Angelica Doctolero

Ika nga ng mga nagpapakasal, ‘for better or for worse, til death do us part.’

Pinangatawanan yan ng isang babae sa malaysia ngunit biglang nagkaroon ng kakaibang takbo ang kanyang buhay may-asawa nang biglang magpakasal sa iba ang lalaki nang maka-recover na ito o noong gumaling ito.

Ang buong kwento, alamin.

Ibinahagi ni Nurul Syazwani sa social media ang naging buhay nila ng asawa nang maparalisa ito sa loob ng anim na taon dahil sa isang car accident. Ipinakita niya kung paano inalagaan ang asawa katulad ng pagpapakain dito gamit ang nasogastric tube, pagpapalit ng diaper, at pagpapaligo rito.

Dahil sa kanyang dedikasyon, hinangaan siya ng mga tao at nagkaroon ng 32,000 followers sa kanyang Facebook account.

Pero ganoon na lang ang gulat ng mga ito nang mag-post si Nurul kung saan cinongratulate niya ang dating asawa at ang babaeng pinakasalan nito.

Iyon pala ay dinovorce siya ng kanyang ex-husband matapos maka-recover at nagpakasal sa ibang babae.

Sa isa na ngayong deleted post, hiniling ni Nurul na sana ay maging masaya ang dating asawa at sana ay alagaan ito ng bagong misis katulad ng pag-aalaga na ibinigay niya rito.

Hindi naman naiwasan ng mga viewers na ipakita ang kanilang disappointment nang ma-finalize ang divorce ng dalawa noong October 4.

Sinabi naman ni Nurul na ginawa naman ng kanyang ex-husband ang mga responsibilidad nito at napagkasunduan nila na pagtulungan ang pagpapalaki sa kanilang anak. Hiniling din ni nurul na sana ay tigilan na ang pangha-harrass sa ex-husband at sa bagong asawa nito.

Hindi naman ito nagustuhan ng mga netizens at nagbigay ng samu’t-saring komento. Kung kaya naman binura ni Nurul ang post at humingi ng tawad sa bagong kasal dahil sa mga naging komentaryo

Ikaw, ano ang opinyon mo sa nakalulungkot na kwentong ito?

Ang obra ng French artist na si Alexandre Lavet na ‘All The Good Times We Spent Together’ ay aksidenteng naitapon ng isang worker sa LAM Museum kung saan ito naka-display.

Kung paano ito nangyari, alamin.

Ang artwork ni Lavet na tila dalawang basyo ng canned beers ay nilikha noong 1988 at pinintahan gamit ang acrylics. Para kay Lavet, ito raw ay simbolo ng mga magagandang alala na ginawa kasama ang mga kaibigan.

Ayon sa spokesperson ng museum, naka-display ang beer cans sa loob ng glass elevator at tila naiwan lang ng mga construction workers. Kung bakit? Iyon ay dahil idinidisplay ng lam meuseum ang kanilang artworks sa kakaibang paraan at sa mga unusual spots.

Ngunit isang araw, napagkamalan ng isang elevator technician na basura ang 36-year-old artwork kung kaya’t itinapon niya ito.

Sinabi naman ng art director ng nasabing museum na ginawa lang ng technician ang kanyang trabaho, kung saan dito rin nalaman na epektibo ang tema ng obra ni Lavet.

Agad namang ipinahanap ang beer cans nang mapagtantong nawawala ito, kung saan nakita ito ng museum curator na si Elisah Van den Bergh sa basurahan na handa nang itapon.

Sinabi naman ng spokesperson ng lam museum na wala silang galit sa nagkamaling technician.

Ang beer cans ay naka-display sa entrance ng museum upang bigyan ng spotlight.

Ikaw, anong masasabi mo sa pambihirang pangyayaring ito?

Ang 36-year-old Polish man na si Damian Wojnilowicz mula Newport, Wales ay ni-report sa panghihimasok sa bahay ng ibang tao. Pero kumpara sa ibang nanloloob ng bahay, kakaiba ang pakay niya.

July 16 nang pasukin ni Damian ang bahay ng isang babae sa Monmouthshire, Wales. Napansin daw ng babae na wala ng laman ang basurahan, refilled na ang bird feeders, at ang ilan sa mga paso ng halaman sa kanyang garden ay nausog.

Dahil sa takot ay naki-tira muna ang babae sa kanyang kaibigan. Aniya, napaisip pa siya kung alam ba ng nanloob na mag-isa lang siyang naninirahan sa kanyang bahay, kung kilala ba siya nito, o kung ito ba ay mauuwi sa isang stalking incident.

Sunod namang pinasok ni Damian ang isa pang bahay sa Newport noong July 29. Pero sa pagkakataon na ito, agad na nalaman ng may-ari ng bahay na mayroon silang unwanted visitor.

Dahil sa CCTV, nakita niya kung paanong uminom ng wine ang intruder, naglaba ng sariling damit, at naki-ligo pa!

Dumating naman ang son-in-law ng may-ari ng bahay upang paalisin si Damian. At pagkatapos noon ay na-aresto na siya.

Humingi ng tawad si Damian at sinabi naman ng kanyang lawyer na ‘homeless’ ito nang gawin ang panghihimasok. Humingi rin sila ng konsiderasyon bilang hindi naman daw nanakit si Damian ngunit sinetensyahan na ito ng 22 months na pagkakakulong dahil sa kasong burglary.

Ikaw, ano ang gagawin mo kapag ikaw ang nakaranas nito?

Ang isa sanang normal na araw para sa isang mag-ina sa Bucharest, Romania, biglang nauwi sa ‘di inaasahang pangyayari sa kalsada matapos lamunin ng sinkhole ang isang bata.

Kung ano ang buong kwento, alamin natin.

Sa isang CCTV footage na nakuhanan sa isang kalsada, makikita ang isang itim na sasakyan na nakaparada sa gilid ng daan.

Bumaba mula sa driver’s seat ang isang ginang at sunod namang bumaba ang kanayang anak mula sa backseat para ihatid sa kindergarten.

Kung titignan, isa lamang itong tipikal na tagpo sa pang araw-araw na buhay ng mga magulang at ng kanilang mga anak. Pero nangyari ang hindi inaasahan nang bigla na lamang gumuho ang kalsada at nahulog ang sasakyan kasama ang bata.

Marami ang lumapit ngunit ang ginang ang matapang at walang pag-aalinalangan na bumaba sa butas upang sagipin ang anak. Isang lalaki ang inalok ang kanyang vest upang gamitin itong kapitan sa pag-akyat ng mag-ina.

Tuluyang nasagip ang bata nang isang lalaki ang bumaba at tinulungan ang ginang na ilabas ang kanyang anak mula sa sinkhole. Bahagya namang nahirapan ang ina sa pag-akyat at tila naging emosyonal nang makitang ligtas ang bata.

Ayon sa mga awtoridad, gumuho ang kalsada sanhi ng erosion sa ilalim nito nang dahil sa isang lumang utility pipe at pati na rin ang bigat ng katabing garbage truck ay nakadagdag dito.

Naniguro naman ang mga awtoridad na iinspeksyunin ang mga kalsada upang hindi na mabahala ang mga residente at motorista.

Nabigyan naman ng medical assistance ang ginang at nakalabas din agad ng ospital, habang ang kanya namang anak ay walang tinamong injuries.

Ikaw, ano ang gagawin mo kung ikaw ang biglang makaranas nito sa kalsada?

Normal ang humanga sa mga taong attractive sa ating paningin. Pero normal din ba na may malaking bagay na mawawala sa atin dahil dito?

Kung paano ito nangyari sa isang lalaki, alamin natin.

Ang perang gagamitin sana para makapagsimula ng negosyo, nawala pa!

Nangyari yan sa isang lalaki sa Negros nang may makita siyang isang babaeng foreigner na sobrang ganda at tila tumigil daw sa pag ikot ang mundo niya.

Aniya, pinakitaan siya ng Dolyar ng babae nang kausapin siya nito. At doon na niya hindi namalayang naibigay sa babae ang P200k na gagamitin niya sanang puhunan sa baboy.

Agad din daw umalis ang foreigner nang makuha ang pera at iniwanan pa siya ng regalo.

Hindi raw agad ito naipaalam ng biktima sa mga awtoridad dahil tila natulala at hindi agad napagtanto ang nangyari.

Ani ng biktima, nawa’y magsilbing aral ito sa lahat.

Pinaghahanap naman ngayon ang nasabing babae.

Ikaw, ano ang gagawin mo kapag sa’yo naman ito nangyari?

Trending ngayon ang Labubu Dolls na kamakailan lang ay dumagdag sa listahan ng mga ‘anik-anik’ na kinagigiliwan sa social media.

Pero ano nga ba ang kwento sa likod ng biglang pagsulpot ng trend na ito? Alamin natin.

Madalas na makikita ngayon ang Labubu Dolls na ginagawang palamuti at nakasabit sa mga bag kasama ng iba pang mga accessories na nauuso ngayon.

Ang Labubu Dolls ay nilikha ng Hongkong-born artist na si Kasing Lung noong 2015. Kabilang ito sa mga karakter ng The Monsters Series na inspired sa Nordic Mythology na kinahiligan niya habang lumalaki.

Pero bago maging toy designer, naging children’s book illustrator muna si kasing at naging pinakaunang Chinese winner ng Illustration Wward sa Belgium noong nanirahan ito roon.

2019 naman nang makipag-partner siya sa Chinese toy company na ‘Pop Mart’ na kilala sa binibigay nitong mystery effect dahil sa blind box packaging nito at simula noon ay unti-unti nang naging matunog ang Labubu Dolls.

Marami na ang sumali sa trend na ito kabilang ang na ilang mga local at international celebrities na binibida pa sa kanilang mga social media accounts ang koleksyon nila ng mga manika.

Ikaw, anong opinyon mo sa panibagong trend na ito?

Patuloy pa rin na ipinaglalaban ang karapatang pantao magpa-hanggang ngayon, pero paano naman ang karapatan ng mga hayop na hindi makalaban para sa kanilang mga sarili?

Ganon na lang ang ipinakitang galit ng mga tao sa comments section ng isang viral Facebook video sa Naga City.

Bakit? Alamin natin.

Sa isang video na in-upload ni Mary Ann Armillo Oira noong October 8, makikita ang isang gray na SUV sa hindi kalayuan.

Kung titignan ay mabagal ang takbo ng sasakyan at tila normal lang ang lahat. Ngunit nang i-zoom ng uploader ang video, mapapansin ang isang kambing na aakalaing nakasunod dito.

Pero ang totoo, ito pala ay nakatali sa likuran ng SUV!

Sinabi ni mary ann na inakala raw niya noong una na baka walang ideya ang driver ng suv sa nangyayari. Pero nang mag-overtake sa nasabing sasakyan ay nakita niya na nakangisi pa ang driver!

Aniya, marami ang nakapansin at bumusina sa SUV at sinusubukan pa niyang pigilan ito sa pamamagitan ng pag-overtake pero nagtuluy-tuloy lang ito sa pag-andar.

Sinabi niya rin sa comments na pakiramdam niya ay sinadya itong gawin ng driver dahil sa ekspresyon ng mukha nito.

Sa ngayon, mayroon nang 2.3 million views ang video at 3.1k comments. Marami naman ang nag-tag sa Philippine Animal Welfare Society para ipaalam dito ang pangyayari.

Ikaw, anong opinyon mo sa malupit na ginawa ng driver?

Hanggang saan aabot ang pagiging abangers mo sa produkto na gustong-gusto mong bilhin?

Ang kwento ng babae at ng asawa niyang nanguna sa pila ng launching ng iPhone 16, alamin.

Ni-launch ang iPhone 16 series sa piling Power MAC Centers noong madaling araw ng October 18 at kabilang dito ang branch sa Greenbelt 3 sa Makati.

Inabangan at pinilahan ito ng higit 300 katao at kasama sa mga nanguna sa pila ay si Lynn Anog at ang kanyang asawa.

Sinabi ni Lynn na alas singko pa lang ng hapon noong October 15 ay nakapila na sila ng kanyang asawa.

Dahil dito kung kaya’t na-break ni Lynn ang record ng customer mula sa Cebu na si Joey Reyes, na nanguna noon sa pila para sa release ng iPhone 11, 14, at 15.

Ayon kay Lynn, nakasabay niya pa noon sa pag-aabang si Reyes ngunit pang walo lamang siya sa pila.

Dagdag pa niya, ngayon lang daw ulit sila nag-upgrade after 4 years at talagang pinag-ipunan ang bagong cellphone.

Ikaw, gaano mo katagal kayang maghintay para sa inaabangang produkto?

Tulakan, sigawan, at sakitan ang inabot ng mga taong ito para lang makanood ng concert!

Kung bakit ito nangyari, tara alamin natin.

Sa isang Facebook video makikita ang maraming tao na nag gigitgitan at nag-uunahan habang papasok sa isang gate.

Dahil sa pagmamadali, tumumba na ang ilan at halos madaganan pa!

Ayon sa post, ang rason kung bakit hindi magkandamayaw ang mga tao sa pag-uunahan ay dahil sa kagustuhang makapasok at mapanood ang performance ng Rockstar Royalty na si Bamboo.

Nangyari ang free admission concert na ito sa Hermosa Music Festival na ginanap noong October 11 sa Joaquin Enriquez Memorial Sports Complex.

Parte ito ng Zamboanga Hermosa Festival na isinasagawa upang bigyang karangalan ang City’s Patron Saint na si Nuestra Señora de la Virgen del Pilar.

Dahil sa nangyari kung kaya’t marami ang nasaktan sa nangyaring kaguluhan na muntik nang mauwi sa stampede.

Ikaw, ano ang gagawin mo kapag ikaw ang nakaranas nito sa isang concert?

Tumaas ng 11 points ang resulta ng recent survey kumpara sa isinagawang March 2024 survey na nagresulta ng (+29) na moderate.

Makikita sa tinatawag na Governance Report Card ng SWS kung ilan ang bilang ng mga survey respondents na satisfied, undecided, at dissatisfied sa performance ng administrasyon sa specific issues.

Kabilang sa unang hilera ang tatlong subjects na may rating na ‘very good’ ay ang Helping Victims of Disasters, Improving the Quality of Children’s Education at Helping the Poor.

Ang sumusunod naman ang binigyan ng respondents ng ‘good’ na rating: Implementing Housing Programs for the Poor, Developing Science and Technology, Creating Policies that will Generate Job Ppportunities, Ensuring an Efficient Public Transportation System, at Ensuring Food Security.

Moderate naman ayon sa ilang respondents ang Preparing for Problems being Caused by Climate Change, Defending PH Sovereignty in the West Philippine Sea, and Ensuring that no Family will ever be hungry.

Habang tig-dalawang subjects naman ang nakailalim sa neutral na Fighting Crimes that Victimize Ordinary Citizens at Ensuring Oil Companies Do Not Take Advantage of Oil Prices, at poor naman Ang Eradicating Graft and Corruption in Government at Fighting Inflation.

Sa sumatotal na +40, lumabas sa resulta na 62% ng mga adult filipinos ang satisfied, 15% naman ang undecided, at 22% ang dissatisfied sa performance ng administrasyon.

Isinagawa ang second quarter ng survey sa 1,500 respondents na edad 18-year-old pataas noong June 23 hanggang July 1, 2024 sa pamamagitan ng face-to-face interviews.