Nanawagan si economist Prof. Astro del Castillo na mas bigyang-pansin ni Pangulong Ferdinand “Bongbong” Marcos Jr. ang kalagayan ng ekonomiya kaysa sa pulitika sa kaniyang nalalapit na State of the Nation Address (SONA).
Ayon kay Del Castillo, marami pa ring mahahalagang panukalang batas ang nananatiling nakabinbin, kabilang ang Land Use Act, na aniya’y makatutulong sa mas maayos na pamamahala ng mga lupain, kagubatan, at yamang-tubig, gayundin sa pagpapalakas ng agrikultura at pagpababa ng presyo ng pagkain.
Bagama’t kinilala niyang may ilang pag-unlad sa ekonomiya, sinabi niyang hindi pa ito sapat dahil nananatiling mataas ang presyo ng mga pangunahing bilihin at patuloy ang mga hamon sa suplay ng pagkain, kuryente, at enerhiya.
