Binati ni Malaysian Prime Minister Anwar Ibrahim si Pang. Ferdinand Marcos Jr. bunsod ng magagandang hakbang na ginagawa nito upang matamo ang kapayapaan sa Mindanao.
Matapos ang makasaysayang bilateral meeting nina PBBM at Anwar sa Malacañang, sinabi ng unang ministro na nakabibilib ang pagtugon ng pamahalaan sa matagal nang problema sa rehiyon.
Kaya naman, ipinaliwanag ni Anwar na suportado niya ang administrasyong Marcos bilang kaalyado at malapit na kapitbahay ng Pilipinas.
Sa pamamagitan aniya ng iba’t ibang capacity-building programs, kabilang na rito ang Technical Cooperation Program, nangako si Anwar na patuloy silang tutulong sa mga mamamayan ng Bangsamoro para sa makamit ang pangmatagalang kapayapaan sa Lupang Pangako.