Angelica Doctolero

Kung makikita mo ang lalaking ito sa airport, maniniwala ka ba na isa lamang siyang statue o estatwa?

Kung ano kwento sa likod ng viral na estatwa na ito, alamin natin.

Sa isang video makikita ang isang lalaking komportable at mahimbing na natutulog sa gitna ng airport at nakasandal pa sa kanyang mga bagahe.

Sa unang tingin, talaga nga namang nakapanlilinlang ang lalaki at aakalain mo na isa itong tunay na tao.

Pero ang totoo, isa lamang itong hyper-realistic statue na ginawa ng sculptor na si Duane Hanson na tinatawag na ‘The Traveler’.

Kilala si Hanson sa kanyang mga likha na nagpapakita ng mga tunay na pangyayari sa buhay ng mga tipikal na tao sa Amerika. Sa katunayan, mayroong dalawang versions ang The Traveler.

Sa pangalawang bersyon naman ay natutulog pa rin ang lalaki ngunit iba na ang kasuotan nito pero pareho lamang sila na gawa sa kinulayang oiled bronze, mga damit, buhok, duffel at sleeping bag, wooden sticks, at paper tickets.

Matatagpuan ang The Traveler sa Terminal A ng Orlando International Airport na naka-display doon simula pa noong 1986 pa.

Bukod pa rito, mayroon pang isang hyper-realistic statue na nilikha ni Hanson na tinatawag na ‘Vendor with Walkman’ na siya namang naka-display sa Terminal 3 ng Fort Lauderdale—Hollywood International Airport simula pa noong 1990.

Ikaw, anong masasabi mo sa nakabibilib na likha at talento ni Duane Hanson?

Isang nanay ang emosyunal dahil sa trauma na sinapit ng anak sa kamay ng mga ka-eskwela nito sa isang eskwelahan sa Pasig.

Kung ano ang pangyayari, alamin natin.

Sa isang viral video, makikita ang mga lalaking estudyante na nagkukumpulan sa gilid ng daan at isa sa kanila ang grade 10 student na nakasuot ng uniporme at nakaluhod sa semento dahil sa utos ng lalaking nakaputi na katabi nito.

Maririnig na maka-ilang beses nitong binantaan ang biktima na ‘umayos’ habang ilang ulit na sinampal at sinuntok pa.

Hindi rin nakaligtas sa background ng video ang boses ng mga kasama nilang lalaki na kinakantiyawan ang biktima na humingi ng sorry.

Ayon sa ina ng biktima, nalaman lang niya ang pambubully sa anak dahil may nag-send sa kanya ng video, kung saan nang tanungin niya raw ang kaniyang anak ay tanging iyak lang isinagot nito sa kaniya.

Kwento pa ng ina ng binatilyo, inabangan ng labas ng school ang kaniyang anak at dinala sa isang lugar kung saan ito pinaluhod, pinag-sorry, at pilit na pinaamin na ang anak niya ang nagpakalat ng isang conversation kahit na hindi naman daw ang anak niya may gawa nito, dahil kung hindi raw ito sumunod ay suntok ang aabutin.

Sinabi pa ng nanay na hindi lamang isa ang nanakit sa kaniyang anak kundi may iba pa.

Kaugnay nito, hindi matanggap ng nanay ng biktima ang 3-day community service na parusang ibinigay ng eskwelahan sa nam-bully sa kaniyang anak, kung saan tumanggi ang eskwelahan na magbigay ng pahayag kung bakit ganun lang ang parusang ibinigay nito sa nambully.

Nag-file naman na ng kaso ang pamilya ng binatilyo dahil sa labis na trauma at mayroon ng request para sumailalim ito sa counceling.

Siniguro naman ng Pasig City Government na nakikipagtulungan sila sa Schools Division Office ng Pasig para maaksyunan ang bullying incident.

Ikaw, ano ang masasabi mo sa mga bayolenteng pangyayaring ito?

Itutuloy mo pa rin ba ang pagbyahe kahit na masama ang panahon at puno ang bangka na sinasakyan mo?

Isang bangka na may sakay na 278 katao sa Congo ang malapit na sana sa daungan ngunit nauwi pa sa isang trahedya.

Kung paano ito nangyari, alamin natin.

Sa isang video na nakuhanan sa Lake Kivu sa Goma, Democratic Republic of Congo makikita muna ang isang bangka na tila sumasayaw sa gitna ng mga alon bago ito unti-unting tumagilid at hindi nagtagal ay tuluyan ding tumaob.

Ang bangka raw ay punong-puno ng mga bagahe at may sakay na 278 katao kahit na 30 pasahero lang dapat ang sakay niyan.

Higit pa riyan, itinuloy pa rin ang paglalayag ng bangka kahit na masama ang panahon at walang available na life jackets.

Ayon sa report, 78 ang nasawi sa insidente at may posibilidad pang madagdagan dahil patuloy pa rin ang imbestigasyon at paghahanap sa mga nawawalang pasahero.

Hindi na raw bago sa Democratic Republic of Congo ang ganitong mga klaseng insidente dahil makailang beses na itong nangyari nang mga nakaraang taon pa.

Kaugnay naman nito ang dati nang ipinangako ng gobyerno na parurusahan ang sinumang hindi susunod sa safety measures na itinalaga para sa water transportation.

Tinutukoy pa rin kung sino ang dapat na managot sa pangyayari.

Ikaw, ano masasabi mo sa malagim na pangyayaring ito?

Kaugnay sa darating na 2025 elections, pinapili sa labindalawang Senate candidates sa isang SWS survey ang 1,500 respondents na edad 18-year-old pataas mula Luzon, Visayaz, at Mindanao na tumagal mula September 14-23.

Makikita sa resulta na pinangunahan ito ng sampu sa labindalawang myembro ng ipinakilalang Senatorial Slate ng administrasyon ang inilabas na resulta ng SWS voter preferences for senators.

Leading si Congressman at ACT-CIS representative Erwin Tulfo at nakakuha ng voting preference na 54%, habang pumangalawa naman sa listahan si former Senate President Tito Sotto.

Kasunod nila si Senator Pia Cayetano na nakakuha ng 31%, habang magkasama naman sina senator Imee Marcos at former President Rodrigo Duterte sa rank 4-5.

Pareho ring lumapag sa rank 6-7 sina former Senator Ping Lacson at Senator Bong Revilla.

21% naman ang gained voting preference ni Las Piñas city representative Camille Villar, habang tie naman sa rank 9-10 sina Makati Mayor Abigail Binay at Senator Lito Lapid.

Sama-sama naman sina sina former Senator Manny Pacquiao, Senator Bato dela Rosa, at Senator Bong Go sa rank 11-13 na may 18%.

Matatandaang inendorso at isa-isang ipinakilala ni Pangulong Bongbong Marcos Jr. ang Senatorial Slate ng administrasyon sa ginanap na Alyansa ng Bagong Pilipinas noong September 26.

Kung ano talaga ang nangyari habang bumibyahe, alamin.

Habang lumilipad mula sa Henderson, Nevada papuntang Monterey, California, nangyari ang hindi inaasahan at nalagay sa isang posisyon ang 69-year-old real estate agent na si Yvonne Kinane-Wells na hindi niya pa nararanasan kahit kailan.

Habang nasa ere ay inatake sa puso ang 78-year-old niyang pilotong asawa na si Eliot Alper kung kaya naman tinawagan niya ang air traffic control upang humingi ng tulong sa pag-take over sa eroplanong minamaneho nito na nasa 5,900 feet ang taas.

Gamit ang radyo ay binigyan ng instructions si Yvonne ng air traffic control at sa kabutihang palad ay nagawa niyang mailapag ang eroplano sa Bakersfield Airport kahit pa wala siyang experience sa pagpapalipad ng aircraft.

Agad na nadala sa ospital si Eliot ngunit sa kasamaang palad ay binawian din ito ng buhay.

Sa isang pahayag, sinabi ng Director ng airports ng Kern County na si Ron Brewster na ni minsan ay hindi pa siya nakakita ng ganoong insidente.

Ikaw, anong masasabi mo sa pambihirang pangyayaring ito?

Normal ang hindi makarinig pabalik mula sa employers matapos magpasa ng job application.

Pero paano kung makatanggap ka ng mensahe mula sa inaapplyan mong dream job makalipas ang mahigit apat na dekada?

Kung paano ito nangyari sa isang babae, tara alamin natin yan!

Isang pambihirang kwento ang karanasan ng 70-year-old na si Tizi Hodson nang mag-apply siya noong 1976 bilang motorcycle stunt rider.

At dahil pinasa ang application sa pamamagitan ng isang sulat, may malaking tyansa na hindi ito matanggap at mabasa agad.

Lumipas na lang ang maraming taon ay walang natanggap si Tizi pabalik mula sa employer.

Kung bakit? Yun ay dahil naipit pala sa likod ng drawer sa post office ang kanyang application!

Gayunpaman, nagpatuloy ang buhay ni Tizi at lumipat sa Africa at naging snake handler at horse whisperer. Bukod diyan, natuto rin siya maging aerobatic pilot at flying instructor.

Pero ang pinaka nakakagulat sa lahat ay bumalik kay Tizi ang application letter niya kahit pa ilang beses na siyang nagpalipat-lipat ng bahay at lumipad sa iba’t ibang bansa, at may note pa na “Late delivery by Staines Post Office. Found behind a draw. Only about 50 years late.”

Natatandaan pa raw niya na ayaw niyang ipaalam na siya ay isang babae sa takot na hindi makakuha ng interview para sa posisyon na inapplyan.

Aniya pa naging masaya ang buhay niya at kung makakausap man ang kaniyang younger self ay papayuhan niya ito na gawin din ang mga bagay na ginawa niya noon.

Ikaw, anong masasabi mo sa pambihirang pangyayaring ito?

Sa dami ng paraan para mangdisiplina ng mga bata, ano nga ba ang pinakamabisa?

Ang isang teacher sa Davao City, tila iba at nakapanlulumo ang pamamaraan para disiplinahin ang kanyang estudyante.

Kung ano ang nangyari, tara, alamin natin.

Umuwing umiiyak sa kanilang bahay ang isang kindergarten student dahil pinunit ng teacher ang kanyang pinaghirapan na project.

Sa social media post ng ina ng bata ay makikita itong umiiyak at nakasuot pa ng uniporme at kasama rin ang litrato ng punit niyang project.

Dahil sa hindi makatwiran na pangyayari, kinausap ng nanay ang teacher ng anak at tinanong kung paanong nauwi sa pagkapunit ang project ng bata.

Sagot ng teacher, nagawa niya lang naman daw ito dahil gusto niyang turuan ng leksyon ang bata na ilang beses niyang sinaway sa pakikipagdaldalan.

Samu’t-sari ang naging opinyon ng mga netizens sa social media. Hati ang pabor sa tamang pangdidisiplina at sa paraan na ginawa ng guro. Maski ang pag-post ng nanay sa social media ay pinuna rin at sinabing sa principal daw sana muna dinaan ang reklamo.

Para sayo, ano ba ang tamang paraan para mangdisiplina?

College graduation ang pinakaaantay hindi lamang ng mga estudyante kundi pati na rin ng kanilang pamilya, lalo na ng mga magulang na nagpapa-aral sa kanila.

Kaya naman nag-viral ang emosyonal na TiktTok video ng isang Magna Cum Laude graduate ng BA in English Language Studies kasama ang kanyang ama.

Bakit nga ba nag-viral yan, alamin natin!

Sa TikTok video ng Magna Cum Laude graduate mula Polytechnic University of the Philippines na si Keanne Roeh Isurda, makikita na nag-uusap sila ng kanyang Tatay Rodolfo habang hawak niya ang kanyang toga.

Kasunod nito ang pagsusuot ni Keanne ng toga sa kanyang emosyonal na ama habang maririnig na sinasabi nito na hindi niya naranasan ang makapagsuot ng toga dahil hindi siya nakagraduate.

Tila nagsagawa pa sila ng maliit na graduation ceremony at tinuruan pa ni Keanne ang ama na ilipat ang tassel mula sa kanan papunta sa kaliwang bahagi ng graduation cap.

Sa isang pahayag, sinabi ni Keanne na hindi naman daw ni-require na grumaduate sila with honors dahil kahit anong mangyari ay proud sa kanila ang ama.

Gayunpaman, pinakita sa kanyang TikTok video na natupad niya ang ipinangako sa ama na gagraduate siya bilang Magna Cum Laude sa PUP.

Si Keanne ang pinakaunang nagtapos sa kanilang pamilya at kasalukuyang nagtatrabaho bilang marketing associate.

Ikaw, anong masasabi mo sa nakakaantig na tagpo na ito?

Sinong mag-aakala na ang simpleng pakiusap sa kapitbahay ay mauuwi sa pananaksak?

Paano nga ba ito napunta sa isang krimen? Tara, alamin natin.

Isang bahay ang malakas pa ring nagpapatugtog ng videoke sa Laoag City, Ilocos Norte ala una ng madaling araw noong October 10.

Dahil nahihirapang matulog ang kanyang mga kasama sa bahay pati na rin ang ibang kalapit bahay, pinuntahan ng 47-anyos na ginang ang kapitbahay na nagpapatugtog para makiusap na hinaan ito.

Minasama naman ng suspek ang simpleng pakiusap ng ginang at sandaling umalis.

At nang bumalik naman ito ay may dala nang patalim at pinagsasaksak ang biktima.

Agad namang inawat ng kanyang mga kasama ang suspek at agaran ding nadala sa ospital ang ginang.

Pinaghahahanap ngayon ng awtoridad ang suspek na tumakas matapos gawin ang krimen.

Ikaw, para sa’yo, hanggang anong oras lang ba dapat pwedeng gumamit ng videoke?

Nagkalat kung saan-saan ang iba’t ibang brands at maraming klase ng skincare products na pampaganda ng balat at pampabata.

Pero sa India, isang mag-asawa ang nag-o-offer ng kakaibang produktong pampabata kung saan ay nakapag-scam sila ng $4M.

Paano nga ba ito nangyari? Tara, alamin natin!

Ang Indian couple sa Kanpur, India na sina Rajeev Kumar Dubey at Rashmi Dubey ay nakapag-scam ng limpak-limpak na salapi mula sa mga nakatatanda.

Ang strategy, pinapaniwala nila ang mga tao na ang polluted air ang dahilan ng mabilis nilang pagtanda at ang solusyon dito ay ang israel-made time machine at oxygen therapy para bumalik sila sa pagiging young-looking.

Ayon awtoridad, sa therapy center na pag-aari ng mag-asawa ay nag-o-offer ng package na nagkakahalagang Rs 6,000 para sa 10 sessions at Rs 90,000 naman para sa 3-year plan.

Dagdag pa niya, ang scamming tactic na ito ay ginawa pa nilang pyramiding scheme sa pamamagitan ng pangangako na magbibigay sa clients ng libreng oxygen therapy sessions para sa bawat customer na mahihikayat nila na magpunta sa kanilang clinic.

Nangako raw ang mga dubey ng mabilis na resulta sa loob lamang ang ilang buwan at sinabing babata ng 20 years at aayos ang damaged organs ng sinumang susubok nito.

Inabisuhan na ang mga airport na harangin sina Rajeev at Rashmi ngunit pinaghahanap pa rin dahil pinaniniwalaang nakalabas na sila ng bansa tangay ang pera ng mga biktima.

Mayroon nang kaso laban sa mga Dubey at patuloy pa rin ang imbestigasyon ngunit kumpirmado na higit 24 katao na ang naloko ng mag-asawa.

Ikaw, gagastos ka ba ng ganitong kalaki, para magmukhang bata?