Aminado si Budget Secretary Amenah pangandaman na wala pang natutukoy na mga ahensiya ng gobyerno na maaaring isalang sa panukalang downsizing.
Mababatid na aabot sa 187 agencies ang mga ahensiya na isasama nila sa pag-aaral upang matukoy kung puwede ito na tanggalin or pagsasamahin na lamang.
Kinumpirma ni kalihim na base sa kanilang pagtaya, nasa 5% ng mga empleyado ng gobyerno ang maaapektuhan ng naturang programa o katumbas ng 14.8 billion pesos ang matitipid ng gobyerno sa personnel services kada taon.
Binigyang diin pa ng opisyal na target ng gobyerno ang mas maliit na burukrasya.
Una nang ipinanukala na magpatupad ng downsizing program ang pamahalaan sa ilang mga ahensiya ng gobyerno na mistulang redundant na o nadodoble lang ang trabaho.