bago na-engage sa isa’t-isa noong new year’s eve 2021, ngunit naghiwalay noong april sa kaparehong taon.

Makalipas lang ang ilang buwan ay ginulat ng basketball player ang fans nang pakasalan niya ang babae sa video na si Jinky Serrano pagdating ng June 2021.

Ngunit totoo nga ba na ibang pangalan ang sinabi ng groom habang nanunumpa sa kanyang bride?

Sa isang video na uploaded sa Official YouTube channel ni Thompson na may title na ‘Scottie and Jinky Full Wedding Vows,’ maririnig na malinaw na

sinabi nito sa kanilang sumpaan na ‘I vow na to stay in love with you forever’ at hindi ang pangalan ng kanyang ex-fiancee na si Pau.

Maaaring nagkamali ng rinig ang karamihan dahil magkatunog ang vow at Pau, kung saan putol din ang video na kumalat kung kaya’t nagkaroon ng kalituhan sa mga nakapanood.

Sa kasalukuyan, tatlong taon nang kasal sina Scottie at Jinky at may dalawa nang anak. Habang si Pauline naman ay happily in a relationship na rin.

Ikaw, isa ka rin ba sa mga naniwala sa kumalat na video?

Kalusugan ang isa sa pinaka-iniingatan at inaalala ng bawat magulang sa kanilang mga anak. Pero, ano ang gagawin mo kung ang doktor na mag-oopera sa anak mo ay nanonood lamang ng YouTube tutorials habang nag-oopera?

Katulad na lang ng nangyari sa isang pamilya sa India.

Kung ano ang buong kwento, alamin.

Dinala ang isang 15-year old na lalaki sa isang ospital sa Saran District, Bihar dahil sa nararamdamang sakit ng tiyan at pagsusuka.

Nakatulong naman sa lagay ng bata ang pag-admit sa kanya sa ospital dahil tumigil din ito sa pagsusuka.

Ngunit, sinabi raw ng doktor na si Ajit Kumar Puri na kinakailangang operahan ang bata.

At kahit walang consent ng pamilya ng pasyente, itinuloy pa rin ng doktor ang operasyon.

Ang resulta nito, imbis na makabuti ay lumala pa ang lagay ng bata!

At nang tanungin naman ng pamilya ang doktor kung bakit ganoon ang nangyari matapos ang operasyon ay sinagot sila nito ng, “Kayo ba ang doktor o ako?”

Sinubukang iligtas ang bata sa pamamagitan ng CPR ngunit matapos nito ay napagdesisyunan ng doktor na ilipat ang bata sa isang ospital sa Patna ngunit binawian din ito ng buhay habang nasa byahe.

Ang masaklap pa rito ay iniwan na lang daw ang katawan ng bata sa hagdan ng ospital bago tumakas ang doktor.

Inakusahan naman ng pamilya na ang doktor ay nanonood ng youtube tutorials kung paano magtanggal ng gallbladder stones habang isinasagawa ang operasyon.

Sinampahan na ng reklamo at tinutugis ang doktor at ang kanyang staff habang ang ibang pasyente sa nursing home ay naiwang abandunado matapos umalis ng mga staff.

Ikaw, ano ang masasabi mo sa kalunus-lunos na kwentong ito?

Tila kinokontrol ng kakaibang elemento ang katawan ng lalaking sakay ng pinahintong sasakyan sa Florida, USA para magsagawa ng routine traffic stop.

Kung ano ito, alamin.

Sa isang video na nagmula sa Volusia’s County Sheriff’s Office, makikita ang isang lalaking nakaupo sa passenger seat ng sasakyang pinahinto sa gilid ng kalsada.

Kapansin-pansin ang kakaibang kilos ng lalaki dahil hindi ito mapakali at lumiyad pa sa bintana ng sasakyan!

Agad siyang inalalayan ng mga awtoridad para muling ipasok ang kanyang katawan sa sasakyan.

Sumunod nito ay tinitigan niya lang ang mga opisyal at biglaang umamba ng takas nang buksan ang pinto. Pero hindi pa man nakakalayo ay agad siyang nahuli ng mga ito at pinadapa sa damuhan.

Pagkatapos noon ay ininspeksyon ng mga awtoridad ang sasakyan nito at doon na bumulaga sa kanila ang tunay na rason kung bakit tila balisa at hindi makausap nang maayos ang lalaki.

Kung ano ang mga ito?

Apat na kilo lang naman ng iba’t ibang klase ng droga! Kabilang sa mga ito ang ecstasy, aphetamine, ketamine, at cannabis.

Hindi na rin pinalampas ng mga otoridad ang bahay ng suspek kung saan nakatira ito kasama ang kanyang ama. Nang halughugin ito ay tumambad sa kanila ang mas marami pang uri ng droga katulad ng cocain at magic mushroom na siyang kinukunsidera na pinakamaraming bilang ng droga na nakumpiska sa Volusia County

Bukod pa sa mga iligal na droga ay mayroon ding nadiskubreng baril sa bahay nito at ang isa ay nakaw pa!

Hinuli ang supek na si Carey Thomas Crownover na pinatawan ng patong-patong na kaso kasama ang kanyang ama at ang kasama nitong driver sa sasakyan.

Ikaw, anong masasabi mo sa biglaang nadiskubreng krimen na ito?

Ano ang gagawin mo kung bigla na lang mamatay ang laptop mo sa kalagitnaan ng online exam?

Ganyan ang nangyari sa isang estudyante sa University of Georgia.

Kung ano ang buong kwento, alamin.

Sa isang post sa application na X, ibinahagi ng 20-year-old Economics student na si Sam Lee ang kakaibang experience niya habang nagsasagot ng exam.

Aniya, kumakain daw siya ng tinapay na may palamang meatballs habang nakaharap sa kanyang laptop nang biglang may mahulog na meatball sa keyboard nito at awtomatikong naisubmit ang kanyang exam kahit na hindi pa siya tapos magsagot.

Mas inalala pa raw niya na baka masira ang kanyang laptop ngunit nagsimula ring kabahan dahil hindi na niya makita ang exam sa screen at sinubukan pang i-reterieve ito ngunit wala na siyang nagawa.

Nagdesisyon si sam na gumawa ng email para sa kanyang professor pagkalipas ng anim na oras na pag-iisip ng paraan at ipinadala iyon kinagabihan.

Ipinaliwanag niya sa email ang nangyari at nag-attach din ng pictures bilang proweba.

Lumabas din na 39% lang ang nakuha niya sa exam at kung kaya naman humingi siya ng tyansa na mag-retake nito at sinabing nag-aaral siya nang mabuti para sa subject.

Kinabukasan ay nakatanggap si sam ng reply mula sa professor at binigyan ng extension hanggang madaling araw para tapusin ang nasabing exam.

Pabiro pang rekomendasyon ng professor na sagutan niya ang test bago o pagkatapos niyang maghapunan.

Sa kaparehong araw na iyon ay muli siyang nag-take ng exam at nakakuha na ng mataas na grado.

Umani naman ng iba’t ibang reaksyon ang post ni sam na hindi niya inaasahang mag-va-viral. Ang iba ay humanga sa kabaitan ng propesor habang may pumuna rin sa pagkain niya habang nag-eexam.

Ikaw, anong masasabi mo sa kakaibang rason na ito kung bakit bumagsak ang estudyante sa exam?

Ang isa sanang masayang bakasyon ng magkakaibigan, nauwi sa hindi inaasahang trahedya sa dagat.

Kung ano ang nangyari, alamin.

September 26 nang magpunta ang 68-year-old na U.S. citizen na si Colleen Monfore kasama ang kanyang mga kaibigan at pinasyalan ang dagat sa palibot ng Palau Reong Island.

Habang nasa tubig ay tinangay daw ng malakas na alon si Monfore at hindi na siya nasagip ng kanilang guide pabalik sa bangka na nagresulta sa walong araw na search operation.

Ngunit isang mangingisda sa Timor-Leste ang nakahuli at nakapatay sa isang pating, 120 km ang layo mula sa kung saan huling nakita si Monfore.

Sinabi ng mangingisda na inakala niyang nakalunok ng plastic o fishing net ang nahuling pating dahil hindi maganda ang kondisyon nito kung kaya naman biniyak ang tiyan nito para alamin ang problema.

At doon na natagpuan ang bangkay ng isang babae.

Bukod sa isang katawan, mayroon ding wetsuit at bathing suit na nakita sa katawan ng pating na nakumpirmang pag-aari ni Monfore, ngunit inaalam pa rin daw ng awtoridad kung mayroon pang ibang nawawalang mga tao.

Sinabi naman ng head of the Regional Technical Implementation Unit for the Management of the Alor Islands na si Muhammed Saleh Goro, ang bangkay daw na natagpuan sa loob ng katawan ng patay na pating ay natagpuan sa Timor-Leste at hindi sa teritoryo ng Indonesia.

Sa isang pahayag naman ay sinabi ng spokesperson ng United States na aware sila sa pagkamatay ng U.S. citizen at nagpahatid ng pakikiramay at nagbigay ng consular assistance.

Samantala, pinaniniwalaan naman ng asawa at mga kaibigan ni Monfore na medical issue ang naging sanhi ng pagkamatay nito at sinabi pa na ito raw ay isang excellent diver.

Ang mga opisyal naman ng coast guard ay nakipag ugnayan sa Indonesian coast guard at humingi sa mga taong nawawalan ng mga kaibigan o pamilya ng mga impormasyon.

Ikaw, anong masasabi mo sa biglaang pangyayari na ito?

Ano ang gagawin mo kung ang mga alagang hayop na pinakaiingatan mo ay matagpuan mo na lang na walang buhay?

Ganyan ang nangyari sa isang farm sa Parecis sa Rondonia, Brazil.

Kung ano ang kwento, alamin.

Sa isang video, makikita ang napakaraming baka na tabi-tabing nakabulagta sa damuhan.

Kung titignan ay akalain na natutulog lamang ang mga ito ngunit ang totoo, patay na pala ang mga ito at naninigas na ang mga katawan!

Sa ganyang kondisyon inabutan ng caretaker ng Vila Basco ang 98 sa mga alaga nilang baka sa farm.

Ayon sa caretaker, bumuhos daw ang malakas na ulan na may kasamang kidlat isang araw bago ang pangyayari.

Hanggang sa nakita na lang daw nito na patay na ang mga baka matapos magsagawa ng routine inspection.

Ang parecis pala ay isang mataas at mabundok na lugar kung kaya may posibilidad na tumama sa lupa ang kidlat na maaaring naging sanhi para makuryente nang sabay-sabay ang mga baka.

Gayunpaman, malaking problema pa rin sa farm ang pagkamatay ng mga baka kahit may iilan na lang ang nakaligtas.

Ikaw, ano ang gagawin mo kung ikaw ang makaranas nito?

Ano ang mararamdaman mo kung pagpunta mo sa isang lugar ay sasalubungin ka ng mga mannequin na namumuhay na para bang mga tao?

Katulad na lang sa isang village sa Japan kung saan nagkalat ang mga ito. Kung ano ang buong kwento, alamin.

Sa isang maliit na village ng Ichinono sa Japan, naninirahan ang hindi hihigit sa 60 residente at isang bata.

Ngunit kung para sa karamihan ay ideal ang magkaroon ng kakaunting kapitbahay at tahimik na environment, para sa mga residente sa nasabing village ay mas maganda ang maraming tao.

Kung kaya naman, gumawa sila ng mga manika na kasing laki ng mga tao upang makita at maramdaman ang pagkakaroon ng busy at mataong lugar.

Hindi lang iyan, binihisan pa nila ang mga ito at nakaporma na para bang ginagawa rin ang pang araw-araw na gawain ng mga tao katulad ng pagba-bike, paglalaro sa swing, at paglilinis.

Ayon sa isang 88-year-old resident na si Hisayo Yamazaki, malamang daw ay mas marami na ang mga mannequin kaysa sa kanilang mga tao na nakatira sa village.

Aniya pa, ang mga anak ng mga matatandang residente ay nag-aaral sa mga kolehiyo na isang oras ang layo dahil sa takot na baka hindi na maikasal ang mga ito kung mananatili sa maliit na village.

Ngayon, ang mga anak daw nila ay hindi na muling bumalik pa at nakakuha na ng trabaho sa ibang lugar.

Sinabi naman ng 74-year-old na si Ichiro Sawayama na Head ng Governing Body ng Ichinono, mauuwi na lang daw sila sa extinction kung ang village ay mananatili sa ganoong sitwasyon.

Samantala, nangako naman ang bagong elected na Prime Minister na si Shigeru Ishiba na tutulungan niyang i-expand ang mga rural areas sa Japan kung saan kabilang ang Ichinono sa mga komunidad na may mga residente na 65 pataas.

Ikaw, ano ang masasabi mo sa kakaibang kwento na ito?

Ang mga painting, sculptures, at digital art ang ilan sa mga tipikal na art forms na nakikita natin na naka-display sa museums. Pero ang isang direktor, may kakaibang paraan ng paggawa ng portraits.

Kung ano ito, alamin.

Aakalain mo ba na ang isa nang writer at film director gaya ni Niall Shukla ay kahanay na rin ang mga kilalang World’s Best Cracked Glass Artist ngayon?

Nagsimula ang paggawa ni niall ng physical art nang maghanap siya ng paraan upang i-detach ang kanyang sarili sa kaniyang pagiging direktor.

Ang glass art na ginagawa niya ay metikuloso raw ang proseso at kinakailangan ng sobrang pag-iingat dahil isang maling pagtama lang daw ng hammer at chisel na ginagamit para gawin ito ay agad na masisira ang imahe at mauuwi sa pagkaulit.

Aniya, ilang piraso ng salamin ang nagagamit bago ma-achieve ang portrait.

Agad namang nakakuha ng 4 million views si Niall nang ipost niya sa social media ang isa niyang likha makalipas lang ang apat na araw.

At nang sumunod na taon ay nakakuha siya ng 100,000 subscribers sa kanyang social media accounts at doon na siya nakilala bilang isang artist.

Si Niall ay isang self-taught artist at hindi inaasahan na magkakaroon ng successful na career sa paggawa ng glass art.

Ikaw, ano ang masasabi mo sa talentong ito ni Niall?