Dadalo si Pangulong Ferdinand ‘Bongbong’ Marcos sa ASEAN-EU Summit sa Belgium sa Disyembre.
Ayon kay DFA assistant secretary Daniel Espiritu, na pagkatapos ng ASEAN ay dadalo ang Pangulo sa APEC Summit sa Bangkok at susunod ang ASEAN-EU Summit sa Brussels sa susunod na buwan.
Aniya, posibleng maging instrumento ito upang harapin ang ASEAN-EU Free Trade Agreement na naitigil ng maraming taon.
Nauna na rito, inimbitahan ng European Union ang Pangulo na bumisita sa Belgium para talakayin ang mga isyu sa patakarang panlabas ay relasyon sa pagitan ng Pilipinas at Bloc.
Samantala, nilagdaan ng Pilipinas at EU ang Partnership and Cooperation Agreement upang palakasin ang kanilang bilateral na relasyon partikular sa mga usaping pampulitika, panlipunan, at pang-ekonomiya. —sa panulat ni Jenn Patrolla
