Naka-lockdown na ang buong gusali ng Batasang Pambansa.
Ipinatupad ang lockdown ganap na alas-tres ngayong hapon.
Bahagi ito ng paghahanda para sa pagsisimula ng State of the Nation Address ni Pang. Ferdinand Marcos Jr. ngayong alas-kuwatro ng hapon.
Dahil dito, wala nang pinapayagang makapasok o makalabas ng gusali ng Kamara.
Kasabay ng pagpapatupad ng lockdown sa Mababang Kapulungan, tinanggal na rin ang pathway fence na unang inilatag sa South Wing na nagsilbing gabay sa pagpasok ng mga mambabatas, opisyal ng pamahalaan, at iba pang panauhin patungo sa Plenary Hall ng Kamara.
Inalis ang pathway fence upang bigyang-daan ang paghahanda sa cocktail reception na nakalaan para sa mga miyembro ng Kamara at iba pang opisyal na dumalo sa SONA. | via Jopel Pelenio (Patrol 17)
