Magpasa ng batas laban sa political dynasty.
Ito ang hamon ng Constitutionalist na si Atty. Christian Monsod sa mga mambabatas bago isulong ang pederalismo.
Sa panayam ng DWIZ, sinabi ni Monsod na mapapanatag lamang siyang hindi maaabuso at magagamit ng mga naghahari-hariang pamilya sa bansa ang pederal na uri ng gobyerno kung maisasabatas na ngayon pa lamang ang anti-political dynasty na matagal nang nakabinbin sa Kongreso.
Nangangamba kasi si Monsod na lalo lamang mamayagpag ang political dynasty lalo’t mas pinalakas ang kapangyarihan at malaki na rin ang pondo ng bawat lilikhaing estado na patatakbuhin ng mga lokal na opisyal sa ilalim ng gobyernong pederal.
Bahagi ng pahayag ni Atty. Christian Monsod
By Ralph Obina | Siyasat
