Sinampahan na ng reklamo ng Philippine National Police-Criminal Investigation and Detection Group-National Capital Region (PNP-CIDG-NCR) ang tinaguriang “Poblacion Girl” na si Gwyneth Chua dahil sa hindi pagsunod sa quarantine protocols ng COVID-19.
Kasong paglabag sa mandatory reporting of notifiable diseases and Health Events of Public Concern Act ang isinampa laban kay Chua.
Bukod kay Poblacion Girl, sinampahan rin ang kanyang mga magulang na sina Allan Chua at Gemma Chua, nobyong si Rico Atienza at limang staff ng Berjaya Hotel.
Lumabas sa imbestigasyon ng CIDG-NCR, dinala si Chua sa Berjaya Makati nuong December 22 alas onse bente tres ng gabi galing Amerika pero sinundo naman ito ng kanyang ama at agad umalis.
Habang ang ina naman nito ang naghatid sa kanya pabalik ng hotel noong alas-nuebe ng gabi ng December 25.
Nagtungo si Chua sa Kampai Bar at sa Mijo Comfort Food nang tumakas ito sa hotel quarantine.
Kalaunan ay nagpositibo ito at ang labinglima na nakasama sa party ay nagpositibo rin sa COVID-19.
